LUKAS 4:8 - KITTA KAREBA MADECENG

⁸ Nappébali Yésus, “Ri laleng Kitta'é tarokii, ‘Sitinajako pakalebbii Puwang Allataalamu sibawa tumaningiwi Aléna bawang!’ ”

LUKAS 4:8 ပူးပေါင်းရင်းမြစ်များ

2 ARUNG-NGARUNG 19:15

nainappa massempajang, adanna, “Puwang, Allataalana Israélié, iya monroé ri yasé'na kérub-é, Iko alé-aléna Allataala iya makuwasaiyéngngi sininna akkarungengngé ri tompo'na linoé. Iko ritu pancajiwi langié sibawa linoé.

MAZMUR 83:18

Leppessangngi mennang tuli ripakasiri sibawa métau, leppessangngi mennang maté ri laleng atunangngé.

YESAYA 2:11

Tau matempoé ripakariyawai matu sibawa tau maboroé ripatunru'i. Banna Puwangnge bawang ripakaraja.

MATIUS 16:23

Nagilinna Yésus nakkeda lao ri Pétrus, “Esu'ko, Paggoda! Mulawa-lawai-Ka. Iyaro pikkirammu, pikkirang tolino; tenniya pikkirang Allataala!”

MATIUS 4:10

Nappébali Yésus, “Addésu'ko Ibillisi'! Ri laleng Kitta'é tarokii: Sitinajako sompai Puwang Allataalamu, sibawa tumaningiwi Aléna bawang!”

LUKAS 4:4

Nappébali Yésus, “Ri laleng Kitta'é tarokii, ‘Rupa tauwé dé' naulléi tuwo polé ri rotié bawang.’ ”

LUKAS 4:7

Iya manennaro mancajiwi appunnangem-Mu matu, rékko suju'-Ko sompaka.”

ULANGENG 10:20

Pakalebbii Puwang Allataalamu sibawa massompa ri Aléna bawang. Sitinajako tette matinulu lao ri Aléna sibawa mattanro ri laleng asen-Na bawang.

ULANGENG 6:13

Pakalebbii Puwang, Allataalamu, sibawa massompa ri Aléna bawang, narékko mattanroko, pogau'i ri laleng asen-Na bawang.

YAKOBUS 4:7

Rimakkuwannanaro, tunru'no lao ri Allataala sibawa éwai Ibillisi', nalari matu Ibillisi' polé ri iko.

1 PETRUS 5:9

Ewai sibawa teppe' iya masse'é, saba' muwissengngi makkedaé tau Kristéng laingngé ri sininna linoé manrasa-rasa towi pada-pada iko.

WAHYU 19:10

Tassulunna ri yolona iyaro malaéka'é maélo sompai, iyakiya makkedai lao ri iyya, “Aja'! Aja' musompaka, sompai Allataala! Saba' iyya atato pada-pada iko enrengngé pada-pada sininna saudaramu iya makkatenning masse'é ri asabbiyanna Yésus!” Saba' asabbiyanna Yésusnaro iya panurungengngéngngi tau iya mabbotoé.

WAHYU 22:9

iyakiya makkedai lao ri iyya, “Aja'! Aja' musompaka! Sompai Allataala! Saba' iyya ata muto pada-pada iko, sibawa pada-pada saudara-saudaramu sining nabié sibawa sininna tauwé iya turusiyéngngi sining paseng ri laleng kitta'éwé!”

1 SAMUEL 7:3

Namakkedana Samuél lao ri umma Israélié, “Rékko maéloko lisu ri Puwangnge nenniya sompai Aléna sibawa sukku atimmu, harusu'ko mabbéyangngi sininna déwata laingngé sibawa dato'-dato'na Déwi Asytorét. Abbéréyang sisengngi alému lao ri Puwangnge sibawa massompa ri Aléna bawang, nanapaleppe'ko matu polé ri tau Filistingngé.”