LUKAS 4:6 - KITTA KAREBA MADECENG

⁶ Nakkeda Ibillisi' lao ri Yésus, “Iya manennaé akuwasangngé sibawa asugirengngé uwabbéréyangngi matu lao ri Iko, saba' iya manennaro purani riwérékka, naweddikka mabbéréyangngi lao ri nigi-nigi iya upojiyé mpéréngngi.

LUKAS 4:6 ပူးပေါင်းရင်းမြစ်များ

ESTER 5:11

Nainappa mabboro Haman lao ri mennang sibawa mattempowangngi asugirenna, égana ana'-ana' worowanéna, tudangeng penting iya natarimaé polé ri arungngé, sibawa pangka'na iya lebbi tanré naiya pegawé-pegawé laingngé.

YESAYA 23:9

Puwang Iya Pommakuwasaé, Aléna ritu malai iyaro apettungngé. Napettuiwi untu' paccappa'i atemponna pabbanuwana lao ri sininna wassélé iya puraé nalolongeng mennang, sibawa pakariyawai sining tau iya malebbié ri linoé.

YESAYA 5:14

Mangngangai matu malowang pannyoro'na amaténgngé untu' memme'i sining tau mariyoloé ri Yérusalém silaong ra'ya' iya ramé-ramé mappésta.

LUKAS 4:7

Iya manennaro mancajiwi appunnangem-Mu matu, rékko suju'-Ko sompaka.”

YOHANES 12:31

Narapini wettunna makkekkuwangngé riyadéléki linoé; risulléini panguwasana linoé makkekkuwangngé.

YOHANES 14:30

Dé' namaéga Upowada matu lao ri iko, saba' narapini wettunna panguwasana linoéwé polé. Iyakiya dé' nakuwasaiwi alé-Ku.

YOHANES 8:44

Ibillisi' ritu ambo'mu. Pammulanna mupa na iyaro Ibillisi' pabbuno. Dé' naengka naccowé ri atongengengngé, saba' dé' atongengeng ri aléna. Rékko mabbelléi, mémeng sitinaja, saba' makkuwa mémenro sipa'na. Pabbelléngngi sibawa assalenna sininna bellé.

2 KORINTUS 11:14

Tenrihérangeng mennang pogau'i makkuwaéro, saba' muwi Ibillisi' mallarikkodoto selaku malaéka'na tajangngé!

EFESUS 2:2

Iyaro wettué muwaccowériwi sining abiyasanna linoéwé; bettuwanna matinuluko lao ri panguwasana langi marajaé iyanaritu roh iya makuwasaiyéngngi makkekkuwangngé atinna sining tau iya dé'é namatinulu lao ri Allataala.

1 PETRUS 1:24

Ri laleng Kitta'é tarokii makkuwaé, “Sininna rupa tauwé sinrupai wellaé, sibawa sininna arajanna pada-padai unga wellaé. Makelle'i wellaé, maddunu towi unganna;

1 YOHANES 5:19

Taissenni makkedaé idi'é appunnangennai Allataala, namuni sininna linoéwé engkai ri yawa akuwasanna Si Majaé.

WAHYU 12:9

Iyaro naga battowaé riyabbéyanni massu! Aléna ritu iyaro ula macowaé iya riyasengngé Ibillisi' iyaré'ga Sétang, iya bellééngngi sininna linoé. Ribuwanni ri linoé silaong sininna malaéka'na.

WAHYU 13:2

Olokolo' iya uwitaéro tappana pada-padai macang tutul-é, sibawa ajéna pada-pada ajé beruwangngé, enrengngé pannyoro'na pada-pada pannyoro' singaé. Nainappa iyaro olokolo'é riwéréngngi ri nagaéro awatangeng ri aléna, sibawa kadéra arajanna enrengngé akuwasanna iya battowaé.

WAHYU 13:7

Ripalalo towi méwai umma'na Allataala enrengngé caui mennang. Enrengngé akuwasang ri yasé'na sininna sukué, wanuwaé, basaé, sibawa bangsaé riyabbéréyang lao ri aléna.