LUKAS 4:41 - KITTA KAREBA MADECENG

⁴¹ Nassuna sining sétangngé polé ri tau maégaé, nagora-gorato, “Ikona Ana'na Allataala!” Iyakiya rigera'i mennang ri Yésus sibawa dé'naripalalo mennang mabbicara, saba' naissengngi mennang makkedaé Aléna ritu Arung Pappassalama'é.

LUKAS 4:41 ပူးပေါင်းရင်းမြစ်များ

MATIUS 26:63

Iyakiya mammekko bawammi Yésus. Siseppi makkeda iyaro imang lompoé lao ri Yésus, “Nasabbing Allataala iya tuwoé, powadani Ikoga Arung Pappassalama'é, Ana'na Allataala?”

MATIUS 4:3

Poléni Ibillisi' sibawa makkeda, “Ana' Allataala-Koto? Nah, suroi batu-batuéwé mancaji roti.”

MATIUS 8:16

Mammulanana mapettang, natiwini tauwé lao ri Yésus maéga tau iya nauttamakiyé sétang. Na silappa adami bawang napaddésu'i Yésus sining sétangngéro sibawa napajjappa towi sininna tau malasaé.

MATIUS 8:29

Massui mennang polé ri gowa-gowana tampungngé nanagora, “Eh Ana' Allataala, maélo-Ko magaki? Maélonoga sissaki namuni tenniyapa wettunna?”

MATIUS 8:4

Nakkeda Yésus lao ri aléna, “Engngerangngi! Aja' mucuritai lao ri nigi-nigi. Iyakiya laoko ri imangngé, namuwéllauwi untu' pattentui makkedaé majjappano. Purairo akkasuwiyangenno akkarobangeng iya napparéntangngé Musa, selaku butti lao ri tauwé makkedaé tonget-tongenno majjappa!”

MARKUS 1:25

Nagara'ni Yésus iyaro roh-é, “Ammekkoko! Assuko polé ri tauwéro!”

MARKUS 1:32

Arawénnana, labunana essoé, natiwini sining tauwé lao ri Yésus iya maneng tau malasaé sibawa tau nauttamakiyé sétang.

MARKUS 1:34

Nanapajjappani Yésus maéga tau iya nakennaé maddupa-rupang lasa, sibawa napaddésu' towi maéga sétang. Dé' napalaloi iyaro sining sétangngé mabbicara, saba' naissengngi mennang niga Yésus.

MARKUS 3:11

Sining tau iya nauttamakiyé roh maja, sises-siseng naitai, matteru bawammi suju' ri yolo-Na sibawa gora, “Ikona Ana'na Allataala!”

LUKAS 4:39

Nalaona Yésus ri onrong atinronna makkunraiéro, napaddésu'i iyaro semmengngé. Nasorona iyaro semmengngé, naoto'na matuwa makkunrainna Simon nanatumaningiwi mennang.

YOHANES 20:31

Iyakiya iya manennaé riyokii, kuwammengngi mumateppe makkedaé Yésus iyanaritu Arung Pappassalama'é, Ana'na Allataala, sibawa nasaba teppe' ri aléna, lolongekko atuwong.

YAKOBUS 2:19

Dé'ga mumateppe makkedaé banna séddi bawang Allataala? Nah, muwi sining sétangngé mateppe'to sibawa ténréna mennang nataro tau!