LUKAS 4:34 - KITTA KAREBA MADECENG

³⁴ “Eh Yésus, tau Nazarét, aga maélo Mugaukekki? Polé-Koga maélo pabbinasaki? Uwisseng nigako, iko suro polé ri Allataala iya mapaccingngé!”

LUKAS 4:34 ပူးပေါင်းရင်းမြစ်များ

KAJAJIYANG 3:15

Iko sibawa makkunraiéro tuli sibenciko matu, wija-wijanna sibawa wija-wijammu tuli simusui matu. Wija-wijanna naancuru'i matu ulummu, na iko muwokkoi matu amputuna mennang.”

1 ARUNG-NGARUNG 17:18

Namakkeda iyaro jandaé lao ri Elia, “Atanna Allataala, magi napogau'i Bapa' gau'éwé lao ri iyya? Poléiga Bapa' untu' nassabariwi Allataala naéngngerangngi dosaku, angkanna harusu'i maté ana'ku?”

MAZMUR 16:10

Saba' dé' Muleppessakka maté; tau iya Muwamaséiyé dé' Muleppessangngi maté.

DANIEL 9:24

Wékkapitu pituppulo taung iyanaritu wettu iya napattette'é Allataala untu' paleppe'i bangsamu sibawa kotamu iya mapaccingngéro polé ri dosaé sibawa jaé. Sininna dosaé riyaddampengengngi sibawa ripatettongngi adélékeng iya mannennungengngé, angkanna pakkitang sibawa botoéro mannessai matu, sibawa Bolana Puwang iya mapaccingngéro riyassompaisi matu lao ri Puwangnge.

MATIUS 8:29

Massui mennang polé ri gowa-gowana tampungngé nanagora, “Eh Ana' Allataala, maélo-Ko magaki? Maélonoga sissaki namuni tenniyapa wettunna?”

MARKUS 1:24

“Oh Yésus, tau Nazarét-é, aga maélo Mugaukekki? Polé-Koga untu' pabbinasaki? Uwisseng niga Iko: Ikona suro mapaccingngé iya polé ri Allataala!”

MARKUS 1:34

Nanapajjappani Yésus maéga tau iya nakennaé maddupa-rupang lasa, sibawa napaddésu' towi maéga sétang. Dé' napalaloi iyaro sining sétangngé mabbicara, saba' naissengngi mennang niga Yésus.

MARKUS 5:7

Nasibawang sadda battowa gorani, “Yésus, Ana'na Allataala Iya Pommatanré! Maélo-Ko magaka? Uwéllauwi ri laleng asenna Allataala, aja' Mupanrasa-rasaka!” (

LUKAS 1:35

Nappébali iyaro Malaéka'é, “Poléi matu Rohna Allataala ri iko, sibawa akuwasanna matu Allataala salipuriko. Iyanaro saba'na ana' iya mujajiyangngé matu riyasengngi matu Mapaccing, Ana'na Allataala.

LUKAS 4:33

Kuwaro ri bola assompangngé engka séddi tau iya nakuwasaiyé sétang. Iyaro tauwé kelli'-kelli'ni,

LUKAS 4:41

Nassuna sining sétangngé polé ri tau maégaé, nagora-gorato, “Ikona Ana'na Allataala!” Iyakiya rigera'i mennang ri Yésus sibawa dé'naripalalo mennang mabbicara, saba' naissengngi mennang makkedaé Aléna ritu Arung Pappassalama'é.

LUKAS 8:28

Wettunna naita Yésus, gorani nainappa suju' ri yolona Yésus sibawa mangobbi, “Yésus Ana'na Allataala Iya Pommatanré! Maélo-Ko magaka? Uwéllauwi aja' mucallaka!”

LUKAS 8:37

Nainappa iyaro sininna pabbanuwana Gerasa naéllauni sibawa masero kuwammengngi nasalaiwi Yésus iyaro onrongngé, saba' métau senna' manenni mennang. Jaji ménré'ni Yésus ri lopié maélo lisu.

RIWAYA'NA RASUL-RASUL-E 16:39

Nainappa lao méllau addampeng ri Paulus sibawa Silas, nainappa nantara mennang iya duwa massu polé ri tarungkué, enrengngé naéllaunna kuwammengngi nalao mennang polé ri kotaéro.

RIWAYA'NA RASUL-RASUL-E 2:27

Saba' dé' Muleppessangngi nyawaku monro ri laleng linona tau maté. Dé' Muleppessangngi iyaro atam-Mu iya matinulué ancuru' sibawa cappu.

RIWAYA'NA RASUL-RASUL-E 3:14

Mapaccingngi sibawa makessingngi, iyakiya muéwai sibawa mudessa'-Na kuwammengngi naleppessangekko Pilatus séddi tau pauno-uno.

RIWAYA'NA RASUL-RASUL-E 4:27

Saba' mémeng Hérodés sibawa Pontius Pilatus purani pakangka addeppungeng sibawa sining tau iya dé'é naissengngi Puwangngé sibawa tau Israélié ri kotaéwé. Siruntu'i mennang untu' méwai Yésus Atam-Mu iya mapaccingngéro, iya puraé Muwakka mancaji Arung Pappassalama'é.

IBRANI 2:14

Nasaba sining tau iya nateppué iyaro ana'é, iyanaritu mahlu' tolino iya weddingngé maté, na Yésus muto mancaji pada sibawa mennang enrengngé tuwo ri laleng keadaang tolinoé. Napogau'i makkuwaéro, kuwammengngi nasibawang amatén-Na naulléi mancuru'i Ibillisi' iya makuwasaiyéngngi amaténgngé.

YAKOBUS 2:19

Dé'ga mumateppe makkedaé banna séddi bawang Allataala? Nah, muwi sining sétangngé mateppe'to sibawa ténréna mennang nataro tau!

1 YOHANES 3:8

Iyakiya tau iya matteru-terué pogau' dosa, ana'nai iyanaritu Ibillisi', saba' Ibillisi' pammulanna mupa namadosa. Untu' iyanaé napolé Ana'na Allataala, iyanaritu untu' mancuru'i jama-jamanna Ibillisi'.

WAHYU 20:2

Nainappa natikkeng iyaro nagaé, ula macowaé – iyanaritu Ibillisi'é iyaré'ga Roh Majaé – sibawa balenggui untu' sisebbu taung ittana.

WAHYU 3:7

“Lao ri malaéka'na jema'é ri Filadelfia, okii makkuwaé: Iyanaé paseng polé ri Aléna iya mapaccingngé enrengngé tongengngé. Aléna ritu pakkatenning goncing iya nappunnaiyé Daud; rékko natimpa'i, dé' muwi séddi mulléi tongkoi, sibawa rékko tattongkoi, dé' muwi séddi tau mulléi timpa'i.