LUKAS 4:31 - KITTA KAREBA MADECENG

³¹ Nainappa Yésus lao ri Kapernaum ri Galiléa. Kuwaniro napagguru sining tauwé ri esso Saba'é.

LUKAS 4:31 ပူးပေါင်းရင်းမြစ်များ

MATIUS 10:23

Rékko ripanrasa-rasako riséddié kota, lariko ri kota rappina. Upaissengiko: Riwettu dé'napa napura maneng mujoppai kota-kotana Israélié, engkani polé Ana'na Tolinoé.

MATIUS 4:13

Nasalaini Nazarét, naonro ri Kapernaum ri wirinna Tappareng Galiléa ri daérana Zébulon sibawa Naftali.

LUKAS 4:23

Nakkeda Yésus lao ri mennang, “Pasti mupakéi iyaé warékkadaé lao ri Iyya, ‘Eh dottoro', pajjappai alé-Mu. Anu makalallaing riyéngkalingaé iya Mupogau'é ri Kapernaum, pogau' toni ri kampong assalem-Mu.’ ”

RIWAYA'NA RASUL-RASUL-E 13:50

Iyakiya sining tomarajana kotaéro sibawa sining makkunrainna iya polé ri golongang sining tomatanré iya métaué ri Allataala, ripakiri-kiriwi risining tau Yahudié. Papoléi mennang assimusureng lao ri Paulus sibawa Barnabas, sibawa narukkana mennang iya duwa polé ri daéraéro.

RIWAYA'NA RASUL-RASUL-E 18:4

Iyakiya tungke' Esso Saba', laowi Paulus maccurita-curita ri bola assompangé untu' mébbui sining tau Yahudié sibawa sining tau Yunanié, mateppe' lao ri Yésus.