LUKAS 4:23 - KITTA KAREBA MADECENG

²³ Nakkeda Yésus lao ri mennang, “Pasti mupakéi iyaé warékkadaé lao ri Iyya, ‘Eh dottoro', pajjappai alé-Mu. Anu makalallaing riyéngkalingaé iya Mupogau'é ri Kapernaum, pogau' toni ri kampong assalem-Mu.’ ”

LUKAS 4:23 ပူးပေါင်းရင်းမြစ်များ

MATIUS 13:54

nalisu ri kampong assalen-Na. Kuwaniro lao mappagguru ri bola assompangngé, na sining tau iya méngkalingaéngngi kuwaro, hérang senna'ni. Makkedani mennang, “Polé kégi iyaé tauwé lolongeng pangissengeng pada-padaéro? Sibawa polé kégi towi lolongeng akuwasang untu' pogau'i anu makalallaingngé?

MATIUS 4:13

Nasalaini Nazarét, naonro ri Kapernaum ri wirinna Tappareng Galiléa ri daérana Zébulon sibawa Naftali.

MATIUS 4:23

Ri Galiléa, mattulilini Yésus ri sininna wanuwaéro. Mappagguruni risining bola assompangngéro, sibawa nappallebbangengngi Karéba Madécéngngé makkedaé mapparéntai matu Allataala sibawa napajjappai sining tau sala-salangngé sibawa malasaé.

MARKUS 6:1

Polé ri onrongngéro, lisuni Yésus silaong ana'-ana' gurun-Na ri kampong assalen-Na.

LUKAS 2:39

Puranana napogau' Yusuf sibawa Maria sininna iya nawajikengngé Hukkunna Puwangngé, lisuni ri Nazarét ri Galiléa.

LUKAS 2:51

Nalisuna Yésus silaong mennang lao ri Nazarét, sibawa matinuluna lao ri mennang. Sininna gau'éro nataroi indo'-Na ri laleng atinna.

LUKAS 4:16

Laosi paimeng Yésus ri Nazarét, onron-Na ripawekke. Ri esso Saba'é, situru abiyasan-Na laoni ri bola assompangngé. Tettonni untu' bacai Kitta'é,

LUKAS 4:31

Nainappa Yésus lao ri Kapernaum ri Galiléa. Kuwaniro napagguru sining tauwé ri esso Saba'é.

LUKAS 4:35

Naggera' Yésus lao ri sétangngéro, “Ammekkoko! Assuko polé ri tauwéwé!” Nainappa iyaro sétangngé naggeppuwangngi iyaro tauwé ri yolona maneng mennang, nainappa massu polé ri tauwéro dé'na napeddiriwi.

LUKAS 6:42

Pékkugi mulléi makkeda ri silessuremmu, ‘Laono mai, silessureng, upassui iyaro bulisa'é polé ri matammu,’ na ri laleng matammu engka balo' dé' muwitai? Eh munapé'! Passuni riyolo' balo' iya engkaé ri matammu. Nainappa mullé mitai sibawa manessa kuwaéttopa passui bulisa'é polé ri matanna silessuremmu.”

YOHANES 4:28

Na iyaro makkunraié nasalaini busunna kuwaro nalari lao ri kotaé nanakkeda lao risining tauwé kuwaro,

2 KORINTUS 5:16

Rimakkuwannanaro, dé'na taangke'i tauwé situru ukkurang tolinoé. Mémeng engka naengka nariyangke Kristus polé ri tolinona, iyakiya makkekkuwangngé dé'na.