LUKAS 4:22 - KITTA KAREBA MADECENG

²² Ada-ada iya Napowadaé makessing senna', angkanna bengnga mennang sibawa nasokon-Na. Makkedani mennang, “Tenniyaga iyaé ana'na Yusuf?”

LUKAS 4:22 ပူးပေါင်းရင်းမြစ်များ

MAZMUR 45:2

Mpobbo'i ada-ada magelloé polé ri atikku, uwakkasuwiyangengngi élokku lao ri arungngé. Samanna pénana séddié tau macca, sadiyani lilaku powadai warékkadaé.

MAZMUR 45:4

Tappii peddammu, éh arung baranié, maraja senna'ko sibawa mattappa!

AMSAL 10:32

Ada-adanna tau malempué pésennangiwi atié; ada-adanna tau majaé tuli papeddiriwi.

AMSAL 16:21

Tau mapanré riissengngi polé ri pikkiranna iya matarengngé; cara mabbicarana iya pataré'é, mébbui ada-adanna pédé patepperi.

AMSAL 25:11

Pallolongeng iya ripangoloé sibawa teppa ri wettunna pada-padai buwa ulawengngé ri penné péra'é.

PAKKATOBBA 10:12

Ada-adanna tau maccaé mébbui ripakalebbi, iyakiya tau madonggoé binasai nasaba ada-adanna muto.

ELONG MARAJA 5:16

Macenning senna warékkadanna, sininna séuwa-séuwaé ri aléna pataré. Makkuwaniro canrikku sibawa sahaba'ku, éh ana'-ana'dara Yérusalém!

YESAYA 50:4

Puwang Iya Pommatanré pagguruka mabbicara, kuwammengngi ada-adakku napéwatangiwi tau iya malemmaé. Elé-élé Napatokkong cinnaku untu' mapparéngkalingangngi pappagguruwan-Na ri aléku.

LUKAS 2:47

Héranni sininna tau méngkalingaéngngi nasaba sining pappébalin-Na iya maccaé.

LUKAS 2:48

Hérang toni tomatowan-Na mitai. Nakkeda indo'-Na lao ri Yésus, “Na', magi Mupakkuwaki'é? Ambo'-Mu sibawa iyya tassélesséleng sappa-Ko!”

LUKAS 21:15

Aléku matu mpérékko iyaro ada-adaé sibawa pangissengengngé, angkanna dé' séddi tau polé risining balimmu mulléi méwa iyaré'ga massakkarengngi aga mupowada.

LUKAS 4:21

Nappammulana Yésus mabbicara lao ri mennang, makkuwaé, “Iyaé aya'-aya'na Kitta'é ripaddupani iyaé essoé ri wettu muwéngkalingana.”

YOHANES 1:45

Siruntu'ni Filipus sibawa Natanaél nakkeda ri aléna, “Siruntu'ni tau iya nasengngé Musa ri laleng Kitta Hukkunna Allataala, sibawa iya nabbirittangngé nabi-nabié. Iyanaritu Yésus polé ri Nazarét, ana'na Yusuf.”

YOHANES 6:42

Nakkeda mennang, “Tenniyaga iyaé Yésus, ana'na Yusuf? Riisseng ambo' indo'-Na! Pékkugi weddingngi makkeda makkedaé nonnoi polé ri surugaé?”

YOHANES 7:46

Nappébali sining pengawal-éro, “Wah, dé'pa naengka tau mabbicara pada-padan-Na!”

RIWAYA'NA RASUL-RASUL-E 6:10

Iyakiya dé' naulléi mennang bantai aga napowada Stéfanus, nasaba Rohna Allataala pura mpéréngngi apanréng untu' mabbicara.

TITUS 2:8

Pakéi ada-ada iya makessingngé, iya dé'é nawedding nacella tauwé, kuwammengngi naissengngi balimmu mancaji masirii nasaba dé' gaga gau'-gau' maja iya naullé mennang powada passaletta.