LUKAS 4:20 - KITTA KAREBA MADECENG

²⁰ Nalulunni paimeng Yésus iyaro kitta'é, napalisui ri pajagaé, nainappa tudang. Sininna tauwé ri laleng bola assompangngéro mitai Aléna.

LUKAS 4:20 ပူးပေါင်းရင်းမြစ်များ

MATIUS 26:55

Nakkeda Yésus lao ri tau maégaéro, “Tau maja-Ka'ga, namupolé mai sibawa tiwi peddang enrengngé tarasulu untu' tikkek-Ka? Esso-esso-Ka mappagguru ri Bolana Allataala, nadé' mutikkek-Ka!

MATIUS 27:60

Nainappa nataro ujuna Yésus ri laleng tampung appunnangenna iya naébbué ri laleng séddié bulu-bulu batu. Purairo galétténi séddi batu loppo tongkoi sumpanna tampungngéro, nainappa meddé.

LUKAS 19:48

iyakiya dé' nalolongeng laleng untu' pogau'i gau'éro, nasaba sininna tauwé matteru-terui méngkalingai, sibawa tattaré'i ri ada-adan-Na.

LUKAS 4:17

nariwéréng kitta'na Nabi Yésaya. Natimpa'ni kitta iya rilulungngéro, na-Nalolongengngi aya'éwé,

LUKAS 4:21

Nappammulana Yésus mabbicara lao ri mennang, makkuwaé, “Iyaé aya'-aya'na Kitta'é ripaddupani iyaé essoé ri wettu muwéngkalingana.”

LUKAS 5:3

Naénré'na Yésus risala séddinna iyaro sining lopié, iyanaritu lopinna Simon, nainappa nasuro Simon sorongngi iyaro lopinna mabéla céddé polé ri wiring. Natudanna Yésus ri laleng lopiéro, nanapaggurui tau maégaé.

YOHANES 8:2

Pappa bajanana maélé senna'ni laosi ri Bolana Allataala, namaéga tau lao ri Aléna. Tudanni Yésus, nappammula paggurui mennang.

RIWAYA'NA RASUL-RASUL-E 16:13

Ri Esso Saba'é laoni ri wiring saloé ri saliwenna pintu gerbanna kotaé, saba' ripérasaiwi kuwaro engka onrong massempajang untu' tau Yahudié. Natatudanna sibawa mabbicara-bicara sibawa sining makkunrai iya maddeppungengngénna ri onrongngéro.

RIWAYA'NA RASUL-RASUL-E 3:12

Wettunna naita Pétrus iyaro sining tauwé, makkedani lao ri mennang, “Eh sining tau Israélié, magi muhérang Saudara-saudara ri gau'éwé? Magi mumakkita matteru lao ri idi? Muwasengngiga Saudara-saudara iyaé tauwé naulléi joppa nasaba engka akuwasang ri idi iyaré'ga nasaba matinuluki ri Allataala?