LUKAS 4:2 - KITTA KAREBA MADECENG

² Nakkuwanaro ricobai ri Ibillisi' patappulo esso ittana. Ri lalenna wettuéro, dé' agaga nanré. Jaji paccappurenna malupuni.

LUKAS 4:2 ပူးပေါင်းရင်းမြစ်များ

KAJAJIYANG 3:15

Iko sibawa makkunraiéro tuli sibenciko matu, wija-wijanna sibawa wija-wijammu tuli simusui matu. Wija-wijanna naancuru'i matu ulummu, na iko muwokkoi matu amputuna mennang.”

1 ARUNG-NGARUNG 19:8

Moto'ni Elia, nainappa manré sibawa ménung. Namawatanna sibawa naulléna joppa patappulo esso ittana lao ri Bulu Sinai, onronna Allataala mappaitangngi aléna.

ESTER 4:16

“Paddeppungengngi sininna tau Yahudi iya engkaé ri Susan untu' masempajangekka. Aja' naanré sibawa ménung tellungngesso tellumpenni ittana. Aléku paimeng sibawa sining ana'dara pattumanikku mappuwasa towi matu. Purairo mangoloka matu ri arungngé, namuni iyaro majjalékkai undang-undang. Rékko harusu'ka maté nasaba iyaro, leppessakka maté!”

ASSURENG 24:18

Natteruna Musa tuppu narapi muttama ri laleng ellungngéro. Patappulo esso patappulo wenni Musa monro kuwaro.

ASSURENG 34:28

Patappulo esso patappulo wenni Musa monro kuwaro silaong Puwangnge, na ri lalennaro dé' nanré sibawa naénung. Iyaro ada-ada assijancingngé, iyanaritu Seppulo Paréntana Allataala, naokii ri leppang batuéro.

YUNUS 3:7

Napallebbang towi iyaé pappallebbangngé, “Iyaé paréntaé ripassui ri Niniwé polé ri apettunna arungngé sibawa sining menterinna: Sininna tauwé, sapingngé, bimbala'é sibawa olokolo piyara laingngé riyattéyang manré sibawa ménung.

MATIUS 21:18

Maéléni pappa bajana, ri laleng allalengenna lisu ri kotaé, malupuni Yésus.

MATIUS 4:2

Patappulo esso patappulo wenni Yésus dé' nanré. Nainappa napéneddingi malupué.

LUKAS 4:3

Nakkeda Ibillisi' ri Aléna, “Ana'na-Koto Allataala? Jaji suroni iyaé batué mancaji roti.”

YOHANES 4:6

Kuwaniro monro bujunna Yakub. Matekko senna'i Yésus nasaba allalengengngéro, rimakkuwannanaro tudanni ri wirinna bujungngé. Iyaro wettué kira-kira tetté seppulo duwa tangassoé.

ULANGENG 9:18

Nainappa sisessika suju' ri yolona Puwangnge ri tompo'na bulué patappulo esso patappulo wenni ittana, temmanré iyaré'ga ménung. Upogau'i iyaro nasaba madosano lao ri Puwangnge ri laleng mupogau'na aga iya naangga'é maja, angkanna macai.

ULANGENG 9:25

Uwissengngi mattonget-tongengngi Puwangnge maélo paccappuko. Na patappulo esso sibawa patappulo wenni ittana suju'ka ri yolona Puwangnge

ULANGENG 9:9

Utuppuiwi iyaro bulué untu' tarimai batu assijancing iya naébbué Puwangnge sibawa iko. Patappulo esso patappulo wenni ittana monroka ri tompo'na buluéro temmanré iyaré'ga ménung.

IBRANI 2:18

Sibawa nasaba aléna pura manrasa-rasa enrengngé ricobai, nanaulléi tulungngi sining tau iya nakennaé paccobang.

IBRANI 4:15

Iyaro Imang Lompota tenniya imang iya dé'é naulléi maccowé péneddingiwi sining alemmatta. Sibalé'na, purani ricobai ri sininna gau'é, pada-pada muto idi; banna Aléna dé' napogau' dosa!

1 SAMUEL 17:16

Ri lalenna patappuloé essona, élé arawéng, Goliat maddeppériwi barisi'na tau Israélié sibawa mérai mennang.