LUKAS 4:18 - KITTA KAREBA MADECENG

¹⁸ “Engkai Rohna Puwangngé ri Iyya, saba' pura-Ka nalanti' untu' mabbirittangngi Karéba Madécéngngé lao ri tau kasiyasié. Nasuro-Ka untu' mappallebbangengngi aleppekengngé lao ri tau ritawangngé sibawa ajjappang lao ri tau butaé; untu' paleppe'i tau iya ripanrasa-rasaé

LUKAS 4:18 ပူးပေါင်းရင်းမြစ်များ

KAJAJIYANG 3:15

Iko sibawa makkunraiéro tuli sibenciko matu, wija-wijanna sibawa wija-wijammu tuli simusui matu. Wija-wijanna naancuru'i matu ulummu, na iko muwokkoi matu amputuna mennang.”

2 TAWARIKH 34:27

massesse kaléko sibawa pakariyawai alému riyolo-Ku. Pura-Ka mangancang untu' hukkungngi Yérusalém sibawa pabbanuwana, iyakiya wettunna muwéngkalinga passalenna angancangek-Kuro teriko sibawa sapé'i pakéyammu tanrang masara. Uwéngkalingani sempajammu,

MAZMUR 102:20

Makkitai Puwangnge polé ri onron-Na iya matanré, polé ri surugaé makkitai lao ri linoé

MAZMUR 147:3

Napajjappai tau iya pettu paddennuwangngé, sibawa bebbe'i sining lona mennang.

MAZMUR 2:2

Massamangngi tokkong sining arung linoé sibawa sining panguwasaé masséddiwi méwai Puwangnge sibawa arung Napilé.

MAZMUR 2:6

Adan-Na, “Ri Sion bulu-bulu-Ku iya mapaccingngé purani Ulanti arung upilé-Ku.”

MAZMUR 34:18

Rékko mangobbii tau malempué, naéngkalingai Puwangnge, sibawa passalama'i mennang polé ri sininna aperisengngé.

MAZMUR 45:7

Allataala mpérékko akuwasang untu' mapparénta, mattahangngi akuwasammu untu' mannennungeng; muparéntai sibawa adélé ra'ya'mu.

MAZMUR 51:17

Oh Puwang, tulukka mabbicara, naupoji-poji-Ko matu.

YESAYA 32:3

Tau iya naullé makkita dé' natongkoi matu matanna, sibawa iya naullé maréngkalinga napénessaiwi matu.

YESAYA 35:5

Ri wettuéro naulléi makkita matu tau butaé, sibawa tau mataru-tarué naulléi maréngkalinga matu.

YESAYA 42:7

Untu' timpa'i matanna tau butaé, sibawa paleppe'i tauwé polé ri apettangenna tarungkué.

YESAYA 45:13

Iyya ritu pakédoi Korésy untu pajoppai akkatta-Ku sibawa patettongngi adélékengngé. Maélo-Ka paratai sininna laleng iya naolaé. Napatettongngi matu paimeng kota-Ku Yérusalém sibawa paleppe'i umma'-Ku iya ritawangngé, tenripasoso sibawa tenriwaja.” Puwang Iya Pommakuwasaé pura mabbicara.

YESAYA 49:9

Tau iya ritarungkué Usuroi massu; iya engkaé ri onrong makalemmengngé Utiwii lao ri tajangngé. Mala ri bulu-bulu iya makellué dé' naakurangeng mennang, ri sillampé lalengngé tassadiyai inanré.

YESAYA 50:4

Puwang Iya Pommatanré pagguruka mabbicara, kuwammengngi ada-adakku napéwatangiwi tau iya malemmaé. Elé-élé Napatokkong cinnaku untu' mapparéngkalingangngi pappagguruwan-Na ri aléku.

YESAYA 57:15

Saba' makkuwaiyé adanna Allataala Iya Pommatanré sibawa mapaccingngé, iya makuwasaé untu' mannennungeng, “Monroka ri onrong iya matanré sibawa mapaccingngé, iyakiya ri yelle'nato sining tau iya mariyawa atié sibawa iya sesse'éngngi dosa-dosana, untu' palisui sumange'na sibawa amménasanna mennang.

YESAYA 59:21

Mébbuka assijancing sibawa iko: Uwérékko akuwasak-Ku sibawa pappagguruwak-Ku untu' mannennungeng. Pagguruwangngi ana'-ana'mu kuwammengngi wedding towi nappagguruwang mennang massossoreng makkekkuwangngé lettu mannennungeng.”

YESAYA 61:1

Akuwasanna Puwang Iya Pommatanré engkai ri aléku; napiléka sibawa nasuroka untu' tiwi karéba lao ri tau kasiyasié sibawa pajjappai tau iya mareppo'é atinna; untu' mappallebbangengngi lao ri tau ritahangngé makkedaé ripaleppe'i mennang masitta, sibawa lao risining tauwé ri laleng tarungkué makkedaé ripaleppe'i matu mennang.

YESAYA 66:2

Sininna alangngé iyanaritu ébbu limak-Ku, na sininnaro ripancajiwi. Iyakiya iya Upojiyé iyanaritu tau iya mariyawa atié, iya sesse'éngngi dosa-dosana, iya métaué sibawa mapatoé ri Iyya.

YEHEZKIEL 9:4

“Laono ri sininna sulapa'na kotaé sibawa tanrangiwi linrona sininna tau iya messé sibawa masussaé nasaba sininna pangkaukeng iya mappakaciddi-ciddi iya napogau'é ri kotaéro.”

DANIEL 9:24

Wékkapitu pituppulo taung iyanaritu wettu iya napattette'é Allataala untu' paleppe'i bangsamu sibawa kotamu iya mapaccingngéro polé ri dosaé sibawa jaé. Sininna dosaé riyaddampengengngi sibawa ripatettongngi adélékeng iya mannennungengngé, angkanna pakkitang sibawa botoéro mannessai matu, sibawa Bolana Puwang iya mapaccingngéro riyassompaisi matu lao ri Puwangnge.

ZEFANYA 3:12

Uleppessangngi matu kuwaro mattette séuwaé bangsa iya mariyawa atié, iya mattuwangngéngngi pattuluk-Ku. Weddingngi mennang monro kuwaro.

ZAKHARIA 11:11

Iyatoro essoé narirusa' iyaro assijancingngé. Iyaro sining padangkang bimbala'é najagaika, sibawa mainge'i mennang makkedaé Puwangnge mattengngang makkeda-ada naolai sininna pangkaukekku.

MALEAKHI 4:2

Iyakiya untu' iko iya matinulué lao ri Iyya, akuwasak-Ku iya mappassalama'é mompoi matu pada-pada mata essoé, sibawa tappana mappapoléi ajjappang. Leppe'ko matu sibawa marennu pada-pada ana' saping iya nappaé massu polé ri wakkéé.

MATIUS 11:5

Makkita tau butaé, joppa tau péso'é, majjappa tau malasa oli iya mappakatau-taué; maréngkalinga tau mataru-tarué, tuwo tau maté, sibawa Karéba Madécéng polé ri Allataala riyabbirittang lao ri tau kasiyasié.

MATIUS 12:18

“Iyanaé suro-Ku Upilé, Tau iya Uwamaséiyé sibawa nasitujuiyé atik-Ku. Uwéréngngi matu Roh-Ku ri Aléna, Nabbirittangngi matu adélékek-Ku ri bangsa-bangsaé.

MATIUS 12:20

Bulo iya nroko'é dé' matu Naripolo pajjennangeng iya mappiddé-piddéé dé' Naripeddéi. Méwai matu narapi Nalolongeng adélékengngé;

MATIUS 4:16

Bangsa tuwoé ri laleng pettangngé naitani tajang mattappaé! Lao ri iya monroé ri laleng wanuwa apettangenna amaténgngé mompoi cahaya macakkaé!”

MATIUS 5:3

“Masennangngi tau iya marasa dé'é pakkullénna na banna maddennuwang ri Puwangngé bawang; anggotanai iyanaritu umma'na Allataala!

LUKAS 4:17

nariwéréng kitta'na Nabi Yésaya. Natimpa'ni kitta iya rilulungngéro, na-Nalolongengngi aya'éwé,

LUKAS 6:20

Naitani Yésus ana'-ana' gurun-Na, nainappa makkeda, “Asennanno iko sining tau kasiyasié, nasaba anggotanako umma'na Allataala!

LUKAS 7:22

Jaji mappébalini Yésus, “Lisuno lao ri Yohanés namupowadangngi aga muwéngkalinga sibawa muwita: makkita tau butaé, joppa tau péso'é, majjappa tau malasa oli mabbahayaé, maréngkalinga tau mataru-tarué, tuwo paimeng tau maté, sibawa Karéba Madécéng polé ri Allataala riyabbirittangngi lao risining tau kasiyasié.

YOHANES 1:41

Mapperi-perini Andréas sappai Simon, silessurenna, nakkeda ri aléna, “Purani siruntu Mesias!” (Mesias padai Kristus, iyanaritu: Arung Pappassalama'é.)

YOHANES 12:46

Engkaka ri linoéwé selaku tajang, kuwammengngi sininna tau iya mateppe'é ri Iyya dé' naonro ri laleng pettangngé.

YOHANES 3:34

Saba' tau iya nasuroé Allataala untu' palettu'i ada-adanna Allataala, nasaba pura riwérénni Rohna Allataala sukku lao ri Aléna.

RIWAYA'NA RASUL-RASUL-E 10:38

Muwissenni makkedaé Allataala pura piléi Yésus tau Nazarét-éro sibawa mpéréngngi Rohna Allataala nasibawang akuwasang. Muwisseng toni makkedaé iyaro Yésus laowi kégi-kégi untu' pogau' décéng; napajjappa manengngi tau nakuwasaiyé Ibillisi', saba' Allataala sibawangngi.

RIWAYA'NA RASUL-RASUL-E 26:18

untu' pakkitai matanna, kuwammengngi nassu polé ri pettangngé nanauttama ri laleng cakkaé; kuwammengngi naleppe polé ri pangarunna Ibillisi'é, narikuwasai ri Allataala. Na ri laleng mateppe'na ri Iyya, riyaddampengengngi matu dosa-dosana sibawa mancajiwi matu mennang anggotana umma'na Allataala iya ripilé.’ ”

RIWAYA'NA RASUL-RASUL-E 4:26

Sadiya-sadiyani sining arung linoé untu' mammusu, sibawa sining pamimpingngé masséddi méwai Puwangngé sibawa Arung Pappassalama'é.’

RIWAYA'NA RASUL-RASUL-E 4:27

Saba' mémeng Hérodés sibawa Pontius Pilatus purani pakangka addeppungeng sibawa sining tau iya dé'é naissengngi Puwangngé sibawa tau Israélié ri kotaéwé. Siruntu'i mennang untu' méwai Yésus Atam-Mu iya mapaccingngéro, iya puraé Muwakka mancaji Arung Pappassalama'é.

KOLOSE 1:13

Puraki napaleppe' polé ri akuwasanna pettangngé sibawa napalétté'ki ri laleng akkarungenna Ana'-Na iya Namaséiyé.

YAKOBUS 2:5

Engngerangngi, Saudara-saudara iya ripojiyé! Tau iya nangga'é kasiyasi linoéwé, napiléi Allataala untu' mancaji sining tau iya sugié ri laleng teppe'. Iyaro sining tauwé mancajiwi matu anggota umma'na Allataala pada-pada iya najjanciyangngé Allataala lao ri tau iya mamaséiyéngngi Aléna.

1 PETRUS 2:9

Iyakiya iko iyanaritu bangsa iya ripilé, imang-ngimang iya tumaningiyéngngi Arungngé, bangsa iya mapaccingngé, banna untu' Allataala, umma'na muto Allataala. Allataala piléko sibawa mobbiko massu polé ri pettangngé untu' muttama ri laleng tajanna iya mattappaé, sibawa akkatta kuwammengngi muwappallebbangengngi biritta passalenna sining pangkaukenna iya dé'é padanna.