LUKAS 3:5 - KITTA KAREBA MADECENG

⁵ Tungke' lompo' sitinajai ritémpung, tungke' bulu sibawa bulu-bulué riparatai. Laleng malléko-lékoé sitinajai ripallempu, sibawa laleng makkalebbok-kalebbongngé riparatai.

LUKAS 3:5 ပူးပေါင်းရင်းမြစ်များ

YESAYA 40:4

Tungke lompo'é harusu'i ritongko, bulu sibawa bulu-bulué riparatai. Tana mabbulu-bulué mancajiwi matu tanété, sibawa iya makkalebbong-kalebbongngé ripalengngoriwi.

YESAYA 42:16

Bangsa-Ku iya butaé Urénréngngi matu molai laleng iya dé'é naissengngi mennang; Urénréngngi matu mennang risining laleng iya dé'é naissengngi mennang. Pettangngé Upancajiwi tajang untu' mennang, sibawa laleng iya makkalebbong-kalebbongngé Uparatai. Iyanaro Upogau' matu untu' mennang, napasti Upogau' matu.

YESAYA 45:2

“Maélo-Ka passadiya laleng untu' alému; bulu sibawa bulu-bulué Uparatai matu, tange-tange tembagaé Ureppa'i matu, sibawa paccala-cala bessié Upoloi.

YESAYA 49:11

Maélo-Ka mébbu laleng lalo ri bulué, sininna watattana-Ku Uparatai matu.

YEHEZKIEL 17:24

Napahangngi matu sininna ajué ri wanuwaé makkedaé Iyya'na Puwang. Utubbangngi aju iya matanré; aju iya mapancé'é Uwébbui tuwo maccaloli. Aju iya manyilaé Uwébbui marakko; sibawa aju iya marakkoé Uwéréngngi cura' sibawa unga. Iyya, Puwang, pura mabbicara, sininna ada-adak-Ku kajajiyangngi matu.”

YAKOBUS 1:9

Tau Kristéng iya kasiyasié sitinajai marennu rékko Allataala pakatanréi.