LUKAS 3:34 - KITTA KAREBA MADECENG

³⁴ ana' Yakub, ana' Ishak, ana' Abraham, ana' Térah, ana' Nahor,

LUKAS 3:34 ပူးပေါင်းရင်းမြစ်များ

KAJAJIYANG 21:3

Nasenni Abraham iyaro ana'é Ishak;

KAJAJIYANG 25:26

Wettunna ana' maduwaé rijajiyang, limanna nakkatenningngi amputuna Esau. Narimakkuwannanaro nariyaseng Yakub. Enneng pulona taung umuru'na Ishak wettunna mennang jaji.

1 TAWARIKH 1:34

Ishak ana' Abraham mappunnai duwa ana' worowané, iyanaritu Esau sibawa Yakub (iya riissengngétto selaku Israél).

MATIUS 1:2

Abraham, Ishak, Yakub, Yéhuda sibawa silessu-silessurenna, Pérés sibawa Zéra (indo'na mennang riyaseng Tamar), Hézron, Ram, Aminadab, Nahason, Salmon, Boas (indo'na iyanaritu Rahab), Obéd (indo'na iyanaritu Rut), Isai, sibawa Arung Daud.

LUKAS 3:33

ana' Aminadab, ana' Admin, ana' Arni, ana' Hézron, ana' Pérés, ana' Yéhuda,

LUKAS 3:35

ana' Sérug, ana' Réhu, ana' Pélég, ana' Eber, ana' Salmon,

RIWAYA'NA RASUL-RASUL-E 7:8

Puranana makkeda makkuwaro iyaro assijancingengngé nasahkanni Allataala sibawa sunna'. Jajinnana Ishak, ana'na Abraham, nasunna'ni Abraham ri wettunna umuru' aruwa essona. Nainappa Ishak nasunna' toni ana'na, iyanaritu Yakub. Na Yakub nasunna' toni iya seppulo duwa ana'na, iyanaritu iya mancajiyé toriyolona bangsa Yahudié.

YOSUA 24:2

Nainappa makkeda Yosua lao ri mennang maneng, “Engkalingai aga iya napowadaé Puwangnge, Allataalana Israélié lao ri iko, ‘Riyolo néné-nénému monroi ri liwenna Salo Efrat, sibawa massompa déwata-déwata. Sala séddinna polé ri mennang iyanaritu Téra, ambo'na Abraham sibawa Nahor.