LUKAS 3:3 - KITTA KAREBA MADECENG

³ Nalao tulilina Yohanés ri sininna daérana Salo Yordan sibawa palettu'i karéba polé ri Allataala. Nagora Yohanés, “Toba'no polé ri dosa-dosamu sibawa harusu'ko ricemmé, kuwammengngi naddampengekko Allataala.”

LUKAS 3:3 ပူးပေါင်းရင်းမြစ်များ

MATIUS 3:11

Ucemméko sibawa uwai untu' pannessai makkedaé toba'no polé ri dosa-dosamu; iyakiya iya maéloé polé ri munrikku, nacemméko matu sibawa Rohna Allataala enrengngé api. Lebbi battowai na iyya. Muwi untu' tiwii sapatun-Na dé'to usitinaja.

LUKAS 1:16

Maéga tau Israél napimping matu lisu ri Allataala, Puwanna mennang.

LUKAS 1:77

Untu' mabbirittangngi lao ri umma'-Na sibawa ripassalama'i matu mennang, rékko purani naddampengeng Allataala dosa-dosana mennang.

LUKAS 4:1

Rikuwasaini Yésus ri Rohna Allataala wettunna nasalai Salo Yordan. Ripimpinni ri Rohna Allataala lao ri padang kessi'é.

YOHANES 1:28

Iya manennaro kajajiyangngi ri Bétania, seddé alauna Salo Yordan onronna Yohanés maccemmé.

YOHANES 3:26

Laoni mennang ri Yohanés, sibawa makkeda, “Pa' Guru, naéngngerang mupaga Bapa' tau sibawangngéngngi Bapa' ri liwenna Salo Yordanro, iya najellorengngékki Bapa' riyolo? Maccemmé towi makkekkuwangngé, nasininna tauwé laowi ri Aléna!”

RIWAYA'NA RASUL-RASUL-E 13:24

Riwettu dé'napa napammulai Yésus jamanna, purani nappallebbangeng Yohanés lao risining tau Israélié kuwammengngi natoba mennang polé ri dosana sibawa ricemmé.

RIWAYA'NA RASUL-RASUL-E 19:4

Nainappa makkeda Paulus, “Yohanés cemméi tauwé untu' pannessai makkedaé iyaro sining tauwé toba'ni polé ri dosa-dosana mennang. Iyakiya iyaro wettué matteru mutowi Yohanés mappaddissengengngi lao risining tau Israélié makkedaé harusu'i mennang mateppe' lao ri Tau iya polé matu ri monrinna, iyanaritu Yésus.”

RIWAYA'NA RASUL-RASUL-E 22:16

Makkekkuwangngé aja'na muwattajeng maitta. Oto'no, sibawa abbéréyangngi alému ricemmé. Angobbino ri Puwangngé kuwammengngi namuripaleppe polé ri dosa-dosamu.’ ”