LUKAS 3:16 - KITTA KAREBA MADECENG

¹⁶ Iyanaro saba'na nakkeda Yohanés lao ri sininna mennang, “Iyya ucemméko sibawa uwai, iyakiya poléi matu tau iya lebbi battowaé na iyya. Muwi lukkai tulu sapatun-Na dé'to usitinaja. Nacemméko matu sibawa Rohna Allataala sibawa api.

LUKAS 3:16 ပူးပေါင်းရင်းမြစ်များ

AMSAL 1:23

Engkalingaka rékko uwamparekko, naupannessangekko matu lise atimmu sibawa upagguruwakko pangissengekku.

YESAYA 32:15

Iyakiya siseppi poléi matu Allataala sibawa akuwasan-Na. Na padang kessi'é mancajiwi matu sining dare iya macommo'é, sibawa sining dare'é mancajiwi matu pada-pada ale'é.

YESAYA 4:4

Nasibawang akuwasan-Na naadélékiwi matu Puwangnge sibawa napépaccingiwi umma'-Na. Napépaccingiwi matu Yérusalém polé ri darana sining tau iya riyunoé ri kotaéro.

YEHEZKIEL 36:25

Purairo Uweppikiko matu sibawa uwai macinnong, kuwammengngi namumapaccing polé ri sininna barahalamu sibawa polé ri sininna séuwa-séuwaé iya puraé carépaiko.

ZAKHARIA 13:9

Banna tawa tellunna salama matu. Na-Upaccingiwi matu mennanro pada-pada péra'é ripépaccingi ri apié. Uwojiwi matu mennang pada-pada tauwé moji ulaweng. Nainappa mennang massempajangngi matu lao ri Iyya, na-Ubaliwi matu mennang. Upowadai matu lao ri mennang makkedaé mennang iyanaritu umma'-Ku, sibawa mangaku towi matu mennang makkedaé Iyya ritu Puwang Allataalana.”

MATIUS 3:11

Ucemméko sibawa uwai untu' pannessai makkedaé toba'no polé ri dosa-dosamu; iyakiya iya maéloé polé ri munrikku, nacemméko matu sibawa Rohna Allataala enrengngé api. Lebbi battowai na iyya. Muwi untu' tiwii sapatun-Na dé'to usitinaja.

MATIUS 3:12

Ri liman-Na engka pattapi untu' tapi manengngi gandon-Na gangka mapaccing. Napaddeppungengngi matu gandongngé ri laleng lappoé, iyakiya sininna awanna Natunui matu ri laleng api iya dé'é nawedding peddé.”

YOHANES 1:26

Nappébali Yohanés, “Iyya maccemméka sibawa uwai. Iyakiya ri tengnga-tengngamu engka tau iya dé'é muwissengngi.

YOHANES 1:27

Poléi lebbi ri monri naiya iyya, iyakiya muwi untu' lukkai tulu sapatun-Na dé'to usitinaja.”

YOHANES 1:33

Iyaro wettué dé'pa uwissengngi niga Aléna? Iyakiya Allataala iya suroékka maccemmé sibawa uwai pura makkeda ri iyya ‘Rékko muwitai Rohna Allataala nonno, naonro ri yasé'na séddié tau, iyanaritu maccemmé matu sibawa Rohna Allataala.’

YOHANES 7:38

Passalenna tau iya mateppe'é ri Iyya, tarokii ri laleng Kitta'é: ‘Polé ri atinna massolo'i solo'-solo' uwai iya mabbéré atuwong.’ ” (

RIWAYA'NA RASUL-RASUL-E 1:5

Saba' Yohanés maccemméi sibawa uwai, iyakiya siyagangngaré essonapa ricemméko matu sibawa Rohna Allataala.”

RIWAYA'NA RASUL-RASUL-E 10:44

Ri wettu mabbicarana mupa Pétrus, turunni Rohna Allataala sibawa makuwasaiwi sininna tau iya méngkalingaéngngi karébaéro.

RIWAYA'NA RASUL-RASUL-E 2:33

Riyakkai ri tudangeng matanré sibawa riwéréng akuwasang ri Allataala, nainappa natarima Rohna Allataala iya puraé najjanciyang Ambo'é. Naiya muwéngkalingaé sibawa muwitaé makkekkuwangngé iyanaritu Roh iya ripanurungngé lao ri idi.

1 KORINTUS 12:13

Makkuwatoro idi maneng, muwi tau Yahudi iyaré'ga tau tenniya Yahudié, ata-ata iyaré'ga tau maradéka'; idi maneng purani ricemmé ri Roh iya padaéro, kuwammengngi naripasséddiki ri tubunna Kristusro. Ripéneddingi maneng towi idi iyaro Roh iya séddié sibawa sukku.