LUKAS 3:11 - KITTA KAREBA MADECENG

¹¹ Nappébali Yohanés, “Tau iya mappunnaiyé duwallampa waju, harusu'i nawéréng silampa iya dé'é nappunnai; sibawa tau iya mappunnaiyé anré, harusu'i nabagé.”

LUKAS 3:11 ပူးပေါင်းရင်းမြစ်များ

YEHEZKIEL 18:7

Dé' naengka napabengnguwang iyaré'ga marrampo. Barab-barang boro'na tau iya makkinrengngé ri aléna tuli napalisui. Tau iya alupurengngé napanréi sibawa tau iya dé'é nappunnai waju, nawéréngngi pakéyang.

DANIEL 4:27

Rimakkuwannanaro sitinajai Puwakku turusiwi pangajana atatta. Aja'na namadosasi Puwakku, iyakiya pogau'i aga iya makessingngé sibawa adélé'é, sibawa amaséiwi tau kasiyasié. Nanallalengiwi tette'i matu masennang Puwakku.”

MATIUS 25:40

Nappébali matu iyaro Arungngé, ‘Issenni: wettunna mupogau' gau'éro, namuni lao risala séddinna polé ri silessu-silessurek-Ku iya kaminang matunaé, mupogau' tonitu lao ri Iyya!’

LUKAS 11:41

Iya engkaé ri laleng mangko'mu sibawa pennémuro, iyanaro harusu' muwabbéréyang lao risining tau kasiyasié. Caraénnaro nallalengi namapaccing maneng matu untu' iko.

LUKAS 18:22

Naéngkalingana iyaro, makkedani Yésus, “Engka mupa séddi passaleng harusu' mupogau': Balu'ni sininna appunnangemmu, namuwéréngngi ellinna tau kasiyasié, namulolongeng matu waramparang ri surugaé. Purairo laono maccowéri-Ka.”

LUKAS 19:8

Natettonna Zakhéus ri bolana makkeda lao ri Yésus, “Puwang, sitengngana waramparakku maélo uwassidekkang lao ri tau kasiyasié; sibawa nigi-nigi pura ubellé', maéloka mpajai paimeng leppe' wékkaeppa!”

YOHANES 13:29

Engka masengngi Yésus suroi Yudas melli anu iya riyapparelluwangngé untu' ramé-raméro, iyaré'ga mpéréngngi céddé dowi tau kasiyasié – saba' Yudas iyanaritu pakkatenning dowina mennang.

RIWAYA'NA RASUL-RASUL-E 10:2

Séddiwi tau métau ri Allataala sibawa sininna kaluwargana massompai ri Allataala. Maléwe'i natulung sining tau Yahudié iya kasiyasié, sibawa tuli massempajangngi lao ri Allataala.

RIWAYA'NA RASUL-RASUL-E 10:31

Makkedai, ‘Kornélius! Natarimani Allataala sempajammu sibawa naéngngeranni asémpoatimmu.

RIWAYA'NA RASUL-RASUL-E 10:4

Naitani Kornélius iyaro malaéka'é sibawa métauna nainappa makkeda, “Engka aga Puwang?” Nappébali iyaro malaéka'é, “Sempajammu sibawa asémpoatimmu natarimani Allataala sibawa naéngngeranna Allataala.

EFESUS 4:28

Tau iya biyasaé ménnau harusu'i mappésau ménnau. Sibalé'na harusu'i majjama kuwammengngi lolongengngi dallé sibawa malempu enrengngé naulléi tulungngi tau iya akurangengngé.

1 TIMOTIUS 6:17

Lao risining tau iya sugié ri linoéwé, sitinajako pangajari kuwammengngi aja' mennang namatempo sibawa aja' namménasa ri barab-barang iya dé'é natette – pada-pada mutowi asugirengngé. Harusu'i mennang mamménasa lao ri Allataala iya mabbéréyangngéngngi sininna séuwa-séuwaé lao ri idi sibawa maona kuwammengngi tapéneddingiwi.

1 TIMOTIUS 6:18

Pangajariwi mennang untu' mappaitangngi akessingengngé, untu' pogau'i maéga gau'-gau' iya makessingngé, masémpo ati sibawa napoji mabbéré.

IBRANI 6:10

Allataala tenniya Allataala iya dé'é na adélé'. Dé' nallupaiwi aga iya mupogau'é lao ri Aléna, sibawa pammasé iya muwappitangngé lao ri Aléna wettunna mutulung Saudara-saudara siatepperengngé, riyolo sibawa makkekkuwangngé.

YAKOBUS 1:27

Atinulurengngé maggama iya mapaccingngé sibawa tuléngngé manuru' pakkitanna Allataala Ambo'é iyanaritu: tulungngi ana'-ana' biué sibawa janda-janda iya manrasa-rasaé, sibawa jagaiwi alé paimeng kuwammengngi dé' narisolangi ri linoéwé.

YAKOBUS 2:14

Saudara-saudara! Aga gunana makkeda tauwé, “Iyya tau mateppe'ka,” rékko dé' nappaitangngi sibawa pangkaukenna? Naulléga teppe' makkuwaéro passalama'i?

1 YOHANES 3:17

Séddié tau iya agennekengngé mitai saudarana akurangeng, iyakiya dé' namaélo tulungngi saudaranaro, pékkugi iyaro tauwé mulléi makkeda makkedaé namaséiwi Allataala?

1 YOHANES 4:20

Rékko séddié tau makkeda, “Iyya uwamaséiwi Allataala,” iyakiya dé' namaséiwi saudarana, iyaro tauwé pabbelléng. Saba' tau iya dé'é namaséiwi saudarana iya naitaé, dé' nakkullé namaséiwi Allataala iya dé'é naitai.