LUKAS 24:6 - KITTA KAREBA MADECENG

⁶ Dé'ni kuwaé; moto'ni! Engngerangngi aga pura Napowada lao ri iko wettunna mupa ri Galiléa,

LUKAS 24:6 ပူးပေါင်းရင်းမြစ်များ

MATIUS 12:40

Monroi Yunus tellung ngesso tellumpenni ri lalenna babuwana balé loppoé. Makkuwatoro Ana'na Tolinoé monroi matu tellung ngesso tellumpenni ri lalenna babuwana tanaé.

MATIUS 16:21

Mappammulai wettuéro, napowadani Yésus terus-terang lao ri ana'-ana' gurun-Na, makkedaé harusu'i lao ri Yérusalém na-Napéneddingiwi maéga anrasa-rasang polé risining pamimpingngé, kapala-kapala imangngé sibawa guru-guru agamaé. Riyunoi matu, iyakiya ri esso matellué, moto'i matu paimeng.

MATIUS 27:63

Nakkeda, “Puwang, wettunna tuwo mupa iyaro pabbelléngngé, riyéngngerangngi purai makkeda, ‘Labe'na tellungngesso moto'-Ka matu.’

MATIUS 28:6

Dé'ni kuwaé. Moto'ni pada-pada Napowadaé riyolo. Laono mai muwitai onronna ripaléwu.

MARKUS 16:6

Nakkeda iyaro kalloloé, “Aja' mumétau! Uwisseng musappai Yésus, tau Nazarét iya puraé risalli. Dé'ni gaga kuwaé. Tuwoni paimeng! Ita bawanni, iyanaé onronna mennang paléwui.

MARKUS 8:31

Purairo mappammulani Yésus paggurui ana'-ana' gurun-Na makkedaé Ana'na Tolinoé pasti napéneddingi maéga anrasa-rasang, sibawa riyéwai risining pamimpingngé, kapala-kapala imangngé, sibawa guru-guru agamaé. Riyunoi matu, iyakiya ri esso matellué, ripaoto'i paimeng.

LUKAS 24:34

Nakkedana mennanro, “Mémeng tongeng, tuwoni paimeng Puwangngé! Purani nappaitang Aléna lao ri Simon!”

LUKAS 24:5

Métau senna'ni mennang, nainappa suju' lettu ri tanaé, nakkeda iya duwa tauwéro lao ri mennang, “Magi musappai tau tuwoé ri yelle'na tau maté?

LUKAS 9:22

Makkeda towi Yésus, “Mémeng Ana'na Tolinoé harusu'i manrasa-rasa sibawa riyéwa risining pamimpingngé sibawa kapala-kapala imangngé, enrengngé guru-guru agamaé. Riyunoi matu, iyakiya ri esso matellué ripatuwoi matu paimeng.”

LUKAS 9:44

“Pénessai madécéd-décéng sibawa aja' muwallupaiwi ada-adak-Kué: Ana'na Tolinoé riyabbéyangngi matu lao ri akuwasanna tolinoé.”

RIWAYA'NA RASUL-RASUL-E 2:24

Iyakiya Allataala patuwoi paimeng polé ri yelle'na sining tau maté. Riyemme'i ri amaténgngé, iyakiya rileppessangngi ri Allataala, saba' dé' nakkullé rikuwasai matteru ri amaténgngé.

2 TESALONIKA 2:5

Engngerangngi makkedaé purani uwappaddissengeng iya manennaro wettukku engka mupa sibawa iko.