LUKAS 24:5 - KITTA KAREBA MADECENG

⁵ Métau senna'ni mennang, nainappa suju' lettu ri tanaé, nakkeda iya duwa tauwéro lao ri mennang, “Magi musappai tau tuwoé ri yelle'na tau maté?

LUKAS 24:5 ပူးပေါင်းရင်းမြစ်များ

DANIEL 10:16

Nainappa malaéka' iya maddupa tolinoéro loro'i limanna sibawa géssai témukku. Makkedaka lao ri aléna, “Puwang, iyaé pakkitangngé mébbuka makkuwamani natenre'ku angkanna dé' siseng pakkullékku.

DANIEL 10:19

Makkedai, “Namaséiko Allataala, rimakkuwannanaro aja' mubata-bata iyaré'ga métau, ayo', ancajino mawatang!” Ri wettu napowadana gau'éro, upéneddingini lebbi mawatakka sibawa makkeda, “Abbicarano, Puwang. Purani natambai awatangekku Puwang.”

LUKAS 1:29

Naéngkalingana adanna iyaro malaéka'é, tassélenni Maria, angkanna makkutana ri laleng ati, aga akkattana iyaro bérésellengngé.

LUKAS 24:4

Ri wettu tettonna mupa mennang kuwaro sibawa pusana pikkiri'i iyaro gau'é tappa engka duwa tau tettong ri seddéna sibawa millakkillang pakéyanna.

LUKAS 24:6

Dé'ni kuwaé; moto'ni! Engngerangngi aga pura Napowada lao ri iko wettunna mupa ri Galiléa,

RIWAYA'NA RASUL-RASUL-E 2:24

Iyakiya Allataala patuwoi paimeng polé ri yelle'na sining tau maté. Riyemme'i ri amaténgngé, iyakiya rileppessangngi ri Allataala, saba' dé' nakkullé rikuwasai matteru ri amaténgngé.

IBRANI 7:8

Sining imang iya tarimaéngngi iya rilélé tawa seppuloéro iyanaritu sining tau iya weddingngé maté. Iyakiya manuru Kitta'é, Malkisédék iya tarimaé pabbéré tawa seppulo bagiyanro iyanaritu tau iya tette'é tuwo.

WAHYU 1:18

Iyya'na ritu Aléna iya tuwoé! Purana maté, iyakiya itani, tuwo-Ka untu' mannennungeng. Ukuwasaiwi amaténgngé, sibawa ri linona sining tau maté.

WAHYU 2:8

“Lao ri malaéka'na jema'é ri Smirna, okii makkuwaéwé: Iyanaé paseng polé ri Aléna iya mammulangngé sibawa paccappurengngé – iya matéénna natuwo paimeng.