LUKAS 23:9 - KITTA KAREBA MADECENG

⁹ Rimakkuwannanaro maéga nakkutang ri Yésus, iyakiya dé' sises-siseng nappébali Yésus.

LUKAS 23:9 ပူးပေါင်းရင်းမြစ်များ

MAZMUR 39:9

Paleppe'ka polé ri sininna dosaku, aja' taleppessakka mancaji akkéllé-kéllékenna tau madonggoé.

YESAYA 53:7

Rigaukengngi sibawa mabecco, iyakiya natanggungngi sibawa sabbara. Dé' natimpa'i bawana pada-pada ana' bimbala iya ritiwié ri aggérékengngé iyaré'ga indo' bimbala iya ricukkuru'é bulunna.

MATIUS 27:12

Iyakiya wettunna kapala-kapala imangngé sibawa pamimping-pamimpinna Yahudié pauwi maéga riteppuwangngi Yésus, dé' sises-siseng nabaliwi.

MATIUS 27:14

Iyakiya dé' nappébali Yésus muwi céddé angkanna hérang senna' iyaro gubernur-é.

MATIUS 7:6

Aja' muwéréngngi barang mapaccingngé lao ri asué, kuwammengngi iyaro asué dé' nagiling luruiko. Aja' muwéréngngi mutiyara bawié, kuwammengngi iyaro bawié dé' naléjja'-léjja'i iyaro mutiyaraé.”

MARKUS 15:5

Iyakiya dé' sises-siseng nappébali Yésus, angkanna hérang Pilatus.

LUKAS 13:32

Nappébali Yésus, “Laono namupowadangngi tau iya dé'é nakkégunaro, ‘Iyaé essoé sibawa baja upaddésu'i sétangngé sibawa pajjappai tau malasaé, iyakiya ri esso matellué maélo-Ka pattépui jama-jamak-Ku.’

LUKAS 23:10

Kapala-kapala imangngé sibawa guru-guru agamaé mangolo towi kuwaro sibawa tenre'i Yésus.

YOHANES 19:9

Nauttama'na paimeng ri laleng saorajaé, ritiwinana Yésus muttama', makkutanani Pilatus ri Aléna, “Polé kégai assalemmu?” Iyakiya dé' nappébali Yésus.

RIWAYA'NA RASUL-RASUL-E 8:32

Iyanaé aya'-aya' iya nabacaéro, “Pada-padai bimbala' iya rirénréngngé untu' rigéré, pada-pada ana' bimbala' iya dé'é nabbémbé rékko rigoncingngi bulunna, makkuwaniro dé' nakkedada muwi silappa.

1 PETRUS 2:23

Iyaro wettué rirodda-roddaiwi, dé' nappébali sibawa makkarodda-karodda. Wettunna manrasa-rasa, dé' nangancang; banna nabbéréyangngi parakara-Na lao ri Allataala, Haking iya adélé'éro.