LUKAS 23:7 - KITTA KAREBA MADECENG

⁷ Ripowadannana makkedaé assalenna Yésus poléi ri daéra iya ri yawa paréntanaé Hérodés, nakirinni Pilatus Yésus lao ri Hérodés, iya wettuéro engka towi ri Yérusalém.

LUKAS 23:7 ပူးပေါင်းရင်းမြစ်များ

MATIUS 14:1

Iyaro wettué, Hérodés, panguwasana wanuwaé ri Galiléa, naéngkalingani passalenna Yésus.

MATIUS 14:3

Saba' riyolonaro purani nassurowang Hérodés tikkengngi Yohanés sibawa siyoi enrengngé puttama'i ri laleng tarungkué. Napogau'i Hérodés iyaro, nasaba Hérodias, bainéna silessurenna, iyanaritu Filipus.

MATIUS 14:6

Wettunna Hérodés ramé-raméiwi esso ajajiyanna, ana' makkunrainna Hérodias séréi ri yolona tau engkaé hadéré'. Naiyaro séré-séréna napésennangi senna'i atinna Hérodés,

MARKUS 6:14

Karéba passalenna iyaro kajajiyangngé lettu toni ri Arung Hérodés, saba' kalabbani asenna Yésus kégi-kégi. Engka tau makkeda, “Tuwoni paimeng Yohanés Paccemmé! Iyanaro saba'na nappunnai kuwasa pogau'i iyaro makalallaingngé.”

LUKAS 13:31

Iyatoro wettué, engka siyagangngaré tau Farisi lao ri Yésus sibawa makkeda, “Aja' muwonro kuwaé! Laoko ri onrong laingngé, saba' maéloi Hérodés mpuno-Ko.”

LUKAS 23:6

Wettunna naéngkalinga Pilatus iyaro, makkutanani, “Aga iyaé tauwé tau Galiléa?”

LUKAS 3:1

Ri taung maseppulona lima apparéntanna Kaisar Tibérius, Pontius Pilatus mancaji gubernur ri Yudéa, sibawa Hérodés mapparénta ri Galiléa. Filipus, silessurenna Hérodés mapparéntai ri daérana Ituréa sibawa Trakhonitis, na Lisanias mapparéntai ri Abiléné.

LUKAS 9:7

Wettunna Hérodés iya mapparéntaé ri Galiléa, naéngkalinga passalenna iya maneng gau'éro, bengngani. Saba' engka makkeda makkedaé tuwoi paimeng Yohanés Paccemmé.

RIWAYA'NA RASUL-RASUL-E 4:27

Saba' mémeng Hérodés sibawa Pontius Pilatus purani pakangka addeppungeng sibawa sining tau iya dé'é naissengngi Puwangngé sibawa tau Israélié ri kotaéwé. Siruntu'i mennang untu' méwai Yésus Atam-Mu iya mapaccingngéro, iya puraé Muwakka mancaji Arung Pappassalama'é.