LUKAS 23:5 - KITTA KAREBA MADECENG

⁵ Iyakiya pédé' maddessa'i mennang, “Pappagguruwan-Na pangarai tauwé ri sininna Yudéa; mula-mulanna ri Galiléa, namakkekkuwangngé lettu toni kuwaé.”

LUKAS 23:5 ပူးပေါင်းရင်းမြစ်များ

MAZMUR 22:16

Marakko tigero'ku pada-pada reppa pincengngé, maddeppé lilaku ri ellak-kellakku. Puwang, Musalaika ri tompo'na awué pada-pada tau iya matéénna.

MAZMUR 57:4

Polé ri surugaé mappébaliwi sibawa passalama'ka; Nacaui sining tau iya tenre'ékka. Najjellokengngi matu Allataala makkedaé matinului lao ri iyya, sibawa tuli mamaséika.

MAZMUR 69:4

Gora-goraka gangka poso sibawa marakko tigoro'ku. Mapéssé matakku tajengngi bantuwanna Allataalaku.

MATIUS 11:1

Puranana Yésus mabbéré panunju'-panunju' lao riseppuloé duwa ana' gurun-Na, Nasalaini iyaro onrongngé. Laoni mappagguru sibawa mappallebbangengngi pasenna Allataala ri kota-kota iya macawé'é kuwaro.

MATIUS 2:1

Yésus rijajiyang ri kota Bétléhém ri wanuwa Yudéa; ri wettu apparéntanna Arung Hérodés. Iyaro wettué siyagangngaré ahli wéttowing polé alau, poléi ri Yérusalém.

MATIUS 27:24

Angkanna mainge'ni Pilatus makkedaé dé'na agaga wedding napogau' sibawa ajakké maronta'i iyaro sining tauwé. Jaji malani uwai, na ri yolona iyaro tau maégaé bissaiwi limanna sibawa makkeda, “Dé' utanggung jawakiwi amaténna iyaé tauwé! Urusammu iyaé!”

MATIUS 4:23

Ri Galiléa, mattulilini Yésus ri sininna wanuwaéro. Mappagguruni risining bola assompangngéro, sibawa nappallebbangengngi Karéba Madécéngngé makkedaé mapparéntai matu Allataala sibawa napajjappai sining tau sala-salangngé sibawa malasaé.

MARKUS 1:14

Ritarungkunnana Yohanés, laoni Yésus ri Galiléa, nanappagguruwangngi kuwaro Karéba Madécéng polé ri Allataala.

LUKAS 11:53

Wettunna Yésus nasalai iyaro onrongngé, guru-guru agamaé sibawa sining tau Farisié nacella senna'i Yésus. Mammulani mennang makkuragaiwi Yésus kuwammengngi namaélo mabbicara maéga passaleng.

LUKAS 23:23

Iyakiya matteru-terui mennang gora siullé-ulléna makkedaé harusu'i Yésus risalli. Na angkanna makkéwassélé gorana mennang.

LUKAS 23:6

Wettunna naéngkalinga Pilatus iyaro, makkutanani, “Aga iyaé tauwé tau Galiléa?”

YOHANES 1:43

Pappa bajanana, napettuini Yésus untu' lao ri Galiléa. Siruntu'ni Filipus, nakkeda ri aléna, “Laono mai muwaccowéri-Ka!”

YOHANES 19:15

Gora-gorani mennang, “Unoi! Unoi! Sallii!” Nakkutana Pilatus, “Harusu'ka'ga sallii arummu?” Nappébali kapala-kapala imangngé, “Banna Kaisar alé-aléna arutta!”

YOHANES 2:11

Iyanaro anu makalallaing mammulang napogau' Yésus. Iyaro napogau'i ri Kana ri Galiléa. Nasibawang tanrangngéro nappaitangngi arajan-Na. Namateppe'na ana'-ana' gurun-Na.

YOHANES 7:41

Iya laingngé makkedai, “Iyanaé Arung Pappassalama'é!” Iyakiya engkato makkeda, “Ah? masa' Arung Pappassalama'é polé ri Galiléa?

YOHANES 7:52

Nappébali mennang, “Polé ri Galiléa tokkoga? Paréssa bawanni Kitta'é! Muwitai matu makkedaé dé'gaga nabi iya assalenna polé ri Galiléa!” [

RIWAYA'NA RASUL-RASUL-E 10:37

Muwissenni aga pura kajajiyang ri sininna Yudéa, iyanaritu mappammulai ri Galiléa puranana Yohanés nassurowang acemméngngé.

RIWAYA'NA RASUL-RASUL-E 23:10

Iyaro appangéwangngé pédé' maseroni angkanna iyaro komandangngé métauni rékko Paulus riborongngi matu ri mennang. Jaji nasuroni pasukanna lao malai Paulus polé ri tengnga-tengngana sining tauwéro nanatiwii ri markas-é.

RIWAYA'NA RASUL-RASUL-E 5:33

Wettunna naéngkalinga iyaro sining anggotana Mahkama Agamaéro, macai senna'ni mennang, angkanna siyempe'ni mennang untu' mpunoi iyaro rasul-rasul-é.

RIWAYA'NA RASUL-RASUL-E 7:54

Naéngkalingana iyaro anggota-anggota Mahkama Agamaé sininna napowadaé Stéfanus, mapeddini atinna mennang sibawa macai senna'na lao ri aléna.

RIWAYA'NA RASUL-RASUL-E 7:57

Natongkoni daucculinna mennang iyaro anggota-anggotana mahkamaé nagora-gorato, nainappa massamang luruiwi Stéfanus.