LUKAS 23:4 - KITTA KAREBA MADECENG

⁴ Nakkeda Pilatus lao ri kapala-kapala imangngé sibawa tau maégaéro, “Dé' ulolongeng muwi séddi asalang ri tauwéwé untu' hukkungngi.”

LUKAS 23:4 ပူးပေါင်းရင်းမြစ်များ

MATIUS 27:19

Wettunna Pilatus tudang ri onrong pangadélékengngé nakirinni bainéna pasengngéwé lao ri aléna, “Aja' mucampuru'i parakarana tau iya dé'é napasalaro, nasaba nakarena Aléna, mannippika' essoéwé iya mappakatau-taué.”

MARKUS 15:14

Nakkutana Pilatus, “Iyakiya aga asalanna?” Nagorana pédé' maloppopa, “Sallii!”

LUKAS 23:22

Na untu' mabbékkatellunna Pilatus gora lao ri mennang, “Iyakiya aga asalan-Na? Dé' asalang ulolongeng ri Aléna muwi séddi iya nasitinajaiyé rihukkung sibawa pahukkungeng maté! Maéloka barasa'i, nainappa leppessangngi.”

YOHANES 18:38

Nakkutana Pilatus ri Aléna, “Aga bettuwanna atongengengngé?” Nanassusi Pilatus polé ri saorajaé nanakkeda risining tau Yahudié, “Dé'gaga muwi séddi asalang ulolongeng ri Aléna.

RIWAYA'NA RASUL-RASUL-E 25:25

Iyakiya dé'gaga ulolongeng muwi séuwa iya puraé napogau' iya weddingngé rihukkung sibawa pahukkungeng maté. Sibawa nasaba aléna pura méllauwi parakarana riadéléki ri pengadilanna Kaisar, purani upettui untu' kiringngi lao ri Kaisar.

RIWAYA'NA RASUL-RASUL-E 3:13

Allataala iya nasompaé Abraham, Ishak, Yakub, Allataalana néné-nénéta, iyaro Allataalaé purani napakalebbi Atan-Na, iyanaritu Yésus. Yésus iyanaro muwabbéréyang lao ri panguwasaé, sibawa muéwa ri yolona Pilatus, wettunna Pilatus maélo leppessangngi-Na.

IBRANI 7:26

Jaji, Yésusnaro ritu Imang Lompo iya tapparelluwangngé. Mapaccingngi: ri Aléna dé'gaga asalang iyaré'ga muwi dosa aga. Ripallaingngi polé risining tau madosaé, sibawa ripaénré'i lettu ri onrong iya lebbi matanré polé ri sininna langié.

1 PETRUS 1:19

sangadinna séuwai iya mangke'é; iyanaritu aléna muto Kristus, iya mancajiyé selaku bimbala' iya nakkarobangengngé lao ri Allataala iya dé'é ricéccéiyangngi iyaré'ga cellana.

1 PETRUS 2:22

Dé' naengka napogau' dosa, sibawa dé' naengka muwi séddi tau méngkalingai mabbellé.

1 PETRUS 3:18

Saba' aléna Kristus sisemmi bawang maté lettu mannennungeng nasaba dosana tolinoé – séddié tau iya dé'é napasala, matéi untu' tau iya pasalaé. Napogau'i Kristus iyaro kuwammengngi naulléi pimpikko lao ri Allataala. Riyunoi secara tubu, iyakiya ripatuwoi paimeng secara rohani.