LUKAS 23:31 - KITTA KAREBA MADECENG

³¹ Saba' rékko lao ri pong ngaju iya tuwoé mupa, napogau'i tauwé pada-padaéwé, agaré' tosi nagaukengngi matu mennang lao ri aju iya marakkoénna!”

LUKAS 23:31 ပူးပေါင်းရင်းမြစ်များ

AMSAL 11:31

Rékko ri linoéwé tau makessingngé tarimai matu pamale, mattentuni tau majaé sibawa madosaé lolongeng matu pahukkungeng.

YEREMIA 25:29

Maélo-Ka pammulaiwi angancurukengngéro ri kota-Ku muto. Aja' narapii mennang nasengngi makkedaé dé' narihukkung matu mennang. Pasti rihukkungngi matu nasaba Upapoléngengngi matu musu sininna bangsaé ri sininna linoé. Iyya, Puwang Iya Pommakuwasaé, pura mabbicara.

DANIEL 9:26

Ri paccappurenna wettuéro iyaro pamimping napiléna Allataala riyunoi matu, padahal dé' napasala. Napoléna tentarana séddié arung iya mawatangngé, nanapaccappui Yérusalém enrengngé Bolana Puwangnge. Paccappurenna iyaro wettué poléi matu pada-pada lémpe iya tiwié musu sibawa ancurukeng, pada-pada iya puraé napattentu Allataala.

MATIUS 3:12

Ri liman-Na engka pattapi untu' tapi manengngi gandon-Na gangka mapaccing. Napaddeppungengngi matu gandongngé ri laleng lappoé, iyakiya sininna awanna Natunui matu ri laleng api iya dé'é nawedding peddé.”

LUKAS 23:30

Ri wettuénnaro nakkeda matu tauwé lao ri bulué, ‘Geppaki!’ Sibawa lao ri bulu-bulué, ‘Timpukki!’

LUKAS 23:32

Engkato duwa tau laing – tau maja duwa – iya natiwié mennang untu' rihukkung maté silaong Yésus.

YOHANES 15:6

Tau iya dé'é natette' masséddi sibawa Iyya, riyabbéyangngi matu pada-pada takké, namancaji marakko. Takké-takké iya pada-padaéro ripaddeppungengngi matu, nariyabbéyang ri apié, nainappa ritunu.

IBRANI 6:8

Iyakiya rékko iyaro tanaé powassélé'i ariya sibawa aju-kajungngé maddorié, iyaro tanaé dé'na gaga gunana sibawa natanroiwi matu matti Allataala sibawa angkanna ritunui matu gangka cappu.

YUDAS 1:12

Wettummu pakangka pésta manré, kédo-kédona iyaro sining tauwé napéjariwi pappéneddingngé ri yelle'mu. Saba' manréi mennang sibawa mabuwaja temmasiri, enrengngé banna aléna bawang naéngngerang. Pada-padai mennang ritu ellungngé iya nairié anging, iyakiya dé' napateppa bosi. Pada-pada towi aju-kajungngé iya dé'é napowassélé' buwa namuni wettu buwa-buwani; sining pong ngaju iya puraé ribébbu ure'na sibawa maté sisenni.