LUKAS 23:2 - KITTA KAREBA MADECENG

² Nakkuwanaro mennang mappammula tenre'i. Makkedani mennang, “Rilolongengngi iyaé tauwé papusai ra'ya'é. Napangarai tauwé kuwammengngi aja' nakkamaja sima lao ri Kaisar, saba' adanna Aléna iyanaritu Kristus, séddiwi arung.”

LUKAS 23:2 ပူးပေါင်းရင်းမြစ်များ

1 ARUNG-NGARUNG 18:17

Wettunna Ahab naita Elia, gorani Ahab, “Iyanaé pangacau ri Israélié!”

MAZMUR 35:11

Sabbi-sabbi majaé tokkongngi méwaka, sibawa tenre'ka pogau'i gau'-gau' iya dé'é uwissengngi.

MAZMUR 62:4

Gangka kégi manekko maélo gasai séddié tau iya pada-padaénna renring iya miringngénna sibawa témbo' iya mawé'énna maruttung?

YEREMIA 20:10

Paéngkalingai tauwé mabbici-bici kégi-kégi, “Kalallani taué! Laono mai talaporo'i lao ri iya makuwasaé!” Mala sininna sahaba maréppé'ku tajengngi asempékekku. Adanna mennang, “Naullé nasibawang pappalécé, taulléi caui, kuwammengngi taulléi makkabale lao ri aléna.”

YEREMIA 38:4

Nanalaona sining pajaba'éro ri arungngé sibawa makkeda, “Iyaé tauwé harusu'i rihukkung maté. Saba', ri laleng makkeda makkuwannaro napalemmai sumange'na sininna prajuri'é sibawa tau laing iya monroé mupa ri kotaéwé. Dé' natulungngi ra'ya'é, sangadinna nacilakaiwi mennang.”

AMOS 7:10

Amazia, imang ri Bétel, kiringngi iyaé laporangngé lao ri Yérobéam arunna Israélié, “Sikongkolo'i Amos sibawa ra'ya'é méwai Datu. Ada-adanna iya pakiri-kiriyéngngi ra'ya'é nassabariwi matu ancuru iyaé wanuwaé.

ZAKHARIA 11:8

Tellu tau pakkampi iya céccéékka paccappui asabbarakekku. Upaddésu'i mennang ri laleng wettu si ulengngé.

MATIUS 17:27

Iyakiya aja'na tasinggungngi pappéneddinna sining tauwéro. Jaji laono ri tapparengngé mamméng. Alani balé bunge' mutikkengngé. Muruntu'i matu ri laleng témunna dowi iya genne'é untu' simata sipadduwa. Alani iyaro dowié namuwajai lao ri mennang simata untu' Bolana Puwangngé.”

MATIUS 22:21

Nappébali mennang, “Kaisar.” Nakkeda Yésus lao ri mennang, “Rékko makkuwaitu, wérénni lao ri Kaisar aga iya nappunnaiyé Kaisar, sibawa lao ri Allataala aga iya nappunnangiyé Allataala.”

MATIUS 27:11

Wettunna Yésus mangolo ri Pilatus, gubernurna wanuwaéro, makkutanani Pilatus, “Ikonaga Arunna tau Yahudié?” Nappébali Yésus, “Makkuwaitu adatta puwang.”

MARKUS 12:17

Nakkeda Yésus, “Rékko makkuwaitu, wérénni Kaisar, aga iya nappunnangiyé Kaisar, sibawa Allataala aga iya nappunnangiyé Allataala.” Héranni mennang méngkalingai.

MARKUS 15:2

Nakkutana Pilatus lao ri Yésus, “Tongek-Koga Arunna tau Yahudié?” Nappébali Yésus, “Makkunitu adatta puwang.”

LUKAS 23:14

nainappa makkeda lao ri mennang, “Mutiwii iyaé Tauwé lao ri iyya sibawa makkeda makkedaé Napapusai sining tauwé. Makkekkuwangngé purani uparéssa ri yolomu, iyakiya dé' sises-siseng ulolongengngi séddi ja iya muteppuwangngéngngi.

LUKAS 23:5

Iyakiya pédé' maddessa'i mennang, “Pappagguruwan-Na pangarai tauwé ri sininna Yudéa; mula-mulanna ri Galiléa, namakkekkuwangngé lettu toni kuwaé.”

YOHANES 18:29

Rimakkuwannanaro laoni Pilatus ri saliweng ri mennang nanakkutana, “Aga pappotane'mu lao ri tauwéwé?”

YOHANES 18:30

Nappébali mennang, “Akkalarapanna dé' napasala, dé' tatiwii lao ri Bapa' Gubernur.”

YOHANES 19:12

Wettunna naéngkalinga Pilatus iyaro, makkuragani untu' leppessangngi Yésus. Iyakiya gora-gorai sining tau Yahudié, “Rékko tapaleppe'i Puwang, tenniyana Puwang sellaona Kaisar! Tau iya mangakué aléna arung, iyanaritu balinna Kaisar!”

RIWAYA'NA RASUL-RASUL-E 24:13

Dé'to naulléi mennang pabuttiwi sining nattenrekengngé iya napangoloé ri Bapa' passalekku.

RIWAYA'NA RASUL-RASUL-E 24:5

Rilolongengngi iyaé tauwé pangacau iya mabbahayaé. Kégi-kégi paompoi arukkang ri yelle'na sining tau Yahudié sibawa mancajiwi pamimpinna gerakang tau Nazarét-é.

ROMA 13:7

Jaji wajani ri pamaréntaé aga iya harusu'é nawaja Saudara ri aléna. Wajai simaé, rékko harusu'i Saudara makkamaja sima; sibawa wajai cuké rékko harusu'i Saudara makkamaja cuké. Pakarajai mennang iya harusu'é ripakaraja sibawa pakalebbii mennang iya harusu'é ripakalebbi.