LUKAS 22:62 - KITTA KAREBA MADECENG

⁶² Nassuna Pétrus polé kuwaro nateri tassénge'-sénge'.

LUKAS 22:62 ပူးပေါင်းရင်းမြစ်များ

MAZMUR 38:18

Céddé'ka sempé, matteru-teruka mapeddi.

YEREMIA 31:18

Uwéngkalingai umma Israélié makkeda penno amesséng, ‘Oh Puwang, pada-padaki olokolo iya dé'éppa naripakacuwai iyakiya Mulatiki untu' mapato, na makkekkuwangngé sadiyani untu' lisu ri Iko. Jaji, tiwini lisu, oh Puwang, Allataalata.

YEHEZKIEL 7:16

Leppe'i matu sibagiyang nanalari lao ri bulué. Kuwaro pada-padai matu mennang jangang-jangang iya rirukkaé polé ri lompo-lompo'é; maddaréké manengngi matu nasaba dosa-dosana mennang.

ZAKHARIA 12:10

Nainappa wija-wijanna Daud enrengngé pabbanuwana Yérusalém Uwéréngngi matu ati iya pojiyéngngi mamasé sibawa pojiyéngngi massempajang. Naitai matu mennang iya puraé nagajang mennang sibawa mpatingiwi pada-pada tau mpatingiyéngngi amaténna ana' tungke'na. Mpatingngi matu mennang sibawa mamasé, pada-pada tau iya ateddéngengngénna ana' macowa.

MATIUS 26:75

Naéngngeranni Pétrus makkedaé purai makkeda Yésus ri aléna, “Riwettu dé'napa naoni manu'é, wékkatelluna muwassakkareng.” Nassuna Pétrus, sibawa teri tassénge'-sénge'.

MATIUS 5:4

Masennangngi tau iya messé atié; risaléworiwi matu mennang ri Allataala!

MARKUS 14:72

Iyatoro wettué naoni manu'é mabbékkaduwanna. Nanaéngngeranni Pétrus makkedaé purai makkeda Yésus ri aléna, “Ri wettu dé'napa naoni manu'é wekkaduwa, wékkatelluni muwassakkarek-Ka.” Naterina Pétrus tassénge'-sénge'.

LUKAS 22:61

Nagilinna Yésus nanaitai Pétrus. Nanaéngngeranni Pétrus, pura makkedai Puwangngé ri aléna, “Riwettu dé'napa naoni manu'é iya essoéwé, wékkatelluni muwassakkarek-Ka.”

LUKAS 22:63

Sining tau iya jagaiyéngngi Yésus, nacculé-culéini sibawa nababbai.

1 KORINTUS 10:12

Tau masengngéngngi aléta tettong masse, sitinajai matutu; aja' narapii menrung.