LUKAS 22:52 - KITTA KAREBA MADECENG

⁵² Nanakkeda Yésus lao ri kapala-kapala imangngé sibawa sining parawira pangawalna Bolana Puwangngé, enrengngé sining pamimpinna Yahudié iya engkaé kuwaro untu' tikkengngi, “Tau maja-Ka'ga, namupolé sibawa peddang nenniya tarasulu untu' tikkek-Ka?

LUKAS 22:52 ပူးပေါင်းရင်းမြစ်များ

2 ARUNG-NGARUNG 11:15

Dé' napalaloi Yoyada riyuno Atalya ri seddéna Bolana Puwangnge, jaji makkedani lao risining parawiraé, “Tiwii massu lalo ri barisi pengawal é sibawa unoi nigi-nigi makkuraga passalama'i.”

MATIUS 26:47

Ri wettu mabbicarana mupa Yésus, Yudas, sala séddinna polé ri ana'-ana' gurunna Yésus poléni. Maéga tau naéwa silaong iya tiwié peddang sibawa tarasulu. Risuroi mennang ri kapala-kapala imangngé sibawa sining pamimpinna Yahudié.

MATIUS 26:55

Nakkeda Yésus lao ri tau maégaéro, “Tau maja-Ka'ga, namupolé mai sibawa tiwi peddang enrengngé tarasulu untu' tikkek-Ka? Esso-esso-Ka mappagguru ri Bolana Allataala, nadé' mutikkek-Ka!

LUKAS 22:37

Saba', ateppe'no, aya'na Kitta'é iya makkedaé, ‘Riyangga'i matu selaku séddi tau maja,’ harusu'i kajajiyang ri alé-Ku. Saba' aga taroki ri lalenna Kitta'é passalenna Iyya, kajajiyanni makkekkuwangngéwé.”

LUKAS 22:4

Rimakkuwannanaro laoni Yudas barunding sibawa kapala-kapala imangngé sibawa sining kapala pengawalna Bolana Puwangngé passalenna pékkugi naulléi mabbéréyangngi Yésus lao ri mennang.

LUKAS 22:51

Iyakiya makkedai Yésus, “Sikuna!” Nainappa nakarawa daucculinna iyaro tauwé sibawa napajjappai.

LUKAS 22:53

Esso-essoka sibawa ri Bolana Allataala, magi nadé' mutikkek-Ka? Iyakiya iyanaé wettunna tinda'ko, sibawa wettunna pettangngé makkatenning akuwasang.”

YOHANES 17:12

Ri wettuk-Ku sibawa mupa mennang, Iyya purana jagai mennang sibawa akuwasang asenna Ambo'é – aseng mabbéréyangngi Ambo' lao ri Iyya. Purani ujagai mennang, nadé' séddi polé ri mennang teddéng, sangadinna iya harusu'é mennang teddéng, kuwammengngi nakajajiyang aga tarokié ri laleng Kitta'é.

RIWAYA'NA RASUL-RASUL-E 5:26

Nalaona parawira pengawalna Bolana Puwangngé silaong pengawal-pengawalna malai iyaro rasul-rasul-é paimeng. Iyakiya dé' napaké awatangeng, saba' métaui ri tau maégaé; ajakké iyaro tau maégaé genrungngi matu mennang sibawa batu.