LUKAS 22:42 - KITTA KAREBA MADECENG

⁴² adan-Na, “Ambo', rékko weddingngi, pabélaiwi polé ri Iyya anrasa-rasang iya harusu'é Upéneddingi. Iyakiya aja' nasituru élo-Ku, sangadinna situru élona Ambo' bawang.” [

LUKAS 22:42 ပူးပေါင်းရင်းမြစ်များ

MAZMUR 40:8

Naumakkeda, “Iyya'naé, ri laleng kitta lulungngé tarokii untu' aléku:

YESAYA 51:17

Tokkonno, éh Yérusalém, tokkonno! Pahukkungeng iya napatakkennaé Puwangnge nasaba caina purani mulaloi gangka cappu.

YESAYA 51:22

Makkuwaiyé adanna Puwang-mu, Puwang Allataalamu iya méwaiyékko, “Anrasa-rasang iya Uwabbéréyangngé ri laleng cai-Ku, Uwalai matu paimeng polé ri iko. Soroi matu cai-Ku, na dé'na mutanggungngi.

YEREMIA 25:15

Puwang, Allataalana Israélié, makkeda lao ri Iyya, “Alai iyaé kaca anggoro'é iya puraé Uliseki sibawa anggoro cai-Ku. Tiwii lao ri sininna bangsaé kégiko Usuro, sibawa suroi mennang ménungngi iyaé anggoro'é.

MATIUS 11:25

Iyaro wettué massempajanni Yésus, “Ambo', Puwang iya makuwasaiyéngngi langié sibawa linoé! Mattarima kasi'-Ka lao ri Iko saba' iya manennaro Murahasiyakangngi polé risining tau maccaé sibawa engkaé pangissengenna, iyakiya Muwappaitangngi lao risining tau dé'é namacca.

MATIUS 11:26

Iyanaro pésennangiwi atinna Ambo'.”

MATIUS 20:22

Nakkeda Yésus lao ri mennang, “Dé' muwissengngi aga muwéllau. Mulléga ménungngi polé ri inungeng anrasa-rasang iya harusu'é Uwénung?” Nappébali mennang, “Uwullé.”

MATIUS 26:39

Nainappa Yésus lao mabéla-béla céddé, nanakkaluttu ri tanaé massempajang. Adan-Na, “Ambo', rékko weddingngi, pabélaini polé ri Iyya anrasa-rasang iya harusu'é Upéneddingi. Iyakiya aja' nasituru' élo-Ku, sangadinna situru élona Ambo' bawang.”

MATIUS 26:42

Laosi paimeng Yésus massempajang, adan-Na, “Ambo', rékko iyaé anrasa-rasangngé harusu'i Upéneddingi, sibawa dé' nawedding ripabélai, leppessanni élona Ambo' jaji.”

MATIUS 26:44

Siseppi Yésus nasalai mennang, na untu' mabbékkatellunna massempajang sibawa powada ada-ada iya padaé.

MATIUS 6:10

Iko ritu Arutta. Tennapodo mapparénta-Ko ri linoé, na élo-Mu riturusi pada-pada ri surugaé.

MARKUS 14:36

Adanna, “Ambo', oh Ambo', dé' gaga mustahélé' ri Ambo'. Akkani anrasa-rasangngéwé polé ri Iyya. Iyakiya aja' taccowériwi élo-Ku, sangadinna élona Ambo.”

LUKAS 23:34

Nassempajanna Yésus, “Ambo', addampengengngi mennang! Dé' naissengngi mennang aga napogau'.” Nabagé-bagéni kuwaro pakéyanna Yésus ri yelle'na mennang sibawa naloteréi.

YOHANES 18:11

Nakkeda Yésus lao ri Pétrus, “Puttama'i paimeng peddammu ri laleng wanuwanna! Muwasengngiga dé' Uwénungngi matu énungeng anrasa-rasang iya nawéréngngék-Ka Ambo'é?”

YOHANES 4:34

Nakkeda Yésus, “Nanré-Ku iyanaritu maccowériwi élo-Na iya suroék-Ka, sibawa pappurai jamang iya nawéréngngék-Ka.

YOHANES 5:30

“Dé'gaga uwullé pogau' polé ri élo alé-Ku. Banna uwadélékiwi situru napparéntangngé Allataala. Na apettuk-Ku adélé'i, saba' dé' Uwaccowériwi élo alé-Ku, sangadinna élona Ambo' iya suroék-Ka.

YOHANES 6:38

Saba' nonno-Ka polé ri surugaé, tenniya untu' pogau'i élo ri aléku, sangadinna élo-Na iya suroék-Ka.

RIWAYA'NA RASUL-RASUL-E 21:14

Dé' namaélo Paulus méngkalingaki, natamappésauna mattéyangngi. Makkedaki, “Leppessanni siya élona Puwangngé jaji.”