LUKAS 22:41 - KITTA KAREBA MADECENG

⁴¹ Nalaona Yésus mabéla-béla céddé polé ri mennang, kira-kira sipaggenrungeng, nainappa makkaluttu massempajang,

LUKAS 22:41 ပူးပေါင်းရင်းမြစ်များ

MATIUS 26:39

Nainappa Yésus lao mabéla-béla céddé, nanakkaluttu ri tanaé massempajang. Adan-Na, “Ambo', rékko weddingngi, pabélaini polé ri Iyya anrasa-rasang iya harusu'é Upéneddingi. Iyakiya aja' nasituru' élo-Ku, sangadinna situru élona Ambo' bawang.”

MARKUS 14:35

Laoni Yésus mabéla-béla céddé nakkaluttu ri tanaé massempajang. Ri laleng sempajan-Na Naéllauwi rékko weddingngi aja'na napéneddingiwi anrasa-rasangngéro.

LUKAS 18:11

Iyaro tau Farisié natampuiwi arona namassempajang ri laleng ati, ‘Oh Allataala, mattarima kasi'ka ri Idi, saba' dé' upada-pada tau laingngé, iya mangowaé, macéko-céko iyaré'ga malaweng. Sukkuru'ka saba' dé' upada iyaro passinge' simaé.

LUKAS 18:13

Iyakiya iyaro passinge' simaé tettongngi mabéla-béla sibawa mala dé' nabarani conga ri langié. Nasappurui arona nanakkedato, ‘Oh Allataala, amaséika, tau madosaéwé!’ ”

RIWAYA'NA RASUL-RASUL-E 20:36

Puranana Paulus mabbicara, makkaluttuni sibawa iya maneng mennang nainappa massempajang.

RIWAYA'NA RASUL-RASUL-E 21:5

Iyakiya cappunana wettunna untu' monroki kuwaro risalaini mennang naripatteru joppatta. Silaong manenni mennang sibawa bainéna kuwaéttopa ana'-ana'na mantara'ki lettu ri saliweng kota. Kuwaniro ri wiring tasi'é, makkaluttu manekki massempajang.

RIWAYA'NA RASUL-RASUL-E 7:60

Nakkaluttuna sibawa gora loppo, “Puwang, aja' naripaéssangi iyaé dosaé ri yasé'na mennang!” Purana makkeda makkuwaro, maténi.

RIWAYA'NA RASUL-RASUL-E 9:40

Nasuroni Pétrus massu maneng mennang, nainappa makkaluttu massempajang. Purairo mangobbini ri ujuna Dorkas nakkeda, “Tabita, oto'no!” Natimpa'ni matanna Dorkas, na wettunna naita Pétrus, tudanni.

IBRANI 5:7

Wettunna Yésus tuwo ri linoéwé, massempajangngi enrengngé maréllauwi sibawa gora kuwaéttopa teri lao ri Allataala, iya mullé mappassalama' polé ri amaténgngé. Nasaba tunru'i ri Allataala sibawa mappakalebbi, nariyéngkalingai.