LUKAS 22:32 - KITTA KAREBA MADECENG

³² Iyakiya purana massempajangekko, Simon, kuwammengngi aja' nalollo teppe'mu. Sibawa narékko lisuno ri Iyya, harusu'ko péwatangiwi silessu-silessuremmu.”

LUKAS 22:32 ပူးပေါင်းရင်းမြစ်များ

MATIUS 18:3

Nainappa makkeda Yésus, “Ateppe'no! Banna rékko tappinrako mancaji pada-pada ana'-ana'éwé, mumancaji matu anggota-Na umma'na Allataala.

MATIUS 26:75

Naéngngeranni Pétrus makkedaé purai makkeda Yésus ri aléna, “Riwettu dé'napa naoni manu'é, wékkatelluna muwassakkareng.” Nassuna Pétrus, sibawa teri tassénge'-sénge'.

MARKUS 14:72

Iyatoro wettué naoni manu'é mabbékkaduwanna. Nanaéngngeranni Pétrus makkedaé purai makkeda Yésus ri aléna, “Ri wettu dé'napa naoni manu'é wekkaduwa, wékkatelluni muwassakkarek-Ka.” Naterina Pétrus tassénge'-sénge'.

MARKUS 16:7

Makkekkuwangngé laono, palettu'i iyaé karébaé lao ri ana'-ana' gurun-Na, muttama' toni Pétrus. Powadai, ‘Laowi poddiyoloiko ri Galiléa. Kuwaro matu muwitai, pada-pada iya puraé Napowadakko.’ ”

LUKAS 8:13

Biné iya teppaé ri onrong iya mabbatu-batué sinrupai tau iya ri wettu naéngkalingana iyaro karébaé, natarimai sibawa masennang atinna. Iyakiya iyaro karébaé dé' nakkure' ri laleng atinna. Cinampe'mi bawang mateppe', ri wettu poléna paccobangngé massakkai mennang.

YOHANES 14:19

Dé'na namaitta nadé' naita-Ka matu linoé. Iyakiya iko muwita-Ka. Sibawa nasaba tuwo-Ka, tuwo tokko matu.

RIWAYA'NA RASUL-RASUL-E 3:19

Rimakkuwannanaro, toba'no polé ri dosa-dosamu sibawa lisuno ri Allataala, kuwammengngi naleddai dosa-dosamu.

ROMA 8:32

Ana' ri Aléna paimeng dé' Nacarinnaiwi, sangadinna nabbéréyangngi untu' apentingetta maneng; masa' dé' nabbéréyangngi matu lao ri idi sininna séuwa-séuwaé iya laingngé?

ROMA 8:34

Engkaga tau maélo pasalaki? Kristus Yésus matti bélaki! Aléna ritu iya puraé maté, iyaré'ga mala Aléna ritu iya puraé ripatuwo paimeng polé ri amaténgngé sibawa engkani ri Allataala ri onrong iya makuwasaé.

2 TIMOTIUS 2:18

Lésséni mennang polé ri pappagguruwang tongengngé, sibawa pakacauwi atepperenna sibagiyang tauwé. Napowadai mennang makkedaé amotokengngé polé ri amaténgngé purani kajajiyang.

TITUS 1:1

Ana'ku Titus! Iyya, Paulus, mokii iyaé sure'é selaku atanna Allataala sibawa rasulna Yésus Kristus. Ripiléka sibawa risuro untu' tulungngi sining tau napilé Allataala kuwammengngi namancaji mawatang ri laleng teppe'na mennang. Harusu tokka pimpingngi mennang kuwammengngi naissengngi pappagguruwang iya tongengngé iya nappagguruwangngé agamata.

IBRANI 12:15

Jagaiwi aja' lalo naengka muwi séddi tau iya massué polé ri laleng akessingeng atinna Allataala, kuwammengngi aja' naengka iya mancajiyé pada-pada aju-kajungngé engkaé racunna ri tengnga-tengngamu angkanna paompo asukkarakeng enrengngé solangiwi maéga tau sibawa racunna.

IBRANI 7:25

Rimakkuwannanaro lettu mannennungeng naulléi Yésus passalama'i sining tau iya laowé ri Allataala naolai Aléna, saba' tuwoi mannennungeng untu' méllauwi ri Allataala untu' sining tauwéro.

1 PETRUS 1:1

Saudara-saudara umma' napiléna Allataala, iya tassiyaé ri laona ri daéra Pontus, Galatia, Kapodokia, Asia sibawa Bitinia! Iyya, Pétrus, rasulna Yésus Kristus, mamménasa tennapodo Allataala mabbéré barakka sibawa asaléwangeng ri iko sibawa tabbollompollong. Ripiléko mancaji umma'na Allataala situru sibawa rancanana Allataala Ambo'é. Sibawa Rohna Allataala pura pancajiko umma' iya mapaccingngé, banna untu' Allataala, kuwammengngi mumatinulu lao ri Yésus Kristus sibawa ripaccingi ri dara-Na.

1 PETRUS 1:13

Rimakkuwannanaro, sitinajako sadiya-sadiya. Atike'ko sibawa amménasa manenno ri barakka iya maéloé riwéréngngékko ri wettunna polé Yésus Kristus matti.

1 PETRUS 1:5

Iya manenna iyanaritu untu'mu, nasaba mateppe'ko ri Allataala. Narijagaiko sibawa akuwasanna Allataala kuwammengngi mutarimai asalamakeng iya sadiyaénna ripannessa ri ahéra' matti.

2 PETRUS 3:14

Rimakkuwannanaro, Saudara-saudara iya upojiyé, ri wettu mutajenna iyaro Essoé, akkuragano tonget-tongeng untu' tuwo mapaccing sibawa dé' cellana ri yolona Allataala. Sibawa piyarai assisumpungeng iya makessingngé sibawa Allataala.

1 YOHANES 2:19

Iyaro sining Balinna Kristus iyanaritu sining tau iya salaiyékki, nasaba sitongenna mennang mémeng tenniya sining tautta. Rékko mennang sining tautta, tentu mennang tette'i sibawa idi. Iyakiya nasalaiki mennang, kuwammengngi namanessa makkedaé dé' muwi séddi polé ri mennang iya tonget-tongengngé muttama ri golongetta.