LUKAS 22:31 - KITTA KAREBA MADECENG

³¹ “Simon, Simon, éngkalingai! Purani ripalalo Ibillisi'é untu' mojiko; pada-pada gandongngé ripallaing polé ri olina, makkuwatoniro iya madécéngngé ripallaing matu polé ri majaé.

LUKAS 22:31 ပူးပေါင်းရင်းမြစ်များ

YESAYA 28:28

Wettunna maddése gandong, dé' napeppé'i matteru-teru narapi ancuru. Dé! Naisseng cara maddése iya teppa'é sibawa tonangi garoba' ri yasé'na tennaancuru lise-lise gandongngéro.

AMOS 9:9

Mabbéré-Ka matu parénta sibawa tapiwi bangsa Israélié pada-pada tauwé mattapi gandong ri laleng pattapié. Untu' paddésu'i sininna iya dé'é nakkéguna ri yelle'na mennang, Upasigaru-garui matu mennang ri yelle'na bangsa-bangsaé.

ZAKHARIA 3:1

Ri laleng pakkitang iya laingngéssi, nappaitangngi Puwangnge lao ri iyya Imang Lompo Yosua mattengngang tettong ri yolona malaéka'na Puwangnge. Ri seddéna Yosua, tettonni Sétangngé iya sadiyaénna untu' tenre'i.

MATIUS 26:30

Nainappa makkélong mennang séddi élong pappojiyang. Purairo laoni mennang ri Bulu-bulu Zaitun.

MATIUS 4:10

Nappébali Yésus, “Addésu'ko Ibillisi'! Ri laleng Kitta'é tarokii: Sitinajako sompai Puwang Allataalamu, sibawa tumaningiwi Aléna bawang!”

LUKAS 10:41

Nappébali Puwangngé, “Marta, Marta! Bata-batako sibawa malippuko pikkiri'i iyaé sibawa iyaro;

RIWAYA'NA RASUL-RASUL-E 9:4

Mabuwanni ri tanaé nainappa méngkalinga séuwa sadda makkeda ri aléna, “Saulus, Saulus! Aga saba'na mucalla-Ka?”

1 KORINTUS 5:5

harusu'ko mabbéréyangngi iyaro tauwé lao ri Ibillisi' kuwammengngi na watakkaléna iyaro tauwé nabinasa, nanallalengiro naripassalama' rohna ri wettunna Puwangngé polé paimeng.

2 KORINTUS 2:11

Upogau'i iyaro kuwammengngi Ibillisi' aja' nala kasempatang untu' makuwasaiki; saba' taissengngi rancana-rancananna.

1 PETRUS 5:8

Sitinajako matike' sibawa sadiya-sadiya! Saba' Ibillisi' iyanaritu balimmu. Pada-padai singaé iya joppaé lao tulili nangngautto sappai nanréna.

WAHYU 12:10

Nainappa uwéngkalinga sadda battowaé ri surugaé makkeda, “Makkekkuwangngénna wettunna Allataala passalama'i umma'-Na! Makkekkuwangngénna wettunna Allataala mappaitangngi akuwasan-Na selaku Arung! Makkekkuwangngé Arung Pappassalama' iya najjanciyangngéro nappaitang toni akuwasan-Na! Saba' iya teppuéngngi saudara-saudarata ri yolona Allataala esso wenni, purani ripassu polé ri surugaé.