LUKAS 22:30 - KITTA KAREBA MADECENG

³⁰ Narimakkuwannanaro weddikko maccowé massennas-sennang sibawa Iyya ri wettuk-Ku mancaji Arung. Natudakko matu ri yasé'na seppuloé duwa kadéra akkarungengngé untu' paréntai seppuloé duwa suku bangsana Israélié.”

LUKAS 22:30 ပူးပေါင်းရင်းမြစ်များ

2 SAMUEL 19:28

Sininna siyajinna ambo'na atatta sitinajai rihukkung maté ri Datu, iyakiya atattaé purani napalalo Datu maccowé manré ri saorajaé. Makkekkuwangngé dé'na nabaranina atatta méllau agi-agi polé ri Datu.”

MAZMUR 49:14

Makkuwaniro totona tau iya mattuwangngéngngi aléna, sibawa wettu mangolona tau iya masennangngénna sibawa ada-adanna.

MATIUS 19:28

Nakkeda Yésus lao ri mennang, “Ateppe'no: Ri Lino Baruéro, Ana'na Tolinoé tudangngi matu ri kadéra arajan-Na malebbié. Iyaro wettué iko ana'-ana' guruk-Ku tudakko matu ri yasé'na seppuloé duwa kadéra arajang sibawa madélékiwi seppuloé duwa suku bangsana Israélié!

MATIUS 5:3

“Masennangngi tau iya marasa dé'é pakkullénna na banna maddennuwang ri Puwangngé bawang; anggotanai iyanaritu umma'na Allataala!

MATIUS 8:11

Tongeng! Maéga tau polé alau sibawa yajang untu' mariyo-riyo sibawa Abraham, Ishak enrengngé Yakub ri laleng Lino Barunna Allataala.

LUKAS 12:37

Temmaka upe'na sining pattumani iya ripoléiyé mattajeng ri wettu poléna puwanna. Ateppe'no: iyaro puwanna sadiya-sadiyani matu nanasuroi sining pattumaninnaro tudang, nanatumaningiwi mennang.

LUKAS 14:15

Wettunna sala séddinna iya sisamaé manré kuwaro naéngkalinga adanna Yésus, makkedani, “Maupe' senna'i tau iya manré matu sisama Allataala rékko poléi selaku Arung!”

2 TIMOTIUS 2:12

Rékko tette'ki sabbara, mapparénta tokki matu silaong Aléna. Rékko riyassakkarengngi Aléna, Nassakkareng tokki matu.

YAKOBUS 1:1

Saudara-saudara umma'na Allataala iya tassiya-siyaé ri sininna linoé! Sellekku, iyya, Yakobus, atanna Allataala sibawa atanna Puwang Yésus Kristus.

WAHYU 19:9

Nainappa makkeda iyaro malaéka'é lao ri iyya, “Okii iyaé: ‘Masennangngi tau iya riundangngé lao ri pésta akawingenna iyaro Ana' Bimbala'é.’ ” Nainappa iyaro malaéka'é tambai towi, “Iyanaé biritta tongeng polé ri Allataala.”

WAHYU 3:21

Mennang iya pakalaé, maélo-Ka palaloi tudang ri kadéra akkarungek-Ku silaong Iyya. Pada-pada muto Iyya pura pakala na makkekkuwangngé tudang silaong Ambo'-Ku ri kadéra akkarungen-Na.

WAHYU 4:4

Ri laleng allébunna iya mattulilingiyéngngi iyaro kadéra arajangngé engka duwappulo eppa kadéra arajang laingngé. Kuwaro tudangngi duwappulo eppa pamimping iya mappakéyang maputé, enrengngé pakéi passigera' ulaweng.