LUKAS 22:22 - KITTA KAREBA MADECENG

²² Mémeng matéi matu Ana'na Tolinoé pada-pada pura napattentué Allataala; iyakiya cilakai tau iya bali'bellariyéngngi!”

LUKAS 22:22 ပူးပေါင်းရင်းမြစ်များ

KAJAJIYANG 3:15

Iko sibawa makkunraiéro tuli sibenciko matu, wija-wijanna sibawa wija-wijammu tuli simusui matu. Wija-wijanna naancuru'i matu ulummu, na iko muwokkoi matu amputuna mennang.”

ZAKHARIA 13:7

Makkedai Puwang Iya Pommakuwasaé, “Tokkonno, éh peddang, sibawa gasani pakkampi iya mappallaungengngék-Ka! Unoi, natassiya-siya matu sining bimbala'é. Maélo-Ka gasai umma'-Ku,

MATIUS 26:24

Mémeng Ana'na Tolinoé matéi matu pada-pada tarokié ri laleng Kitta'é. Iyakiya cilakai tau iya bali'bellariyéngngi Ana'na Tolinoé! Lebbi kessing muwi dé' siseng naengka najaji iyaro tauwé!”

MATIUS 27:5

Naggenrungenni Yudas iyaro dowié muttama' ri Bolana Puwangngé, nainappa lao gattungngi aléna.

MARKUS 14:21

Mémeng Ana'na Tolinoé matéi matu pada-pada tarokié ri laleng Kitta'é. Iyakiya temmaka cilakana tau iya bali'bellariyéngngi Ana'na Tolinoé! Lebbi kessing muwi rékko iyaro tauwé dé' naengka narijajiyang siseng!”

LUKAS 22:23

Nappammulana mennang makkutana séddié lao ri laingngé, niga polé ri yelle'na mennang iya pogau'éngngi matu gau'éro.

LUKAS 24:46

Nakkeda Yésus lao ri mennang, “Ri laleng Kitta'é tarokii makkedaé Arung Pappassalama'é harusu'i manrasa-rasa, sibawa harusu'i moto' paimeng polé ri amaténna ri esso matellué.

YOHANES 17:12

Ri wettuk-Ku sibawa mupa mennang, Iyya purana jagai mennang sibawa akuwasang asenna Ambo'é – aseng mabbéréyangngi Ambo' lao ri Iyya. Purani ujagai mennang, nadé' séddi polé ri mennang teddéng, sangadinna iya harusu'é mennang teddéng, kuwammengngi nakajajiyang aga tarokié ri laleng Kitta'é.

RIWAYA'NA RASUL-RASUL-E 10:42

Nasuroki mabbirittangngi iyaro Karéba Madécéngngé lao risining tauwé sibawa mabbéré asabbiyang makkedaé Aléna ritu riyakka ri Allataala mancaji Hakinna sining tau iya tuwoé sibawa sining tau iya matéénna.

RIWAYA'NA RASUL-RASUL-E 17:31

Saba' pura napattentuni séddi wettu untu' madélékiwi sininna linoéwé sibawa adélé. Iyaro jamangngé napogau'i matu séddi tau iya puraé napilé Allataala untu' iyaro. Na kuwammengngi sininna tauwé mateppe'i matu ri gau'éro, purani napatuwo paimeng Allataala iyaro tauwé polé ri amaténgngé!”

RIWAYA'NA RASUL-RASUL-E 2:23

Situru élo-Na muto, napettuiwi Allataala untu' mabbéréyangngi Yésus lao ri iko. Na wettunna riyabbéréyang, muwunoi sibawa leppessangngi sining tau majaé sallii.

1 PETRUS 1:11

Nasalidikiwi mennang pékkugi sibawa uppanna iyaro gau'é kajajiyang matu, iya nakkattaiyé Rohna Kristus iya engkaé ri laleng aléna. Iyaro wettué nabotoi Roh-Na lao ri mennang passalenna anrasa-rasang iya harusu'é napéneddingi Kristus sibawa passalenna arajan-Na iya maccinrolaé matu rékko purairo.

2 PETRUS 2:3

Nasaba mangowai mennang, na iyaro guru-guru palsué nacuritai matu lao ri iko curita-curita iya nakarangngé untu' lolongeng asarong polé ri iko. Iyakiya pengadilang untu' patatteppai pahukkungengngé ri yasé'na mennang maittani ripassadiya, sibawa abinasang iya puraé ripattentu untu' mennang mattengngang tajengngi mennang.