LUKAS 22:20 - KITTA KAREBA MADECENG

²⁰ Makkuwatoro purana manré, Nabbéréyanni énungeng anggoro'é lao ri mennang sibawa makkeda, “Iyaé énungengngé iyanaritu assijancingenna Allataala iya mabarué, iya risahkangngé sibawa dara-Ku – dara iya ripatabbollongngé untu' iko.]”

LUKAS 22:20 ပူးပေါင်းရင်းမြစ်များ

ASSURENG 24:8

Nainappa nala Musa dara iya engkaé ri laleng katowang-katowangngéro nanabbolorengngi ri yasé'na ra'ya'é. Adanna, “Iyaé daraé pakkasse'i assijancing iya nasiyoé Puwangnge sibawa iko situru parénta-parénta-Na.”

YEREMIA 31:31

Makkedai Puwangnge, “Narapii matu wettunna mébbu-Ka assijancing iya barué sibawa umma Israélié sibawa Yéhuda.

ZAKHARIA 9:11

Makkedai Puwangnge lao ri umma'-Na, “Nasaba assijancing iya Uwébbué sibawa iko, assijancing iya ripaessaé sibawa dara akkarobangeng pakkasuwiyang, Upaleppe'i matu ra'ya'mu iya manrasa-rasaé ri laleng appalirengngé pada-pada tau iya riyurungngé ri laleng bujung marakkoé.

MATIUS 26:28

Saba' iyanaé dara-Ku iya paessaéngngi assijancingenna Allataala – dara ribollowangngé untu' tau maégaé nariyaddampengeng dosana mennang.

MARKUS 14:24

Purairo makkedani Yésus, “Iyanaé dara-Ku iya paessaéngngi assijancingenna Allataala, dara iya ripatabbolloé untu' maéga tau.

1 KORINTUS 11:25

Makkuwatoro puranana manré, nalani énungeng anggoro'é nainappa makkeda, “Iyaé anggoro'é iyanaritu assijancingenna Allataala iya mabarué, iya ripaessaé sibawa dara-Ku. Sises-siseng muwénung iyaé, pogau'i iyaé untu' méngngerak-Ka.”

2 KORINTUS 3:6

Aléna ritu mébbuki mulléi mancaji pattumani untu' séuwa assijancingeng iya mabarué; assijancingeng iya taggattungngé ri Rohna Allataala, tenniya ri hukkung iya tarokié. Saba' iyaro tarokié tiwii amaténg, padahal Rohna Allataala tiwii atuwong.

IBRANI 12:24

Laoko mangolo ri Yésus, Pappasisumpung untu' assijancingeng iya mabaruéro; muwoloiwi pecci dara iya tanggungngéngngi gau'-gau' iya mabéla lebbi kessingngé naiya natanggungngé darana Habél.

IBRANI 13:20

Allataala pura patuwoi Puwatta Yésus polé ri amaténgngé. Nasaba amatén-Naro, na makkekkuwangngé mancajiwi Pakkampi Marajata, iyanaritu sining bimbala'-Na. Iyaro amatén-Na napaessa towi assijancingeng mannennungengngé iya naébbué Allataala sibawa idi.

IBRANI 9:15

Iyanaro saba'na, Kristus mancaji Pappasisumpung untu' séuwa assijancingeng iya mabarué, kuwammengngi na tau iya puraénna riyobbi ri Allataala naulléi tarimai barakka-barakka mannennungengngé iya puraé najjanciyang Allataala. Iya manennaro weddingngi kajajiyang nasaba engkana maté, iyanaritu Kristus; na amatén-Naro paleppe'i tauwé polé risining asalanna iya napogau'é mennang ri wettu takkennana mupa assijancingeng iya mammulangngé.

IBRANI 9:17

Saba' sure' warisi'é dé' nalaku ri wettu tuwona mupa tau iya mébbuéngngi. Iyaro sure'é banna lakui rékko maténi iyaro tauwé.