LUKAS 22:18 - KITTA KAREBA MADECENG

¹⁸ nasaba issenni: mappammulai makkekkuwangngé dé'na Uwénungngi matu iyaé anggoro'é narapi Allataala makuwasai manengngi.”

LUKAS 22:18 ပူးပေါင်းရင်းမြစ်များ

MAZMUR 104:15

sibawa powassélé uwai anggoro iya pasennangiyé. Makkuwatoro minnya zaitun iya mébbuéngngi rupanna maccahaya, sibawa inanré iya mpéréngngéngngi awatangeng.

ELONG MARAJA 5:1

Laoka ri palla'ku, anri, bottikku, upaddeppungengngi murku sibawa rampa-rampaku; uwanréi sarang wanikku sibawa cani'ku, uwénungngi dadi'ku sibawa uwai anggoro'ku. Manré ménunno, sellao-sellao, énunno gangka mabo' assicintang.

YESAYA 25:6

Ri Bulu Sion, Puwang Iya Pommakuwasaé passadiya matu perjamuwang untu' sininna bangsaé ri linoé. Napatalai inanré iya kaminang malunra'é sibawa anggoro iya ripilé.

YESAYA 55:1

Makkedai Puwangnge, “Lao manenno mai iko iya madekkaé, énunno, tassadiyai uwai. Poléno iko iya dé'é nappunnai dowi, tarimani gandongngé temmakkamaja, sibawa manréno! Anggoro sibawa susué tassadiyai, tarimai sibawa cuma-cuma.

DANIEL 2:44

Ri wettu apparéntanna arung-ngarungngéro, Allataala ri surugaé patettongngi matu séuwa akkarungeng iya mattahangngé matu mannennungeng sibawa iya dé'é naricau matu muwi ri bangsa niga. Iyaro akkarungengngé nancuru'i matu sininna akkarungeng iya laingngéro.

ZAKHARIA 9:15

Pasti Nawéréngngi allinrungeng umma'-Na, angkanna naulléi mennang caui sininna balié. Pada-pada kelli'na tau iya mabo' ménungngé, makkuwaniro kelli'na mennang ri laleng ammusurengngé. Samanna dara akkarobangeng iya ritiri'é ri yasé'na mézbaé, makkuwaniro darana balinna mennang tuppa.

ZAKHARIA 9:17

Temmaka kessinna tanana Puwangnge matti, temmaka kessinna sibawa gellona! Kuwaniro tuwo makkompe anggoro'é sibawa gandongngé, mébbui kalloloé sibawa ana'daraé tattamba mawatang.

MATIUS 16:18

Rimakkuwannanaro issenni, ikona iyanaritu Pétrus, batu masse'é. Na ri yasé'na pallangga batuéwé maélo Upatettong garéja-Ku, iya dé'é nawedding ricau; namuni amaténgngé!

MATIUS 26:29

Ateppe'no: Dé'na Uwénungngi iyaé anggoro'é narapi wettunna ménuk-Ka anggoro baru sibawa iko ri laleng Lino Barunna Ambo'-Ku.”

MARKUS 14:23

Purairo, malani séuwa énungeng anggoro. Nassempajang sukkuru' ri Allataala, nainappa nabbéréyang iyaro énungengngé lao ri ana'-ana' gurun-Na. Nainappa naénung manenni mennang iyaro anggoro'é.

MARKUS 14:25

Ateppe'no: Dé'na Uwénungngi iyaé anggoro'é, narapi wettunna Uwénung anggoro barué sibawa iko ri Lino Barunna Ambo'-Ku.”

MARKUS 15:23

Kuwaniro mennang maélo mpéréngngi Yésus anggoro iya sicampuru'é mur, iyakiya dé' namaélo Yésus ménungngi iyaro anggoro'é.

MARKUS 9:1

Nakkeda Yésus, “Issenni! Polé ri yelle'mu kuwaé engka matu dé' namaté, ri wettu dé'napa naitai Allataala mapparénta sibawa makuwasa!”

LUKAS 21:31

Makkuwatoro rékko muwitai gau'-gau'é kajajiyang, muwissenni matu makkedaé dé'na namaitta napparénta Allataala selaku Arung.

LUKAS 22:16

Saba' ateppe'no: Dé'na uwanréi matu iyaé narapi bettuwanna perjamuwangngéwé ripannessa ri Lino Barunna Allataala.”

LUKAS 9:27

Issenni: polé ri yelle'mu kuwaé engka matu dé' namaté riwettu dé'napa naitai matu Allataala mapparénta.”

KOLOSE 1:13

Puraki napaleppe' polé ri akuwasanna pettangngé sibawa napalétté'ki ri laleng akkarungenna Ana'-Na iya Namaséiyé.

HAKING-HAKING 9:13

Iyakiya mappébaliwi pong anggoro'é, ‘Masa' harusu'ka mappésau powassélé anggoro iya pésennangiyéngngi atinna déwata-déwataé sibawa tolinoé, banna untu' mancaji arummu!’