LUKAS 22:17 - KITTA KAREBA MADECENG

¹⁷ Purairo nakkani Yésus énungeng anggoro'é, nainappa massempajang sukkuru' lao ri Allataala, nanakkeda, “Alani iyaé, sibawa abbagé-bagéyangngi;

LUKAS 22:17 ပူးပေါင်းရင်းမြစ်များ

MAZMUR 116:13

Tiwika matu pakkasuwiyang anggoro untu' Puwangnge untu' sukkurukiwi pattulun-Na.

MAZMUR 23:5

Mupassadiyangekka pésta ri yolona matanna balikku. Muduppaika selaku topolé malebbié. Mupatalangekka énungeng makessing maona.

YEREMIA 16:7

Dé'to gaga maélo pakangka bacadowang untu' saléworiwi tau iya mattengngangngé mabbarata. Dé'gaga maccowé masara mala sibawa tau iya ateddéngengngé ambo'na iyaré'ga indo'na.

MATIUS 14:19

Nainappa Nasuro iyaro tau maégaé tudang ri tompo'na wellaé. Purairo nalani iyaro roti limaé sibawa balé duwaé, nainappa conga ménré ri langié nanasukkuru ri Allataala. Purairo napuwé'-puwé'ni iyaro rotié sibawa liman-Na na-Nawéréngngi ana'-ana' gurun-Na untu' nabagé-bagé lao ri tau maégaé.

MATIUS 15:36

Nainappa nala iyaro pitué roti sibawa balé, nanasukkuru ri Allataala. Purairo napuwé'-puwé'ni iyaro rotié enrengngé balé sibawa liman-Na, nainappa Nawéréng ana'-ana' gurun-Na. Nanabbagé-bagéyanni mennang lao ri tau maégaéro.

MATIUS 26:26

Wettunna mennang manré, malani Yésus roti, nainappa massempajang sukkuru'. Purairo napuwé-puwé'ni rotié sibawa liman-Na nainappa nawéréng ana'-ana' gurun-Na nanakkedato, “Alai, namuwanréi; iyanaé tubuk-Ku.”

MARKUS 14:22

Wettunna mennang manré, nalani Yésus rotié nanassempajang sukkuru' ri Allataala. Nainappa Napuwé'-puwé' iyaro rotié sibawa liman-Na, na-Nawéréngngi ana'-ana' gurun-Na nanakkedato, “Alai namuwanréi, iyanaé tubuk-Ku!”

LUKAS 22:19

Purairo nalani Yésus rotié. Napuranana massempajang sukkuru', Napuwé'-puwé'ni iyaro rotié sibawa liman-Na, nainappa nawéréng mennang, sibawa makkeda, “Iyanaé tubuk-Ku [iya riyabbéréyangngé untu' iko. Pogau'ni iyaé untu' sénge'-Ka.”

LUKAS 9:16

Nainappa nalani Yésus iyaro limaé roti sibawa duwaé balé, nanaconga ri langié mattarima kasi ri Allataala. Purairo napuwé'-puwé'ni rotié nenniya baléro sibawa liman-Na nainappa nawéréng ana'-ana' gurun-Na untu' nabbagé-bagéyang lao ri tau maégaéro.

ROMA 14:6

Tau iya pentingkangngéngngi esso-esso mattentué, iyaro tauwé napogau'i makkuwaéro untu' pakalebbii Puwangngé. Tau iya manrééngngi sini-sininnaé, napogau'i makkuwaro untu' pakalebbii Puwangngé, nasaba sukkuru'i lao ri Allataala nasaba iyaro naanré. Makkuwatoro sibawa tau iya manrééngngi banna anrékanré mattentué bawang; iyaro tauwé napakalebbi towi Puwangngé sibawa sukkuru' lao ri Allataala.

1 KORINTUS 10:16

Wettutta ménung anggoro sibawa mattarima kasi lao ri Allataala, dé'ga na iyaro nappaitangngi makkedaé masséddiki sibawa Kristus ri laleng amatén-Na? Sibawa wettutta bagé-bagéwi rotié untu' riyanré' massibawa, dé'ga na iyaro nappaitangngi makkedaé masséddiki ri laleng tubunna Kristus?

1 KORINTUS 11:23

Saba' iya uwappagguruwangngé lao ri iko, utarimai iyaro polé ri Puwangngé muto: makkedaé ri wenniéro wettunna Yésus, Puwatta, ribali'bellari, malani roti,

ULANGENG 8:10

Manréko matu gangka caumu, sibawa sukkuru lao ri Puwang Allataalamu untu' tana commo iya Nawéréngngékko.”