LUKAS 21:1 - KITTA KAREBA MADECENG

¹ Ri Bolana Puwangngé, naitai Yésus sining tau sugié puttama dowi ri laleng petti-petti pakkasuwiyangngé.

LUKAS 21:1 ပူးပေါင်းရင်းမြစ်များ

1 ARUNG-NGARUNG 14:26

Narampasa'i sininna barab-barang mangke'é iya engkaé ri Bolana Puwangnge sibawa ri saorajana arungngé, makkuwatoro kaliyawo-kaliyawo ulaweng iya naébbué Salomo.

2 ARUNG-NGARUNG 12:9

Nanalana Yoyada séddi petti-petti sibawa mébbu sebbo ri pattongkona nanataroi ri seddéna mézbaé ri seddé ataunna sumpang muttama'é ri Bolana Puwangnge. Sininna dowi iya riyakkasuwiyangengngé ri Bolana Puwangnge riputtama'i ri laleng petti-pettiéro ri imang-ngimang iya jagaé ri sumpang muttama'é.

2 ARUNG-NGARUNG 24:13

Sininna pakkakkasa ulaweng iya naébbué Salomo untu' Bolana Puwangnge, nasolangini Nébukadnézar. Nainappa sininna barang mangke'é iya engkaé ri Bolaéro sibawa saorajaé natiwii ri Babél. Iya manennaro kajajiyangngi situru sibawa aga iya puraé napowada Puwangnge ri yolona.

2 TAWARIKH 36:18

Pakkakkasa-pakkakkasa Bolana Puwangnge, sibawa barab-baranna iya mangke'é, makkuwatoro waramparanna arungngé sibawa sining pegawénna, iya manenna narampasa'i iyaro arung Babél nainappa natiwi ri Babél.

NEHEMIA 13:13

Usuroi sining tau mangoloéwé untu' jagaiwi bili-bili bokongngéro: Imang Sélémya, Zadok séddiwi ahli Hukkung sibawa Pédaya séddiwi tau Léwi. Hanan ana' Zakur sibawa eppona Matanya usuro bantui mennang. Uwisseng makkedaé iyaro sining tauwé weddingngi riyatepperi sibawa maéloi murusu'i abbagéngeng sining bahangngéro lao ri sellao-sellao siyajjamanna sibawa malempu.

MATIUS 27:6

Naitténi kapala-kapala imangngé iyaro dowié nakkeda, “Iyaé dowié, dowi dara. Manuru' hukkunna agamaé, iyaé dowié dé' nawedding riputtama' ri onrong akkasuwiyangengngé ri Bolana Puwangngé.”

LUKAS 20:47

Nabelléi mennang sining jandaé sibawa narampasa' i bolana. Na untu' tongkoi jana mennanro, massempajangngi mennang sibawa malampé'! Matane' matu pahukkungenna mennang!”

YOHANES 8:20

Iya manennaro napowadai Yésus wettunna mappagguru ri Bolana Allataala ri seddéna petti-petti dowi pakkasuwiyangengngé. Iyakiya dé' muwi séddi tau tikkengngi, saba' dé'pa narapii wettunna.

YOSUA 6:19

Sininna barang péra'é, ulawengngé, tembagaé sibawa bessié harusu'i ripallaing untu' Puwangnge, sibawa ritaroi ri laleng onrong attarong waramparang appunnangenna Puwangnge.”

YOSUA 6:24

Nainappa natunu gangka cappu tentara Israélié sininna kotaéro sibawa sininna iya engkaé ri lalenna, sangadinna barab-barang ulawengngé, péra'é, tembagaé sibawa bessié. Iyaro barab-barangngé nalai mennang nanatiwii ri onrong attaronna waramparang appunnangenna Puwangnge.