LUKAS 20:6 - KITTA KAREBA MADECENG

⁶ Iyakiya rékko makkedaki, ‘Sibawa ha'na tolinoé,’ nagenrukki matu batu sininna tauwé saba' mateppe'i mennang makkedaé Yohanés séddiwi nabi.”

LUKAS 20:6 ပူးပေါင်းရင်းမြစ်များ

MATIUS 11:9

Jaji magi mulao ri padang kessi'é? Untu' mita séddi nabiga? Tongeng, mala lebbi na séddié nabi.

MATIUS 14:5

Sitongenna macinnai Hérodés mpunoi Yohanés, iyakiya métaui risining tauwé, nasaba nasengngi mennang Yohanés nabi.

MATIUS 21:26

Iyakiya rékko makkedaki, ‘Sibawa ha'na tolinoé',’ métauki lao ri tau maégaé, saba' nangga' manengngi mennang Yohanés séddiwi nabi.”

MATIUS 21:46

Jaji makkuragani mennang tikkengngi. Iyakiya métaui lao ri tau maégaé, saba' iyaro tau maégaé nangga'i Yésus séddiwi nabi.

MATIUS 26:5

Nakkeda mennang, “Iyakiya aja' naripogau' iyaro gau'é ri wettu ramé-ramé, saba' mompo ammai rukkaé ri yelle'na ra'ya'é.”

MARKUS 12:12

Nasininna tomariyolona bangsa Yahudié iya méngkalingaéngngi pakkalarapangngéro, makkuragani tikkengngi Yésus, saba' naissengngi mennang aléna ripakennai ri Yésus iyaro pakkalarapangngé. Iyakiya métaui mennang ri tau maégaé. Jaji laoni nasalaiwi Yésus.

LUKAS 1:76

Iko, éh ana'ku, riyasekko matu nabinna Allataala Iya Pommatanré. Risuroko poddiyoloiwi Puwangngé untu' sarakengngi laleng Aléna.

LUKAS 20:5

Nappammulana mennang barunding, “Rékko makkedaki, ‘Sibawa ha'na Allataala,’ makkedai matu, ‘Rékko makkuwaitu, magi nadé' mumateppe ri aléna?’

LUKAS 20:7

Jaji mappébaliwi mennang, “Dé' taissengngi.”

LUKAS 7:30

Iyakiya sining tau Farisié sibawa guru-guru agamaé dé' namaélo tarimai rencanana Allataala untu' aléna mennang. Dé' namaélo mennang ricemmé ri Yohanés.

YOHANES 10:41

Maéga tau lao ri Aléna. Makkedani mennang, “Yohanés dé' napogau'i sining anu makalallaingngé, iyakiya iya manenna iya napowadaé passalenna iyaé tauwé tongengngi.”

RIWAYA'NA RASUL-RASUL-E 5:26

Nalaona parawira pengawalna Bolana Puwangngé silaong pengawal-pengawalna malai iyaro rasul-rasul-é paimeng. Iyakiya dé' napaké awatangeng, saba' métaui ri tau maégaé; ajakké iyaro tau maégaé genrungngi matu mennang sibawa batu.