LUKAS 2:40 - KITTA KAREBA MADECENG

⁴⁰ Napédé' battowana iyaro anana'é sibawa mawatang. Mapanré senna'i sibawa riyamaséinna ri Allataala.

LUKAS 2:40 ပူးပေါင်းရင်းမြစ်များ

MAZMUR 22:9

Adanna mennang, “Leppessangngi mattuwangngi Puwangnge, kuwammengngi Puwangnge passalama'i, rékko masennangngi Puwangnge lao ri aléna!”

MAZMUR 45:2

Mpobbo'i ada-ada magelloé polé ri atikku, uwakkasuwiyangengngi élokku lao ri arungngé. Samanna pénana séddié tau macca, sadiyani lilaku powadai warékkadaé.

LUKAS 1:80

Napédé' battowana iyaro ana'na Zakharia sibawa pédé' mawatang rohna. Monroi ri padang kessi'é, narapi lettu wettunna nappaissengeng aléna lao ri bangsa Israélié.

LUKAS 2:47

Héranni sininna tau méngkalingaéngngi nasaba sining pappébalin-Na iya maccaé.

LUKAS 2:52

Napédé' battowana Yésus sibawa tattamba accana, enrengngé ripoji ri Allataala sibawa ri rupa tauwé.

YOHANES 1:14

Mancaji rupa tauni Saddaé, monroi ri yelle'ta, napurani riita arajan-Na. Iyaro arajangngé natarimai selaku Ana' Tungke'na Ambo'é. Naolai Aléna nariita Allataala sibawa pammasé-Na lao ri idi.

RIWAYA'NA RASUL-RASUL-E 4:33

Nasibawang akuwasang battowaé, iyaro rasul-rasul-é mabbéréi asabbiyang makkedaé tuwoni Yésus paimeng. Naribarakkaki senna'na mennang ri Allataala.

EFESUS 6:10

Paccappurenna, sitinajako mancaji mawatang sibawa awatangeng iya mulolongengngé polé ri akuwasanna Puwangngé, nasaba masséddiko sibawa Aléna.

2 TIMOTIUS 2:1

Timotius, ana'ku! Sitinajako mancaji mawatang nasaba pammasé iya nabbéréyangngé lao ri idi, nasaba masséddiki sibawa Kristus Yésus.

HAKING-HAKING 13:24

Siyagangngaré uleng ri munrinna iyaro bainéna Manoah jajiyanni séddi ana' worowané nanawéréngngi aseng Simson. Iyaro ana'é mancaji battowani enrengngé ribarakkaki ri Puwangnge;

1 SAMUEL 2:18

Na wettuéro, Samuél iya anana'é muparo matterui tumaningiwi Puwangnge. Pakéi waju ripallaing polé ri kaing lénangngé, pada-pada waju assompanna sining imangngé.

1 SAMUEL 2:21

Ribarakkakini Hana ri Allataala, angkanna jajiyassi tellu ana' worowané sibawa duwa ana' makkunrai. Napédé battowa tona Samuél ri laleng natumaninginna Allataala.

1 SAMUEL 2:26

Sibalé'na Samuél, ana'éro, pédé battowai sibawa pédé ripoji, muwi Puwangnge, iyaré'ga sininna tauwé.

1 SAMUEL 3:19

Tattamba battowani Samuél. Puwangnge sibawangngi sibawa mébbui sininna iya napowadaé Samuél kajajiyang tongeng.