LUKAS 2:34 - KITTA KAREBA MADECENG

³⁴ Ribarakkakini mennang ri Siméon sibawa makkeda lao ri Maria, indo'-Na iyaro Anana'é, “Iyaé Anana'é purani napilé Allataala untu' paccappui sibawa passalama'i maéga tau Israélié. Mancajiwi matu tanrang polé ri Allataala, iya naéwaé matu maéga tau,

LUKAS 2:34 ပူးပေါင်းရင်းမြစ်များ

KAJAJIYANG 14:19

nainappa nabarakkaki Abram, adanna, “Tennapodo Allataala Iya Pommatanré, iya puraé pancajiwi langié sibawa linoé, barakkakiwi Abram!

KAJAJIYANG 47:7

Nappaddissengeng toni Yusuf ambo'na lao ri arungngé. Nabarakkakini Yakub arungngé,

ASSURENG 39:43

Naparéssani Musa sini-sininnaé sibawa naitai makkedaé purani naébbu mennang pada-pada iya napparéntangngé Puwangnge. Nainappa Musa barakkakiwi mennang.

YESAYA 8:18

Iyya'naé sibawa ana'-ana' iya nawéréngngékka Puwangnge. Puwang Iya Pommakuwasaé iya mapparéntaé ri Bulu Sion, suroki mancaji tanrang untu' umma Israélié.

HOSEA 14:9

Nabbéyangngi matu tau Israélié sining dato-dato barahalana; Upiyarai mennang sibawa Utarimai sempajanna. Pada-pada aju iya tuli maworongngé daunna, Ucinaungiwi matu mennang. Iyya ritu assalenna sininna barakka'na. Iyya, Puwang, pura mabbicara.”

MATIUS 11:19

Namakkekkuwangngé poléni Ana'na Tolinoé – manréi sibawa ménung; nakkeda sining tauwé, ‘Itai tauwéro! Mabélala, pammabokeng, sellaonai passinge' simaé sibawa tau madosaé.’ Namuni makkuwaro, apanrénna Allataala pabuttiwi polé ri wassélé'-wassélé'na.”

MATIUS 12:46

Wettunna Yésus mabbicara mupi sibawa tau maégaéro, poléni indo'na sibawa silessu-silessuren-Na. Tettongngi mennang ri saliweng nanakkuragato untu' mulléi mabbicara sibawa Aléna.

MATIUS 21:44

Tau iya sempé'é polé ri batuéro, ancuru'i matu, na tau iya nageppaé iyaro batué, nalélui matu mancaji awu.]”

MATIUS 27:63

Nakkeda, “Puwang, wettunna tuwo mupa iyaro pabbelléngngé, riyéngngerangngi purai makkeda, ‘Labe'na tellungngesso moto'-Ka matu.’

LUKAS 2:35

nanallalengiro nassu lise' atinna mennang. Nasoppa'i matu atimmu atassinnaureng pada-pada peddang matarengngé.”

YOHANES 3:20

Tungke' tau iya pogau'é ja, nabenciwi tajangngé; dé' namaélo lao ri tajangngé, kuwammengngi pangkaukenna majaé dé' napaita.

YOHANES 5:18

Iyaro ada-adaé nassabari sining panguwasana Yahudié napédé' makkuraga untu' mpunoi. Napogau'i mennang iyaro, tenniya banna nasaba najjalékkai peraturanna agamaé passalenna esso Saba'é, iyakiya nasaba makkeda towi iyaro Allataala Ambo'-Na; bettuwanna napappadai Aléna Allataala.

RIWAYA'NA RASUL-RASUL-E 13:45

Wettunna sining tau Yahudié naita tau maégaéro, mangémpuru senna'ni mennang. Nacellani mennang Paulus sibawa naéwana sininna iya napowadaé.

RIWAYA'NA RASUL-RASUL-E 17:6

Iyakiya wettunna mennang dé' nalolongengngi Paulus sibawa Silas, nassarénréngenni Yason sibawa siyagangngaré tau mateppe' laingngé ri yolona pajaba'-pajaba' iya makuwasaé ri kotaéro. Gorani mennang, “Iyaé sining tauwé makkacauwi kégi-kégi! Makkekkuwangngé nalokkai toni mennang kotata,

RIWAYA'NA RASUL-RASUL-E 24:5

Rilolongengngi iyaé tauwé pangacau iya mabbahayaé. Kégi-kégi paompoi arukkang ri yelle'na sining tau Yahudié sibawa mancajiwi pamimpinna gerakang tau Nazarét-é.

RIWAYA'NA RASUL-RASUL-E 28:22

Iyakiya maélo tokki méngkalingai passalenna atepperenna Saudara, saba' idi manengngé purani riyéngkalinga tauwé cellai pappagguruwang iya muwaccowériyéro.”

RIWAYA'NA RASUL-RASUL-E 4:26

Sadiya-sadiyani sining arung linoé untu' mammusu, sibawa sining pamimpingngé masséddi méwai Puwangngé sibawa Arung Pappassalama'é.’

RIWAYA'NA RASUL-RASUL-E 6:7

Makkuwaniro biritta polé ri Allataala pédé' mallebbangngi sibawa tau maccowériyéngngi Yésus ri Yérusalém pédé' tattambato égana. Namaéga tona imang mateppe' lao ri Yésus.

ROMA 9:32

Magi mennang dé' namakkéwassélé? Saba' napogau'i mennang iyaro dé' naolai teppe' laowé ri Allataala, sangadinna naolai usaha ri aléna. Namabuwanna mennang tabbuttu ri “Batu Tabbutturengngé”.

1 KORINTUS 1:23

Iyakiya idi'é banna mabbirittangngi Kristus iya maté ri sallié. Iyaro birittaé nasinggungngi pappéneddinna sining tau Yahudié sibawa nangga'i omong kosong sining tau tenniyaé Yahudi. Sibawa tau tenniyaé Yahudi naangga'i iyaro séuwa adonggong.

IBRANI 7:1

Iyaé Malkisédék iyanaritu arung polé ri Salém sibawa imanna Allataala Iya Pommatanré. Wettunna Abraham lisu polé ri ammusurengngé caui sining arungngé, poléi Malkisédék duppaiwi sibawa barakkakiwi.

IBRANI 7:7

Mémeng dé' nawedding ribanta makkedaé tau iya ribarakkakiyé iyanaritu lebbi riyawai naiya tau iya pabarakkakiyé.

1 PETRUS 4:14

Saroko rékko ripakatunako nasaba maccowéko ri Kristus. Iyaro bettuwanna Roh iya malebbié, iyanaritu Rohna Allataala, engkai ri alému.

1 SAMUEL 2:20

Nanabarakkakini Eli Elkana sibawa bainéna, sibawa makkedai lao ri Elkana, “Tennapodo Puwangnge mpéréssiko ana'-ana' polé ri bainémué, untu' sulléiwi ana' iya puraé muwabbéréng lao ri Puwangnge.” Purairo lisuni mennang ri Rama.