LUKAS 2:32 - KITTA KAREBA MADECENG

³² pada-pada tajang iya tappaéngngi lalenna sininna bangsa-bangsa laingngé, untu' lao ri Iko; iyanaritu tajang iya mappapolé alebbireng lao ri umma'-Mu Israélié.”

LUKAS 2:32 ပူးပေါင်းရင်းမြစ်များ

MAZMUR 85:9

Maéloka méngkalingai ada-adanna Puwang Allataala; Najjanciyangngi asaléwangengngé lao ri idi, umma'-Na, assaleng dé' talisu pogau' dosa.

YESAYA 11:10

Narapii matu wettunna séddi arung wija-wijanna Daud mancaji poko' perhatiyanna bangsa-bangsaé. Poléi matu mennang ri aléna, sibawa onrong naonroiyé ripoji-pojiwi matu.

YESAYA 4:2

Narapii matu wettunna naébbui Puwangnge tungke tanet-tanengngé sibawa ajué tuwo mancaji battowa sibawa magello ri wanuwaéwé. Iyaro essoé tau Israél iya salama'é marennui matu sibawa mabangka'i nasaba wassélé éngngalangngé.

YESAYA 45:25

Iyakiya wija-wijanna Yakub ripassalama'i matu, sibawa napoji-Ka matu, Puwang.

YESAYA 49:6

Makkedai Puwangnge lao ri iyya, “Tugas iya lebbi battowaé tajekko, éh atak-Ku; tenniya banna mupalisui sésana wija-wijanna Yakub sibawa palisui arajanna suku-suku Israélié, iyakiya Upancaji towi tajanna bangsa-bangsaé, kuwammengngi naripassalama sininna linoé.”

YESAYA 49:9

Tau iya ritarungkué Usuroi massu; iya engkaé ri onrong makalemmengngé Utiwii lao ri tajangngé. Mala ri bulu-bulu iya makellué dé' naakurangeng mennang, ri sillampé lalengngé tassadiyai inanré.

YESAYA 51:4

Pénessaiwi saddak-Ku, éh bangsa-bangsa, éngkalingai ada-adakku, éh umma'ku. Uwabbéréyangngi pappagguruwak-Ku lao ri bangsa-bangsaé, hukkung-hukkuk-Ku tajangiwi matu mennang.

YESAYA 60:19

Dé' muparellu ritappa mata esso ri essoé, sibawa dé' naparellu ritajangi kéteng ri wennié. Saba' Iyya Puwang mancaji tajang mannennungeng ri alému, Utappako sibawa arajak-Ku.

YESAYA 9:2

Puwang, Muwéréngngi mennang ariyo-riyong battowaé, Muwébbui mennang gora-gora. Marennui mennang nasaba akessingem-Mu, pada-pada tau iya mariyo-riyoé wettunna mappaddeppungeng éngngalang, iyaré'ga mattawa barang rappa.

YEREMIA 2:11

Dé'pa naengka séuwa bangsa séléi déwatana namuni iyaro tenniya Allataala tongengngé. Iyakiya, umma'-Ku purana nasélé Iyya, abangkakenna mennang sibawa séuwa iya dé'é naulléi pogau' aga-aga.

ZAKHARIA 2:5

Puwangnge pura majjanci makkedaé aléna matu mancaji témbo' api iya mattulilingiyéngngi kotaéro untu' linrungiwi sibawa monroi matu kuwaro ri laleng sininna akuwasan-Na sibawa arajan-Na.”

MATIUS 4:16

Bangsa tuwoé ri laleng pettangngé naitani tajang mattappaé! Lao ri iya monroé ri laleng wanuwa apettangenna amaténgngé mompoi cahaya macakkaé!”

LUKAS 2:10

Iyakiya makkedai iyaro malaéka'é, “Aja' mumétau! Saba' poléka tiwirekko karéba madécéng – karéba iya pésennangi senna'éngngi sininna tauwé.

LUKAS 2:31

Iyaro Pappassalama'é purani Mupassadiya untu' sininna bangsaé:

RIWAYA'NA RASUL-RASUL-E 26:23

iyanaritu makkedaé Arung Pappassalama' iya najjanciyangngé Allataalaro harusu'i manrasa-rasa, sibawa mancajiwi tau bunge' tuwo paimeng polé ri amaténgngé; kuwammengngi nallalengi iyaro naulléi mabbéré tajang – iyanaritu asalamakeng – muwi lao risining tau Yahudié muwi lao risining tau tenniyaé Yahudi.”

RIWAYA'NA RASUL-RASUL-E 28:28

Paccappurenna makkedai Paulus, “Harusu'i naisseng Saudara-saudara makkedaé karéba passalenna asalamakengngé iya polé ri Allataala makkekkuwangngé purani riyabbirittang lao ri bangsa-bangsa laingngé iya tenniyaé Yahudi. Maéloi mennang turusiwi!” [

1 KORINTUS 1:31

Jaji, pada-pada iya tarokié ri laleng Kitta'é, “Tau iya maéloé mammingki-mingki, harusu'i mammingki-mingki ri aga iya napogau'é Puwangngé.”

WAHYU 21:23

Iyaro kotaé dé' naparellu ritappari mata esso iyaré'ga kéteng, saba' arajanna Allataala tappariwi, sibawa iyaro Ana' Bimbala'é iyanaritu lampunna.