LUKAS 2:27 - KITTA KAREBA MADECENG

²⁷ Nasaba pappimpinna Rohna Allataala, muttama'i Siméon ri Bolana Allataala. Iyaro wettué Yusuf sibawa Maria natiwii Yésus muttama' iya baiccu'é mupa, untu' pogau'i upacara iya napparéntangngé hukkunna agamaé.

LUKAS 2:27 ပူးပေါင်းရင်းမြစ်များ

YEREMIA 32:11

Nainappa uwala iyaro sure' angellingengngé iya puraénna ritaroi ségélé sibawa mallise sara-sara nenniya attentuwang-attentuwanna. Uwala towi lémbana sure' iya dé'é gaga ségélé'na,

MATIUS 4:1

Nainappa ripimpinni Yésus ri Rohna Allataala lao ri padang kessi'é untu' ricobai ri Ibillisi'.

LUKAS 2:22

Narapini wettunna Yusuf sibawa Maria pajoppai ade' pappépaccing siturué hukkunna Musa. Jaji natiwini iyaro Anana'é ri Yérusalém untu' riyabbéréyang lao ri Puwangngé.

LUKAS 2:28

Nanalani Siméon iyaro Anana'é nanaépa'i, nainappa napoji Allataala,

LUKAS 2:41

Tungke'-tungke' taung laowi tomatowanna Yésus ri Yérusalém untu' pakarajai Esso Maraja Paskaé.

LUKAS 2:48

Hérang toni tomatowan-Na mitai. Nakkeda indo'-Na lao ri Yésus, “Na', magi Mupakkuwaki'é? Ambo'-Mu sibawa iyya tassélesséleng sappa-Ko!”

LUKAS 2:51

Nalisuna Yésus silaong mennang lao ri Nazarét, sibawa matinuluna lao ri mennang. Sininna gau'éro nataroi indo'-Na ri laleng atinna.

LUKAS 4:1

Rikuwasaini Yésus ri Rohna Allataala wettunna nasalai Salo Yordan. Ripimpinni ri Rohna Allataala lao ri padang kessi'é.

RIWAYA'NA RASUL-RASUL-E 10:19

Iyaro wettué matteru mupi Pétrus makkuraga missengngi bettuwanna iyaro pakkitangngé, makkedani Rohna Allataala ri aléna, “Eh Pétrus, engka tellu tau sappako.

RIWAYA'NA RASUL-RASUL-E 11:12

Nainappa nasurona Rohna Allataala lao silaong mennang sibawa dé'na ubata-bata. Iya enneng saudaraéwé maccowé toni sibawakka lao ri Kaisaréa, namuttama manenni ri lalempolana Kornélius.

RIWAYA'NA RASUL-RASUL-E 16:7

Wettunna lettu ri pakkasésénna Misia nacobani mennang muttama' ri daéra Bitinia, iyakiya Rohna Yésus mattéyangngi mennang lao kuwaro.

RIWAYA'NA RASUL-RASUL-E 8:29

Nakkeda Rohna Allataala lao ri Filipus, “Laono muwaddeppériwi iyaro karétaé.”

GALATIA 4:4

Iyakiya ri wettunna iya teppa'é, nasuroi Allataala Ana'-Na lao ri linoé. Iyaro Ana'-Na rijajiyangngi riséddié makkunrai sibawa tuwo ri yawana akuwasanna Hukkunna Agamaé.

WAHYU 1:10

Ri essona Puwangngé, rikuwasaika ri Rohna Allataala, nauwéngkalingai séuwa sadda iya maloppoé – siccenno oni tarompé'é – mabbicara ri monrikku.

WAHYU 17:3

Nainappa nakuwasaika Rohna Allataala, sibawa iyaro malaéka'é natiwika ri padang kessi'é. Kuwaniro mitaka séddi makkunrai tudang ri yasé'na séddié olokolo' iya makellengngé bulunna, sibawa iya riyarokiriyé penno sibawa aseng-ngaseng pappakatuna lao ri Allataala. Iyaro olokolo'é mappunnaiwi pitu ulu sibawa seppulo tanru'.