LUKAS 2:26 - KITTA KAREBA MADECENG

²⁶ sibawa Rohna Allataala pura paissengiwi makkedaé' dé' namaté matu riwettu dé'napa naitai Arung Pappassalama'é iya najjanciyangngé Puwangngé.

LUKAS 2:26 ပူးပေါင်းရင်းမြစ်များ

MAZMUR 2:2

Massamangngi tokkong sining arung linoé sibawa sining panguwasaé masséddiwi méwai Puwangnge sibawa arung Napilé.

MAZMUR 2:6

Adan-Na, “Ri Sion bulu-bulu-Ku iya mapaccingngé purani Ulanti arung upilé-Ku.”

MAZMUR 25:14

Puwangnge iyanaritu sellaona tau mateppe'é, napannessai akkatta-Na lao ri mennang.

YESAYA 61:1

Akuwasanna Puwang Iya Pommatanré engkai ri aléku; napiléka sibawa nasuroka untu' tiwi karéba lao ri tau kasiyasié sibawa pajjappai tau iya mareppo'é atinna; untu' mappallebbangengngi lao ri tau ritahangngé makkedaé ripaleppe'i mennang masitta, sibawa lao risining tauwé ri laleng tarungkué makkedaé ripaleppe'i matu mennang.

AMOS 3:7

Puwang Iya Pommatanré dé' naengka napogau'i séuwaé tennapannessai rancana-Na lao risining nabié, ata-atan-Na.

MATIUS 2:12

Napparéngngerangenni Allataala lao ri mennang ri laleng nippi kuwammengngi aja' nalisu ri Hérodés. Jaji lisuni mennang molai laleng laingngé.

LUKAS 2:29

“Makkekkuwangngé, purani Murupai jancimmu Puwang. Leppessanni atam-Muéwé maté sibawa tennang.

LUKAS 9:27

Issenni: polé ri yelle'mu kuwaé engka matu dé' namaté riwettu dé'napa naitai matu Allataala mapparénta.”

YOHANES 1:41

Mapperi-perini Andréas sappai Simon, silessurenna, nakkeda ri aléna, “Purani siruntu Mesias!” (Mesias padai Kristus, iyanaritu: Arung Pappassalama'é.)

YOHANES 20:31

Iyakiya iya manennaé riyokii, kuwammengngi mumateppe makkedaé Yésus iyanaritu Arung Pappassalama'é, Ana'na Allataala, sibawa nasaba teppe' ri aléna, lolongekko atuwong.

YOHANES 4:29

“Laono mai muwitai tau iya powadangngékka sininna puraé upogau'. Naulléga iyanaro Arung Pappassalama'é?”

YOHANES 8:51

Tongeng senna' adak-Kué, tau iya turusiyéngngi adak-Ku, lettu mannennungeng dé' namaté matu.”

RIWAYA'NA RASUL-RASUL-E 10:38

Muwissenni makkedaé Allataala pura piléi Yésus tau Nazarét-éro sibawa mpéréngngi Rohna Allataala nasibawang akuwasang. Muwisseng toni makkedaé iyaro Yésus laowi kégi-kégi untu' pogau' décéng; napajjappa manengngi tau nakuwasaiyé Ibillisi', saba' Allataala sibawangngi.

RIWAYA'NA RASUL-RASUL-E 17:3

Napakatajanni situru aya'-aya'na Kitta'é sibawa napabuttinna makkedaé Arung Pappassalama'é iya najjanciyangngé Allataala parellui manrasa-rasa sibawa tuwo paimeng polé ri amaténgngé. Makkedai Paulus, “Yésus iya uwabbirittangngéro lao ri iko, Aléna ritu Arung Pappassalama' iya riyajjanciyangngé.”

RIWAYA'NA RASUL-RASUL-E 2:36

Iyanaro saba'na sininna tau Israélié harusu'i naisseng tonget-tongeng makkedaé iyaro Yésus iya musallié, Yésus éttonaro pura napancaji Allataala mancaji Puwang sibawa Arung Pappassalama'é!”

RIWAYA'NA RASUL-RASUL-E 9:20

Matteruni lao ri bola assompangngé sibawa mappammula mabbirittangngi makkedaé Yésus ritu Ana'na Allataala.

IBRANI 11:5

Nasaba mateppe'i, nadé' namaté Hénokh, sangadinna riyakkai sibawa ritiwii lao ri Allataala. Dé' muwi séddi tau mulléi runtu'i, saba' riyakkai ri Allataala. Ri laleng Kitta'é tarokii makkedaé ri wettu dé'napa nariyakka Hénokh, purani napésennangi atinna Allataala.