LUKAS 2:11 - KITTA KAREBA MADECENG

¹¹ Iya essoé ri kota Daud, jajini Arung Pappassalama'mu iyanaritu Kristus, Puwangngé.

LUKAS 2:11 ပူးပေါင်းရင်းမြစ်များ

KAJAJIYANG 3:15

Iko sibawa makkunraiéro tuli sibenciko matu, wija-wijanna sibawa wija-wijammu tuli simusui matu. Wija-wijanna naancuru'i matu ulummu, na iko muwokkoi matu amputuna mennang.”

KAJAJIYANG 49:10

Nakkatenningngi matu Yéhuda tekkeng akkarungengngé, mapparéntai matu wija-wijanna mannennungeng. Tiwii matu bangsa-bangsaé pakkasuwiyang, enrengngé suju' sibawa tunru ri yolona.

MAZMUR 2:2

Massamangngi tokkong sining arung linoé sibawa sining panguwasaé masséddiwi méwai Puwangnge sibawa arung Napilé.

YESAYA 9:6

Mapparéntai selaku arung wija-wijanna Daud, akuwasanna battowa senna. Wanuwanna tuli daméi nasaléwangeng; apparéntanna napatettongngi ri yaséna hukkungngé sibawa adélékengngé makkekkuwangngé sibawa mannennungeng. Puwang Iya Pommakuwasaé pasti napogau'i.

MATIUS 1:21

Najajiyangngi matu Maria séddi ana' worowané. Iyaro ana'é harusu'i muwéréng aseng Yésus, nasaba Napassalama'i matu umma'-Na polé ri dosana mennang.”

MATIUS 16:16

Nappébali Simon Pétrus, “Bapa' iyanaritu Arung Pappassalama'é, Ana'na Allataala Iya Tuwoé.”

MATIUS 16:20

Purairo naparéngngerangini Yésus ana'-ana' gurun-Na kuwammengngi aja' napowadai lao ri nigi-nigi makkedaé Aléna ritu Arung Pappassalama'.

LUKAS 1:43

Niga iyya'é nanalaowika indo'na Puwangngé?

LUKAS 1:69

Nawérékki pappassalama' iya baranié, wijanna Daud, atan-Na.

LUKAS 2:26

sibawa Rohna Allataala pura paissengiwi makkedaé' dé' namaté matu riwettu dé'napa naitai Arung Pappassalama'é iya najjanciyangngé Puwangngé.

LUKAS 2:4

Joppani Yusuf polé ri Nazarét ri Galiléa, lao ri Bétléhém ri Yudéa, onrong ajajiyanna Arung Daud; saba' Yusuf wijannai Arung Daud.

YOHANES 1:41

Mapperi-perini Andréas sappai Simon, silessurenna, nakkeda ri aléna, “Purani siruntu Mesias!” (Mesias padai Kristus, iyanaritu: Arung Pappassalama'é.)

YOHANES 1:45

Siruntu'ni Filipus sibawa Natanaél nakkeda ri aléna, “Siruntu'ni tau iya nasengngé Musa ri laleng Kitta Hukkunna Allataala, sibawa iya nabbirittangngé nabi-nabié. Iyanaritu Yésus polé ri Nazarét, ana'na Yusuf.”

YOHANES 11:27

Nappébali Marta, “Puwang, mateppe'ka, Puwang Ana'na Allataala, Arung Pappassalama'é iya maéloé polé ri linoéwé.”

YOHANES 20:31

Iyakiya iya manennaé riyokii, kuwammengngi mumateppe makkedaé Yésus iyanaritu Arung Pappassalama'é, Ana'na Allataala, sibawa nasaba teppe' ri aléna, lolongekko atuwong.

YOHANES 4:25

Nakkeda iyaro makkunraié lao ri Yésus, “Uwisseng Arung Pappassalama'é (iya riyasengngé Kristus) maéloi polé. Rékko poléi, nappaddissengengngi matu sininna séuwa-séuwaé lao ri idi.”

YOHANES 4:42

Nakkeda mennang lao ri makkunraiéro, “Mateppe'ni makkekkuwangngé, tenniya nasaba aga pura mupowadaé lao ri idi, iyakiya nasaba alétana pura méngkalingai, sibawa missengngi makkedaé mémengngi Pappassalama'nai linoé.”

YOHANES 6:69

Mateppe'ni sibawa riyesserinna makkedaé Puwangngé ritu suro mapaccing polé ri Allataala.”

YOHANES 7:41

Iya laingngé makkedai, “Iyanaé Arung Pappassalama'é!” Iyakiya engkato makkeda, “Ah? masa' Arung Pappassalama'é polé ri Galiléa?

RIWAYA'NA RASUL-RASUL-E 10:36

Naissenni saudara-saudara lise'na karéba iya napalettu'é Allataala lao ri bangsa Israélié. Iyaro karébaé iyanaritu passalenna Karéba Madécéngngé lao-laona adaméngengngé naolai Yésus Kristus, iyanaritu Puwanna sininna tauwé.

RIWAYA'NA RASUL-RASUL-E 13:23

Polé ri wija-wijanna Daud, Allataala pura passadiyangengngi bangsa Israélié séddi Arung Pappassalama'é, pada-pada pura najjanciyangngé. Na Yésus ritu Arung Pappassalama'éro.

RIWAYA'NA RASUL-RASUL-E 17:3

Napakatajanni situru aya'-aya'na Kitta'é sibawa napabuttinna makkedaé Arung Pappassalama'é iya najjanciyangngé Allataala parellui manrasa-rasa sibawa tuwo paimeng polé ri amaténgngé. Makkedai Paulus, “Yésus iya uwabbirittangngéro lao ri iko, Aléna ritu Arung Pappassalama' iya riyajjanciyangngé.”

RIWAYA'NA RASUL-RASUL-E 2:36

Iyanaro saba'na sininna tau Israélié harusu'i naisseng tonget-tongeng makkedaé iyaro Yésus iya musallié, Yésus éttonaro pura napancaji Allataala mancaji Puwang sibawa Arung Pappassalama'é!”

RIWAYA'NA RASUL-RASUL-E 5:31

Napurani riwéréng ri Allataala tudangeng sibawa akuwasang iya matanré selaku Pamimping sibawa Pappassalama'; kuwammengngi nariwéréng kasempatang bangsa Israélié untu' toba' polé ri dosa-dosana sibawa riyaddampengeng.

1 KORINTUS 15:47

Adam mammulangngé ripancajiwi polé ri tanaé, iyakiya Adam iya maduwaé assalenna poléi ri surugaé.

FILIPI 2:11

Mangaku manengngi matu mennang makkedaé Yésus Kristus ritu Puwang; nanallalengiro naripakalebbi Allataala Ambo'é.

FILIPI 3:8

Tenniya bawang gau'-gau'éro; iyakiya mala sininna séuwa-séuwaé uwangga'i selaku gau'-gau' iya mapparogiyé bawang. Iya uwappunnaiyé makkekkuwangngéwé iyanaritu lebbi mangke'i: iyanaritu missengngi Yésus Kristus, Puwakku. Nasaba Kristus, uleppessanni sini-sininnaé. Uwangga' manengngiro selaku warowo bawang, kuwammengngi weddingngi ulolongeng Kristus,

KOLOSE 2:6

Pura natarimani Saudara-saudara Kristus Yésus selaku Puwang. Rimakkuwannanaro sitinajako masséddi sibawa Aléna,

1 YOHANES 4:14

Alétana pura mitai Ana'na Allataala, sibawa riyabbirittangngi makkedaé risuroi ri Ambo'é untu' mancaji Arung Pappassalama'na linoéwé.

1 YOHANES 5:1

Tau iya mateppe'é makkedaé Yésus iyanaritu Arung Pappassalama' iya najjanciyangngé Allataala, iyaro tauwé iyanaritu ana'nai Allataala. Tau iya mamaséiyéngngi séddié ambo', namaséi towi ana'na.