LUKAS 2:10 - KITTA KAREBA MADECENG

¹⁰ Iyakiya makkedai iyaro malaéka'é, “Aja' mumétau! Saba' poléka tiwirekko karéba madécéng – karéba iya pésennangi senna'éngngi sininna tauwé.

LUKAS 2:10 ပူးပေါင်းရင်းမြစ်များ

KAJAJIYANG 12:3

Maélo-Ka barakkakiwi sining tau iya barakkakiyéngngékko sibawa tanroiwi sining tau iya tanroiyéngngékko. Nasaba iko maélo-Ka barakkakiwi sininna bangsaé ri linoé.”

YESAYA 40:9

Enré'ni ri tompo bulu iya matanré, sibawa appallebbangenno karéba madécéng lao ri Yérusalém! Angobbino sibawa sadda macenno, sibawa appallebbangenni karéba madécéngngé lao ri Sion! Powadani lao ri kota-kotana Yéhuda makkedaé poléi matu Allataalana mennang!

YESAYA 41:27

Iyya, Puwang, iya bunge mabbirittangngéngngi lao ri Sion; kirikka pattiwi karéba makessing lao ri Yérusalém.

YESAYA 49:6

Makkedai Puwangnge lao ri iyya, “Tugas iya lebbi battowaé tajekko, éh atak-Ku; tenniya banna mupalisui sésana wija-wijanna Yakub sibawa palisui arajanna suku-suku Israélié, iyakiya Upancaji towi tajanna bangsa-bangsaé, kuwammengngi naripassalama sininna linoé.”

YESAYA 52:10

Nappaitangngi akuwasanna Puwangnge ri yolona matanna sininna bangsaé. Nanasabbingngi sininna linoé asalamakeng polé ri Allataalata.

YESAYA 52:7

Temmaka sennanna mitai apolénna suroé; joppai malléttoiwi bulué sibawa tiwi karéba madécéng, karéba asaléwangeng, biritta asalamakeng untu' Sion; adanna, “Allataalamu Arung!”

YESAYA 61:1

Akuwasanna Puwang Iya Pommatanré engkai ri aléku; napiléka sibawa nasuroka untu' tiwi karéba lao ri tau kasiyasié sibawa pajjappai tau iya mareppo'é atinna; untu' mappallebbangengngi lao ri tau ritahangngé makkedaé ripaleppe'i mennang masitta, sibawa lao risining tauwé ri laleng tarungkué makkedaé ripaleppe'i matu mennang.

DANIEL 10:19

Makkedai, “Namaséiko Allataala, rimakkuwannanaro aja' mubata-bata iyaré'ga métau, ayo', ancajino mawatang!” Ri wettu napowadana gau'éro, upéneddingini lebbi mawatakka sibawa makkeda, “Abbicarano, Puwang. Purani natambai awatangekku Puwang.”

ZAKHARIA 9:9

Eh pabbanuwana Sion, arennuno! Eh pabbanuwana Yérusalém, gorano! Itani! Poléi arummu sibawa apakalang! Aléna arung adélé iya tiwié asalamakeng. Iyakiya lettu'i sibawa penno ariyawang ati tonangi kaleddé, sikaju kaleddé lolo.

MATIUS 14:27

Iyakiya tappa mappébaliwi Yésus, “Tennakko! Iyya Yésus. Aja' mumétau!”

MATIUS 28:18

Maddeppéni Yésus ri mennang, nakkeda, “Sininna akuwasangngé ri surugaé sibawa ri linoé purani riyabbéréyang ri Iyya.

MATIUS 28:5

Nakkeda iyaro malaéka'é lao risining makkunraiéro, “Aja' mumétau! Uwisseng musappai Yésus iya puraé risalliro.

MARKUS 1:15

Adan-Na, “Dé'na namaitta napammulaiwi Apparéntanna Allataala. Toba'no polé ri dosa-dosamu, sibawa mateppe'no ri Karéba Madécéng polé ri Allataala!”

MARKUS 16:15

Nakkeda Yésus lao ri mennang, “Laono risininna linoé namuwappallebbangengngi Karéba Madécéng polé ri Allataala lao ri sininna rupatauwé.

LUKAS 1:13

Iyakiya makkedai iyaro Malaéka'é, “Aja' mumétau Zakharia! Naéngkalingani Allataala sempajammu. Bainému Elisabét jajiyangngi matu séddi ana' worowané. Harusu'ko mpéréngngi aseng Yohanés.

LUKAS 1:19

Nappébali iyaro Malaéka'é, “Iyya'na Gabriél! Utumaningiwi Allataala sibawa Aléna ritu suroka palettu'i karéba madécéngngé lao ri iko.

LUKAS 1:30

Nanakkeda iyaro Malaéka'é lao ri Maria, “Aja' mumétau Maria, saba' nasitujuiko atinna Allataala.

LUKAS 2:11

Iya essoé ri kota Daud, jajini Arung Pappassalama'mu iyanaritu Kristus, Puwangngé.

LUKAS 24:47

Makkuwatoro ri laleng asenna iyaro Arung Pappassalama'é harusu'i riyabbirittang lao ri sininna bangsaé makkedaé harusu'i toba' rupa tauwé, sibawa Allataala maddampengengngi dosaé. Na iyaro karébaé harusu'i riyabbirittang mappammulai ri Yérusalém.

LUKAS 8:1

Dé' namaitta ri munrinna, laoni Yésus ri kota-kotaé sibawa ri kampong-kampongngé, untu' mabbirittangngi Karéba Madécéngngé makkedaé Allataala mappammulani mapparénta selaku Arung. Iya seppulo duwa ana' gurun-Na maccowé towi silaongengngi.

RIWAYA'NA RASUL-RASUL-E 13:32

Jaji, makkekkuwangngé ripalettu'ni iyaro Karéba Madécéngé lao ri Saudara-saudara: Aga pura najjanciyang Allataala lao ri néné-nénéta,

ROMA 10:15

Sibawa pékkugi tauwé naulléi tiwii iyaro karébaé rékko dé' mennang narisuro? Ri laleng Kitta'é tarokii makkuwaéwé, “Temmaka kessinna apolénna sining tau iya tiwié Karéba Madécéng polé ri Allataala!”

EFESUS 3:8

Ri yelle'na sininna umma'na Allataala, iyya'na ritu kaminang matuna. Iyakiya Allataala mpérékka iyaé pammasé: jamang untu' mabbirittangngi lao risining tau tenniyaé Yahudi Karéba Madécéng passalenna asugirenna Kristus iya dé'é gaga cappuna;

KOLOSE 1:23

Iyakiya tentu harusu'ko tette' matinulu mateppe' sibawa tettong masse ri atepperemmu. Aja' narapii muleppessangngi amménasang iya puraé riwérékko wettunna mutarima Karéba Madécéng polé ri Allataala. Iyaro karébaé purani riyabbirittang lao ri tungke' tau ri sininna linoé. Na untu' iyanaro iyya, Paulus, namancaji pattumani.