LUKAS 18:9 - KITTA KAREBA MADECENG

⁹ Nacurita towi Yésus pakkalarapangngéwé iya Napattujué lao ri tau iya pakariyawaéngngi tau laingngé, iyakiya mateppe'i makkedaé makessingngi aléna.

LUKAS 18:9 ပူးပေါင်းရင်းမြစ်များ

AMSAL 30:12

Engka tau iya mangga'éngngi aléna mapaccing padahal macarépa senna'i.

YESAYA 65:5

Makkedai mennang ‘Laono mabéla-béla, aja' mugéssaki saba' mapaccikki sibawa mallaikki polé ri iko!’ Dé' Utahang mitai kédo-kédona mennang! Cai-Ku lao ri mennang pada-padai api iya dé'é naengka napeddé.

YESAYA 66:5

Engkalingai aga napowada Puwangnge, éh iko iya métaué sibawa mapatoé ri Aléna, “Nasaba matinuluko lao ri Iyya, engka ri yelle'na bangsamu iya céccéékko, sibawa dé' namaélo siwollompollong sibawa iko. Naéllé-kéllé'ko mennang sibawa makkeda, ‘Leppessanni Puwangnge nappaitang arajan-Na, kuwammengngi taitai arennummu.’ Iyakiya aléna muto masiri.

ANGIMANGENG 13:32

Ri esso iya mapitué, harusu'i imangngé paréssai paimeng bagiyang iya mapeddié, narékko iyaro peddié dé' natattale enrengngé dé' gaga gemme iyaré'ga janggo iya maridi-ridié ri bagiyangngéro, sibawa paitai dé' nalebbi marilaleng naiya olié ri seddéna,

LUKAS 10:29

Iyakiya iyaro guru agamaé maéloi pattongengngi aléna. Makkutanani, “Niga iyaro pada-padakku rupa tau?”

LUKAS 15:2

Sining tau Farisié sibawa guru-guru agamaé mammulani mannoko'-noko'. Makkedai mennang, “Cih, iyaé tauwé natarimai sining tauwé iya dé'é namakessing sibawa mala manréi sisama mennang!”

LUKAS 16:15

Iyakiya makkedai Yésus lao ri mennang, “Ikona ritu tau iya tongengngé rita ri yolona tau laingngé, iyakiya naissengngi Allataala lise' atimmu. Saba' aga naseng matanré rupa tauwé, naita mariyawai Allataala.

LUKAS 18:11

Iyaro tau Farisié natampuiwi arona namassempajang ri laleng ati, ‘Oh Allataala, mattarima kasi'ka ri Idi, saba' dé' upada-pada tau laingngé, iya mangowaé, macéko-céko iyaré'ga malaweng. Sukkuru'ka saba' dé' upada iyaro passinge' simaé.

LUKAS 19:7

Sininna tauwé iya mitaéngngi gau'éro mammulani mannoko'-noko'. Makkedani mennang, “Cih! Laowi massurolellang ri bolana tau iya dé'é namakessing!”

LUKAS 7:39

Wettunna tau Farisié iya mundangngengngi Yésus naita iyaro gau'é, makkedani ri laleng atinna, “Akkalarapanna iyaé tauwé nabi, tentu Naisseng niga iyaro makkunrai géssaéngngi, sibawa iyaro makkunraié tuwoi ri laleng dosaé!”

YOHANES 8:48

Iyaro sining tau Yahudié nabalini Yésus, “Dé'ga natongeng adatta makkedaé tau Samaria-Ko iya nauttamakiyé sétang?”

YOHANES 9:28

Nainappa nakkeda-kedaini sibawa makkeda, “Iko ana' gurun-Nako; idi tenniya! Idi ana' gurunnaki Musa.

YOHANES 9:34

Nappébali mennang, “Aga? Iko pennoé dosa simula jaji, maéloko pagguruki?” Mappammulai iyaro wettué riyattéyanni muttama' ri bola assompangngé.

RIWAYA'NA RASUL-RASUL-E 22:21

Iyakiya makkedai paimeng Puwangngé lao ri iyya, ‘Laono bawang, saba' maélo-Ka suroko lao ri onrong iya mabélaé lao risining tau tenniyaé Yahudi.’ ”

ROMA 10:3

Dé' naissengngi mennang carana Allataala mébbui assisumpungenna tolinoé sibawa Aléna mancaji makessing paimeng. Sibawa nasaba maéloi mennang maccowériwi cara aléna, nadé' natunru' mennang ri cara iya najello'é Allataala.

ROMA 14:10

Jaji, Saudara-saudara! Untu' aga mupasalai saudaramu iya siyatepperengngé? Sibawa untu' aga muwangga' mariyawai? Idi manengngé mangoloki matu ri Allataala untu' riadéléki.

ROMA 14:3

Tau iya manrééngngi agi-agi aja' naangga' mariyawai tau iya manrééngngi banna anrékanré mattentué bawang, aja'to napasalai tau iya manrééngngi sini-sininnaé, saba' Allataala pura tarimai.

ROMA 7:9

Iyya riyolo tuwoka temmakké hukkung agama. Iyakiya wettunna mompo hukkung agamaé, mammulani tuwo dosaé