LUKAS 18:12 - KITTA KAREBA MADECENG

¹² Mappuwasaka wékkaduwa siminggu, sibawa makkasuwiyakka ri Idi tawa seppulona polé ri sininna pallolongekku.’

LUKAS 18:12 ပူးပေါင်းရင်းမြစ်များ

LUKAS 11:42

Cilakano iko sining tau Farisié! Wassélé tanet-tanemmu padaénna ébara'na talasi sibawa inggu enrengngé rampa-rampa laingngé, muwéréngngi tawa seppulona lao ri Allataala, iyakiya adélékengngé sibawa pammasé lao ri Allataala dé' mujampangiwi. Padahal iyaro sitongenna harusu' mupogau', temmallupaiwi laing-laingngétto.

MATIUS 9:14

Purairo laoni sining ana' gurunna Yohanés Paccemmé ri Yésus. Nanakkutana mennang, “Magi idi sibawa sining tau Farisié nappuwasa na sining ana' gurunna Bapa' dé'?”

LUKAS 17:10

Makkuwatoro iko. Rékko purani mupogau' maneng iya riparéntangngékko, akkedako, ‘Pattumani biyasaki bawang; ripogau'mi bawang kewajibatta.’ ”

1 TIMOTIUS 4:8

Latihang watakkalé céddé bawang akkégunana, iyakiya latihang rohanié makkégunai ri laleng sininna gau'é, saba' tampu'i janci untu' atuwong makkekkuwangngé sibawa wettu iya mangoloé.

MATIUS 6:1

“Engngerangngi, aja' mupogau'i kewajibanna agamaé ri yolona tau maégaé kuwammengngi naitai tauwé. Rékko mupogau'i makkuwaéro, dé' nariwérékko matu saro ri Ambo'mu ri surugaé.

MALEAKHI 3:8

Makkekkuwangngé makkutana-Ka ri iko: Weddigga tauwé belléi Allataala? Tentuni dé'. Iyakiya iko mubellé-Ka. Makkutanako, ‘Pékkugiwi?’ Pappébalik-Ku: Ri laleng muwajana tawa seppuloé sibawa mabbéré pakkasuwiyang.

GALATIA 1:14

Ri laleng pajoppai agama Yahudié, upakacauriwi maégangngéngngi tau Yahudi iya uwéwaé sippangka. Masumange' senna'ka ri laleng gau'-gau' passalenna ade'na néné-nénéta.

1 KORINTUS 1:29

Rimakkuwannanaro dé' muwi séddi tau mulléi mattempowangngi aléna ri yolona Allataala.

ROMA 3:27

Rimakkuwannanaro dé'na gaga alasang ri idi untu' mammingki-mingki. Magi nakkuwaro? Aga nasaba ripogau'i iya tarokié ri laleng hukkunna agama Yahudié? Tenniya. Iyakiya nasaba mateppe'ki.

MATIUS 6:16

“Rékko mappuwasako aja' mupajjameru'i rupammu pada-pada tau iya pojiyéngngi majjaiwi. Napinrai mennang rupanna kuwammengngi sininna tauwé naissengngi makkedaé mappuwasai mennang. Engngerangngi, iyanaro sarona pura natarima mennang.

MATIUS 6:5

“Rékko massempajakko, aja' mupada pada tau iya majjaiyéngngi. Napoji mennang massempajang sibawa tettong ri bola assompangngé enrengngé ri pékka lalengngé kuwammengngi nariita ri tauwé. Engngerangngi iyanaro sarona natarima mennang.

YESAYA 1:15

Rékko muwakkai limammu untu' massempajang, dé' Umaélo jampangiwi. Dé' Upaduliwi siyaga égana sempajammu, dé' Umaélo méngkalingai, saba' nasibawang limammuro purano mabbuno maéga.

2 ARUNG-NGARUNG 10:16

nakkedato, “Accowéno mai sibawa alému sabbingngi pékkugi patoku untu' Puwangnge.” Nainappa silaong mennang makkaréta lao ri Samaria.

1 SAMUEL 15:13

Wettunna Samuél siruntu Saul, makkedani Saul ri aléna, “Tennapodo Puwangnge barakkakiwi Bapa'! Purani upogau' paréntana Puwangnge.”

ABBILANGENG 23:4

nakkuwaniro Allataala polé ri aléna. Nakkeda Biléam lao ri Allataala, “Purana patettong pitu mézba sibawa makkasuwiyangeng sikaju saping lai sibawa sikaju bimbala lai ri yasé'na tungke'-tungke' mézbaé.”

ABBILANGENG 18:24

nasaba untu' manana mennang purani Uwéréng sininna pakkasuwiyang tawaseppuloé iya nakkasuwiyangngé tau Israélié lao ri Iyya selaku pabbéré iya ripallaingngé. Iyanaro saba'na passalenna tau Léwié Upowadai makkedaé dé' matu mennang nalolongeng bagiyang mana ri Israélié.”

MATIUS 5:20

Jaji, éngngerangngi: Dé' nakkulléko mancaji umma'na Allataala, rékko dé' mupakacauriwi guru-guru agamaé sibawa sining tau Farisié ri laleng pogau'i élona Allataala!”