LUKAS 18:1 - KITTA KAREBA MADECENG

¹ Purairo nacuritani Yésus séddi pakkalarapangeng untu' paggurui ana'-ana' gurun-Na kuwammengngi natuli massempajang sibawa dé' napettu paddennuwang.

LUKAS 18:1 ပူးပေါင်းရင်းမြစ်များ

MAZMUR 102:17

rékko napatettongngi Puwangnge Sion paimeng, sibawa malluru ri laleng arajan-Na.

MAZMUR 27:13

Mateppe'ka upéneddingiwi matu akessingenna Puwangnge ri laleng atuwokku ri linoéwé.

MAZMUR 65:2

Sipato'ki poji-Ko ri Sion, oh Allataala, sibawa rupaiwi jancitta ri Iko.

MAZMUR 86:3

Iko ritu Allataalaku, amaséika oh Puwang, saba' puppu essoka massempajang lao ri Iko.

YESAYA 40:31

Iyakiya tau iya mattuwangngéngngi Puwangnge, lolongengngi matu awatangeng mabaru. Padai mennang kuwajangngé iya luttué matanré sibawa awatangeng pannina. Lariwi mennang sibawa dé' naposo, joppai mennang sibawa dé' namatekko.

YESAYA 62:7

Dé' nawedding mennang naleppessang Aléna monro mammekko ri wettu Napatettonna paimeng Yérusalém, sibawa pancajiwi tassebbo risininna linoé.

YEREMIA 29:12

Naméllau tulukko matu ri Iyya. Poléko matu untu' massempajang ri Iyya, na-Ubaliwi matu sempajammu.

LUKAS 11:10

Nasaba tau iya méllauwé natarimai matu; tau iya massappaé nalolongengngi matu, sibawa tau iya maggettoé, ritimpakengngi matu tange.

LUKAS 21:36

Jaga-jagako, sibawa tuli massempajakko kuwammengngi mulléi niniriwi sininna gau' maéloé kajajiyang sibawa mulléi mangolo ri Ana'na Tolinoé.”

ROMA 12:12

Sitinajai Saudara mamménasa lao ri Puwangngé sibawa marennu, sabbara'no ri laleng asussangngé, sibawa mattinetto massempajang.

2 KORINTUS 4:1

Ripogau'i iyaé jama-jamangngé nasaba asémpo atinna Allataala. Iyanaro saba'na nadé' tapettu paddennuwang.

GALATIA 6:9

Rimakkuwannanaro, aja' tacau pogau'i gau'-gau' iya makessingngé; saba' rékko dé' tappésau pogau'i gau'-gau'éro séuwa wettu riduppai matu wassélé'na.

EFESUS 6:18

Pogau'i iya manennaro namuwassempajatto untu' méllau pattulung polé ri Allataala. Tungke' kasempatang, assempajakko pékkugi Rohna Allataala pimpikko. Sitinajako tuli sadiya sibawa aja' mumenyara. Tuli assempajakko untu' sininna umma'na Allataala.

FILIPI 4:6

Aja mubata-bata passalenna muwi aga. Ri laleng sininna gau'-gau'é, assempajanno sibawa pangoloni paréllaummu ri Allataala. Aga muwapparelluwang, tuli powadai lao ri Allataala ri laleng mattarima kasi.

KOLOSE 4:12

Selleng polé ri Epafras. Polé towi ri yelle'mu. Atannai Kristus Yésus, iya tuli massempajangngé sibawa matonget-tongeng untu' iko. Naéllauwi sibawa masero lao ri Allataala kuwammengngi na atepperemmu mancaji mawatangngi sibawa tonget-tongekko déwasa, kuwammengngi sukkuko matinulu lao ri élona Allataala.

KOLOSE 4:2

Sitinajako massempajang sibawa matinulu enrengngé jaga-jaga, nasukkuru'to lao ri Allataala.

1 TESALONIKA 5:17

sibawa tuli massempajang.

1 SAMUEL 1:12

Maitta senna Hana massempajang, nanapénessaiwi Eli témunna iyaro makkunraié.