LUKAS 17:8 - KITTA KAREBA MADECENG

⁸ Tentu dé'! Sibalé'na makkedako matu ri aléna, ‘Passadiyangekka nanréku. Pakéni pakéyang mapaccingngé namutumaningika ri wettu manré ménukku; purapiro nappako wedding manré.’

LUKAS 17:8 ပူးပေါင်းရင်းမြစ်များ

KAJAJIYANG 43:16

Wettunna Yusuf naita Bényamin sibawa kaka-kakana, makkedani lao ri pattumaninna iya kapalaiyéngngi ruma tanggana, “Tiwii iyaro sining tauwé ri bolaku. Manréi matu mennang sisama iyya iyaé lakessoé, rimakkuwannanaro géréno sikaju olokolo namupassadiyai iyaro.”

2 SAMUEL 12:20

Natokkonna Daud polé ri témbo'é, nanacemmé sibawa jakkaiwi gemme'na, nenniya mappasullé pakéyang. Nainappa lao massompa ri Bolana Puwangnge. Purairo lisuni ri saorajaé, nanaéllauwi ripatalangeng inanré, nainappa manré.

LUKAS 12:37

Temmaka upe'na sining pattumani iya ripoléiyé mattajeng ri wettu poléna puwanna. Ateppe'no: iyaro puwanna sadiya-sadiyani matu nanasuroi sining pattumaninnaro tudang, nanatumaningiwi mennang.

LUKAS 17:7

“Akkalarapanna engka séddi tau polé ri yelle'mu mappunnai pattumani iya maddakkalaé, iyaré'ga mampi bimbala'. Rékko lisui iyaro pattumanié polé ri dare'é, makkedakoga ri aléna, ‘Laono mai masitta manré'?’

LUKAS 17:9

Iyaro pattumanié dé' naparellu ripoji nasaba mapatoi riparéntana puwanna?

YOHANES 13:4

Rimakkuwannanaro tettonni ludungngi jumba-Na, nanasiyoi handu babuwa-Na.