LUKAS 17:12 - KITTA KAREBA MADECENG

¹² Wettunna nauttamaki séddié kampong, rilokkaini riseppulo tau iya malasa oli mappakatau-taué. Mabélai mennang tettong

LUKAS 17:12 ပူးပေါင်းရင်းမြစ်များ

2 ARUNG-NGARUNG 5:27

Nasaba mutarimai iyaro pabbéré, mutarima towi matu lasana Naaman. Mala untu' mannennungeng muwi wija-wijammu lolongeng towi matu iyaro lasaé!” Wettunna massu Géhazi polé kuwaro, lolongenni lasa oli – mancaji maputé senna'ni olina.

2 ARUNG-NGARUNG 7:3

Iyaro essoé eppa tau malasa oli iya mappakatau-taué engkai ri saliwenna pintu gerbanna Samaria. Makkedai séddié lao ri laingngé, “Aga akkégunanna tudat-tudakki kuwaé tajengngi amatétta?

ASSURENG 4:7

Nanakkeda Puwangnge, “Puttama'i paimeng limammu ri laleng wajummu.” Napogau'ni Musa makkuwaro, na wettunna napassusi paimeng, iyaro limaé majjappani.

ABBILANGENG 12:14

Nappébali Puwangnge, “Akkalarapanna riyamméccuiwi rupanna ri ambo'na, dé'ga napitungngesso ittana harusu'i masiri? Passalai polé ri akkémangngé pitungngesso ittana, napurapiro naweddinni muttama paimeng.”

LUKAS 18:13

Iyakiya iyaro passinge' simaé tettongngi mabéla-béla sibawa mala dé' nabarani conga ri langié. Nasappurui arona nanakkedato, ‘Oh Allataala, amaséika, tau madosaéwé!’ ”

LUKAS 5:12

Riséuwaé esso engkai Yésus riséuwaé kota. Kuwaro engka séddi worowané iya pennoé watakkaléna sibawa lasa oli mappakatau-taué. Wettunna naita Yésus, suju'ni ri yolo-Na maréllau, “Pa', rékko taéloriwi Bapa', taullé pajjappaka' Bapa'!”