LUKAS 17:1 - KITTA KAREBA MADECENG

¹ Nakkeda Yésus lao ri ana'-ana' gurun-Na, “Gau'-gau' iya nassabariyé namadosa pasti engka. Iyakiya cilakai tau iya nassabariyé!

LUKAS 17:1 ပူးပေါင်းရင်းမြစ်များ

MATIUS 16:23

Nagilinna Yésus nakkeda lao ri Pétrus, “Esu'ko, Paggoda! Mulawa-lawai-Ka. Iyaro pikkirammu, pikkirang tolino; tenniya pikkirang Allataala!”

MATIUS 18:7

Temmaka cilakana linoéwé nasaba gau'-gau' iya nassabariyé tauwé namadosa. Mémeng gau'-gau' makkuwaéro tuli engka matu, iyakiya cilakai tau iya nassabariyé!

LUKAS 16:31

Iyakiya makkedai Abraham, ‘Rékko mennang dé' nabati-batiwi paréntana Musa sibawa nabi-nabié, tentuni mennang dé'to namateppe' matu, namuni engka tau maté tuwo paimeng.’ ”

ROMA 14:13

Rimakkuwannanaro aja' tasisullé sipassala. Sibalé'na usahakangngi kuwammengngi dé' mupogau'i muwi séuwa iya nassabariyé séddié Saudara siyatepperengngé rigoda sibawa madosa.

ROMA 16:17

Saudara-saudara! Uwéllauwi sibawa masero: atike'ko lao risining tau iya paompoé assisalang sibawa pakacauwi atepperenna tauwé lao ri Puwangngé. Iyaro gau'é sisalai sibawa aga iya puraé riyappagguruwang lao ri iko. Abélaiwi sining tau makkuwaéro.

1 KORINTUS 10:32

Tuwono pékkugi baténa angkanna Saudara dé' nassabariwi tau laingngé pogau' dosa; tau Yahudigi mennang iyaré'ga tau tenniya Yahudigi, iyaré'ga jema'na Allataala.

1 KORINTUS 11:19

Mémeng siratang rékko mompoi sala pahang ri yelle'mu, kuwammengngi napaita matti niga-nigana tau Kristéng iya tongengngé.

1 KORINTUS 8:13

Iyanaro saba'na, rékko anrékanré nassabariwi Saudaraku madosa, tentu dé' sises-siseng umaélo manréi jukuénnaro. Saba' ajakké madosai Saudaraku nasaba iyya.

1 TIMOTIUS 4:1

Matedde'i napowada Rohna Allataala makkedaé ri wettu-wettu mangoloé, sibagiyang tauwé nassuriwi matu atepperenna, nassakkarengngi Kristus. Mapatoi matu mennang ri roh-roh iya mappapusaé sibawa maccowériwi sining pappagguruwanna sétangngé,

WAHYU 2:14

Namuni makkuwaro engka siyagangngaré passaleng iya dé'é Umasennangiwi polé ri iko: Engka sibagiyang tau ri yelle'mu iya maccowériyéngngi aga iya nappagguruwangngé Biléam. Biléam paggurui Balak pékkugiwi pasempé'i umma' Israélié ri laleng dosaé; ri laleng napalécéna mennang manré nanré iya puraé riyakkasuwiyangeng lao ri barahalaé enrengngé pogau'i gau'-gau' mappangaddié.

WAHYU 2:20

Iyakiya iyaé pappotane'-Ku lao ri iko: Muwéréngngi ati Izebél, makkunrai iya mangakuiyéngngi aléna surona Allataalaro. Maégani ata-atak-Ku iya nabengnguwangngé enrengngé napaggurui untu' mappangaddi enrengngé untu' manréi nanré iya puraé riyakkasuwiyangeng lao ri barahalaé.