LUKAS 16:9 - KITTA KAREBA MADECENG

⁹ Nabbicarasi Yésus, adan-Na, “Engkalingai! Pakéi asugirenna linoéwé untu' lolongeng sellao, kuwammengngi riwettu dé'na gaga angke'na asugirenna linoé, ritarimako matu ri onrong appérumang mannennungengngé.

LUKAS 16:9 ပူးပေါင်းရင်းမြစ်များ

MAZMUR 73:26

Namuni tubu nyawaku mancaji malemmai, Iko ritu awatangekku, oh Allataala; Iko ritu sininna iya uwappunnaiyé untu' mannennungeng.

AMSAL 14:24

Tau mapanré ripojiwi nasaba apanrénna; tau madonggoé tassebbo'i nasaba adonggonna.

AMSAL 19:17

Tulungngi tau kasiyasié pada muwi mappainreng lao ri Puwangnge; Puwangnge matti mpale'i matu.

AMSAL 23:5

Saba', ri laleng sikédé bawang weddingngi lennye waramparammu, samanna makképannii sibawa luttu ri bitaraé pada-pada kuwajangngé.

PAKKATOBBA 11:1

Tanengngi dowimu ri laleng usahaé ri saliwempanuwa. Pasti lolongekko saro ri munri.

YESAYA 57:16

Dé' na untu' mannennungeng Upassalai umma'-Ku; dé' na untu' matteru-teru macai-Ka, kuwammengngi dé' mennang napettu paddennuwang, padahal Iyya ritu patuwoi mennang.

DANIEL 4:27

Rimakkuwannanaro sitinajai Puwakku turusiwi pangajana atatta. Aja'na namadosasi Puwakku, iyakiya pogau'i aga iya makessingngé sibawa adélé'é, sibawa amaséiwi tau kasiyasié. Nanallalengiwi tette'i matu masennang Puwakku.”

MATIUS 19:21

Nakkeda Yésus lao ri kalloloéro, “Rékko maéloko mancaji sukku, laono mubalu'i sininna appunnangemmu. Wéréngngi ellinna tau kasiyasié, namulolongengngi matu waramparang ri surugaé. Purairo, laono muwaccowéri-Ka!”

MATIUS 6:19

“Aja' mupaddeppungengngi alému waramparang ri linoé, ri onrong iya weddingngé nasolangi karat sibawa taisseng enrengngé panga polé ménnauwi.

MATIUS 6:24

“Dé' séddi tau mulléi majjama untu' duwa ponggawa. Saba' lebbi namaséiwi matu séddié naiya laingngé. Iyaré'ga lebbi matinului lao ri ponggawa séddié naiya laingngé. Makkuwatoniro iko. Dé' muwulléi majjama untu' Allataala sibawa untu' waramparangngétto.

LUKAS 11:41

Iya engkaé ri laleng mangko'mu sibawa pennémuro, iyanaro harusu' muwabbéréyang lao risining tau kasiyasié. Caraénnaro nallalengi namapaccing maneng matu untu' iko.

LUKAS 12:33

Balu'ni appunnangemmu, namuwéréngngi ellinna tau kasiyasié. Ebburengngi alému tase'-tase' iya dé'é nawedding malaung, iyanaritu waramparang ritaroé ri surugaé. Iyaro waramparangngé dé' naulléi teddéng nasaba dé' naulléi pangaé malai sibawa dé' naulléi solangi karat.

LUKAS 14:14

Ribarakkakiko matu, saba' iyaro sining tauwé dé' naulléi mpale'i akessingemmu. Allataala matu mpale'i akessingemmu ri wettu ripatuwona paimeng polé ri amaténgngé sining tau makessingngé.”

LUKAS 16:11

Jaji rékko passalenna asugirenna linoé dé'na naweddikko riyatepperi, niga maélo paddettangiko asugireng baténgngé?

LUKAS 16:13

Dé' séddi tau mulléi majjama untu' duwa ponggawa; saba' lebbi namaséiwi matu séddié naiya laingngé; iyaré'ga lebbi matinului matu lao ri ponggawa séddié naiya laingngé. Makkuwatoniro iko. Dé' mulléi majjama untu' Allataala sibawa untu' waramparangngétto.”

LUKAS 16:4

Engka akkalekku; rékko ripaléssoka, harusu'ka mappunnai maéga sellao iya maéloé pappérumaka ri bolana!’

RIWAYA'NA RASUL-RASUL-E 10:31

Makkedai, ‘Kornélius! Natarimani Allataala sempajammu sibawa naéngngeranni asémpoatimmu.

RIWAYA'NA RASUL-RASUL-E 10:4

Naitani Kornélius iyaro malaéka'é sibawa métauna nainappa makkeda, “Engka aga Puwang?” Nappébali iyaro malaéka'é, “Sempajammu sibawa asémpoatimmu natarimani Allataala sibawa naéngngeranna Allataala.

2 KORINTUS 4:17

Na asussang iya dé'é nasiyagaé, iya ripéneddingiyé untu' cinampe', powassélékekki matu séuwa asennangeng iya dé'é padanna sibawa mannennungeng. Iyaro asennangengngé mabélai lebbi battowana rékko ripasibandingngi sibawa iyaro asussangngé.

YUDAS 1:21

sibawa tuli tuwono ri laleng accinaungenna pammaséna Allataala, ri wettu mutajenna pammaséna Puwatta Yésus Kristus, iya mabbéré matu lao ri iko atuwong tongengngé iya mannennungengngé.